Neemiya 5:12 - Wëël Jwøk

¹² Køøre gena köö, ni «Gïïögø dwøkwa dwøgø, ni bäŋ gïn manywa baŋge këët. Waani, tïïcwa tïïö kiree kaawat manø caanï enø.» Kanyøgø aani, dïlämme acwøla, ni wëëga jøøgø kööŋ nyïma nee tïme ni ge tïïö ka køør luubö man mana näk ocaanø.

Neemiya 5:12 Iomraidhean Croise

Edhera 10:12

Køøre aløk jø acooŋa bëët ni döötge ena maal, ni köge, ni «Gïnögø beeye kare! Gïna caanï enø putwa ka kïth bäät tïïc.

Edhera 10:5

Køøre Edhera aö maal, ni ö jøøa näk kwörge døøŋŋø røk dïlämme, ki røk jø tuuŋ Libay, ki røk jø Icriel bëët ni tïïc ge nee kööŋge ki man kïthge luubö mana caan bäät tïïc; ni ö geni ni putge kööŋ.

Neemiya 10:29

gena dwätö ki nyïïmëëkge, ni beege dïbwöthe moge, ni lamge dëëtge ni kööŋge ki man cääthge køør ciik Jwøk na cïp Jwøki ki ri dhaanhnhe ma Modhe, ki man gwøkge gïïa cem kwäärö Wuuö Jwøki bëët, Jwøk marø, ki luup ŋøl moe, ki pwöc moe, ni köge,

Neemiya 10:30

ni «Nyïïø ba cïbø jï juurre nee nywømge, ni ba lwørø nyïïge nee nywømø jï wäätø.

Neemiya 10:31

«Ni kanyo ö wïth juurre noo känge ki beel ki jammi mo di gadhø ki Cäŋ Jwömö, øøni, ø ba ŋëëö baŋge ki Cäŋ Jwömö, ki cäŋ mo ena kur keere na mar Jwøk. Øøni, kany wø tïme na ri bïriet cwiiri, ø ba purö, ni wiiø pïït bëët bäät jiy, ni ba piirø këët.

Neemiya 13:25

Køøre aani, gena jääla ni cwöla acïëni bäätge ni pwöda jiy møøk rege, ni nywaada jïëc wïthge, ni wëëga geni kööŋ ki nyeŋ Jwøk nee geni nyïïge ba cïpge këët jï wäät juurre nee nywømge, ni ba kälge nyïï juurre nee nywøm wäätge wala geni.

Neemiya 5:11

Ennø, dïcäŋi kiree, uuni, dwøgu pwöth beel moge jïge, ki pwöth omøki moge, ki pwöth jenni moge mo wø nyïïge wel na maaw, ki uudi moge, këël dïm wïth gwel ki dïm wïth beel, ki dïm wï køøŋ nyïïomøki moa nyärö, ki dïm wï maaw ni wø cwøllu bäätge yøø.»

Mathiew 26:63

'Ba Jecu alïŋö jaak. Ni ö Kwääy Lammi Mana Dwøŋ ni kööe jïgø, na «A köömma ïïni ki nyeŋ Jwøa kwøw, caanï jïwa ki man näk mo bee ï na Krictø, na näk O Jwøk.»

Luk 19:8

Køøre Dhekiya aö maal ni cuŋŋe, ni kööe jï Kwäärö, ni «Kwäärö, neenï, thäŋ jammi 'moa mëëga jøøa can. Ni näk da ŋat mo yaa mødø ki gïrpiny, dwøga dwøgø jïre na aŋween.»