Neemiya 5:1 - Wëël Jwøk

¹ 'Ba kanyøgø jiy ki määrge gena bëëdö ni ge jwöŋö døc ni döötge ege tïŋ maal dëët nyïïmëëkge ma jø Juuth.

Neemiya 5:1 Iomraidhean Croise

Neemiya 4:23

'Ba aani, ki jø wø käärwa tïïc ki geni, ki jø tïïc 'moa, ki jø koor mo wø bëëdö ki aani, bäŋ ŋat mo obëëdö rewa na abïïe moe ee gööny wøk; ŋati man nø bëëdö ni jap leny moe nut cere, këël noo umme ki pïï.

Jööp 34:28

Geni, jøøa can ki jøøa no ocaannø atïïcge nee jwöŋge dëër Jwøk kiper køny, ni ö Jwøki ni wïny oduuru marge.

Bwøth Wøk 3:7

Køøre Wuuö Jwøk aköö, ni «Ka adïëri møn, can mar jiya na en Ijep ajooda, ni wïnynya jwøk marge mana jwöŋge ki gø kiper gïïa leth na tïïc jø wø käär tïïe moge dëëtge. Aani gïïa jwørge bëët ŋääa.

Aydheea 5:7

'Ba pwöth jer omøki mar Wuuö Jwøk, eni na wïth jammi bëët, beeye dhi øt Icriel, ni jenni moa tøøe na mëëre ki ge, beege jø Juuda. Ena bëëdö ni räŋö ni koora ŋøl ma kare, 'ba atïmö ni nuta køny remø piny; ni bëëde ni räŋö ni koora bëënynyö, ni tïme ni wïnynya oduuru mar pänh cwïny.

Jeremaya 34:8

'Ba dwør Wuuö Jwøk aö bäät Jeremaya, ni kanyøgø nyeya ma Cëdëkiya onø tudö ki luubö ki jiy bëët moa en Jerucalem, nee luum jøøa biel dëëtge na laaŋe gøø piny nee ge pät yi bëët laŋ,

Edhikiel 45:9

« ‹'Ba man bee luumma caan Kwäärö Wuuö Jwøki, ena köö: Wui, u na dïbwöthe mo Icriel, yïthu thumge nø ni weyu japa reyø ni wø tïïyu, ki thiel jiya piny, ni tïmu nou tïïya ŋøl ma kare, ki tïïc gïn ma adïëri, ni weyu jiya ki man riemu ge wøk ki yïth ŋøøm moge. Luummögø caana aani, a na Kwäärö Wuuö Jwøk.

Milkiya 2:13

Gïn mør maa cäŋu tïïyö thuwø beeye en; u jwöŋö lak gïn wø cïp olämme bääte, ni tïm pï nyeŋŋu ni øya piny bääte, nou kïmmö kiper mana ö Wuuö Jwøki na ba neen jï muuce mou, ni ba jïëc geni baŋu, ni yie ba met ki geni.

Luk 18:7

?A Jwøk nø, jiye na jiere ba ŋunne, jø wø jwöŋi ïthe ki wärre ki cääŋŋe? ?Dëëre gaale gaalø ki gïrge?

Moa Tïïc Nyïïatwieli 7:26

'Ba na tïme na aruunnø man, jø Icriel ariiø acwäne ni ge wëër, ni thääk ge ni manynya man dwal geni, ni kööe, ‹Nyie jaay, uuna nyïïmëëe. ?Aŋø ni raanynyu røgu keeru en?›

Jeemeth 5:4

Neennu, gwet jøøa kac pwöth mou na møtu atïmö ni rëëdö. Ni ö oduuru mar jøøa kac caammi mou ni wïnye ïth Kwäärö Wuuö Jwøk, eni na wïth jammi bëët.