Neemiya 5:15 - Wëël Jwøk

¹⁵ 'Ba kwääri moa kwøŋ bwödhö nyïma dïkwøŋ, ajwäk mo teek akïthge bäät jiy, ni jwäkge caammi mo jiy ki kwøk nyïïomøki moge, ni ge meeda ge bäät gwet-bïrö ma pïëraŋween. Këël jicge, bëët jiy atïïcge ni teek. 'Ba aani teeŋ gïnögø kära tïïö, kiper aani, a lwäär ki Jwøk.

Neemiya 5:15 Iomraidhean Croise

Wïlöölö 20:11

Ni kö Eeberammi, ni «Ka adïëri møn beeye kiper mana jooda gø ni jøøi ni kany en nëëni keda jiy mo ba lwäär ki Jwøk; ni nëëni keda a 'näkge nääö jaak kiper dhaagø mara.

Wïlöölö 42:18

'Ba na tïme na dää nïne Jocep aköö jïge, «Kiper nou kwøw, tïïyu gïn noo caana jïïu en, kiper aani a lwäär ki Jwøk.

Neemiya 5:16

Këël aani ki dëëra thuwø, dëëra acïba kiper tïïc mar kiir man; waani bäŋ ŋøøm mo ewa ŋeeø. 'Ba jiya bëët gena bëëdö ni ge ena kanya ciel kaace kiper tïïc.

Neemiya 5:9

Køøre aana cäŋ köö, ni «Gïna tïïyu enø patha gïn mo beer. ?Aŋø, uuni, ba løny ki man bëëdu nou lwäär ki Jwøk marø kiper nee ajøøŋ mar nyïïmän 'moø ma wïth juurre tïme ni bäŋgø bäätø?

Jööp 31:23

Kiper a lwäär ki ränynyö man wø ööi ki baŋ Jwøk, ni ba løny ki man tïïa ki gïn mo raac kiper a lwäär ki dööŋ-kar mare.

Pwöc Leec Wïc 16:6

Ki køør bëët-mëër ki bëët adïëri, gïï wø bayi di wiiø, ni ki køør man lwäär Wuuö Jwøk, dhaanhø ree wø di løø ni kwiera gïïa reyø.

Pwöc Leec Wïc 29:12

Ni näk kwäärö ïthe di ciiø ki luup tööt, jøøa kwörge døøŋŋø bëët moa en tiere tïmö ni reyø.

Aydheea 50:10

?Aŋa dïïu ni lwäär ki Wuuö Jwøk, na jïëc luum dhaanhnhe mana näk ee jierø, ni cäädhi ka yi muudhö ni bäŋ tar jïre? Beerra man ö eni ni ŋääth Wuuö Jwøk, ni bëëde no ogöök ri Jwøk mare.

Jeremaya 32:9

Kanyøgø pwödhö manøgø na en ya Anathöth enø aputa ŋeew baŋ Anamel o cöök wära, ni røma gwet-bïrö apaar ka abïriiø jïre.

Wëël Kïmmö 5:8

Laaŋe waana dïïmge, ni bäŋ ŋat mo käl wa wøk ceŋge.

Mathiew 5:47

?'Ba ni näk mou määtha nyïïmëëgu keerge, agïnaŋø na beer na tïïyu na kaallu jø møga ki gø? ?Aŋø, këël juurre, ge ba bëëdö ka bëëtö ma enøgønø thuwø?

2 Körin 11:9

'Ba kanya bëëda ki uuni a can, ni bäŋ ŋat mo yaa öölö kiper køny. 'Ba gïïa manynya acïp nyïïmëëe moa öö ki Macedönia. Kiper manøgønø, u kära öölö nou ba ööla këët na bäre bäre.

2 Körin 12:13

?Aŋø, agïnaŋø na tïïc dï acook Jwøk møga, ni kääŋu ki gø? ?Paa mana kära uuni öölö keere? Cïbu cwïnynyu piny ki aani kiper gïnö ni yaa baa enø.

1 Camiel 8:15

Ni ö paac wïth caammi mou, ki paac wïth nyïïomøki mou, ni käl geni, ni cïp ge jï jiye moa näk ee cuumö ki jø tïïc moe.