Neemiya 4:2 - Wëël Jwøk

² Ni ö eni ni cääne, ni jøøa näk odwätö ki eni ki jø leny mo Cameria nutö buute, ni kööe, ni «?Jø Juuth moø no onø päth bäät upge yøø, ge tïïcge ŋø? ?Aŋø, geni, ge cäŋa kiir marge dwøk kare jïge? ?Aŋø, løny jïge ki man cïpge ko olämme? ?Ni løny jïge ki man thöörge kiir ki dïcäŋ aciel? ?Aŋø, geni, kïte moa gëëdö ki geni moa näk oniruuth na no oraany maaci, løny jïge ki man cäŋge gëëdö ki ge?»

Neemiya 4:2 Iomraidhean Croise

Edhera 4:4

Køøre juurre moa bëëdö yi ŋöömmögø cwïny jø Juuda araanyge, ni tïïcge geni nee lwäcge ki man geerge øtø,

Neemiya 12:27

'Ba kanya tïme na cäŋa cïp kiir mar Jerucalem kur keere yie na mar Jwøk, jø tuuŋ Libay amanynyi yïth kwöra bëëtge yïthge bëët, ni käl geni Jerucalem nee cäŋ manøgø mana cïp kiir yie kur keere na mar Jwøk wøørge ki met ec, ki dudi mo dwøk met ec, ki dudi mo wär ka athiliiŋŋi, ki mo pwöt ki thøme ki thøp-othïënhö.

Neemiya 12:43

'Ba dïcäŋögø jiy acïpö ko olämme mo thööth døc, ni bëëtge ni yïthge met kiper Jwøk acïpö jïge ki met ec mo dwøŋ; ni ö määnni ko obwöre ni mïn yïthge. Ni ö dwør mïn eci mana tägö Jerucalem ni put wïnyö kany mo bäär.

Neemiya 4:10

'Ba man beeye mana car jø Juuda, na tïmö kaamar duut, ni «Teek dëël marwa mar tïïc athum, ni kïte moa näk oniruuth poot thööth døc, ni waani, ba løny jïwa ki man geerwa kiir.»

Neemiya 6:15

'Ba kiir bäre athum ki geer ki nïne ma pïërabïïc kurriiø, ni nïr dwää abïciel ni wø cwøl ni Ëlul pïërariiø ka abïïc.

Jeremaya 26:18

ni «Mikiya nyï Mörëcëth dwør Jwøk akøbe yïth nïra beet Edhekaya ni ena nyeny Juuda; ena cäänö ki jø Juuda bëët ni kööe, ni ‹Luumma caan Wuuö Jwøki, eni na wïth jammi bëët beeye en: « ‹Dhayan na näk Jerucalem oränynyi, ni puuri na pwöth jaak, ni ö thuurri mana näk Øt Jwøk ogeer bääte ni tuue ka abuŋŋe.›

Jeremaya 33:24

na «?Aŋø, gïna caan jøøi ii kärï wïnynyö, kanya köge, ni ‹Icriel ki Juuda, wïth tuŋi moa näk ariiø moa jier Wuuö Jwøki, gena nø kwiere›? Kanya caange teeŋ luummögø, ge taaga jiya, ni ge patha paac ki jïge këët.

Daniel 9:25

«Kiper manøgønø, beerra man ŋäyï gø ni kwanyï tiere ki man näk mo luubö mana caan ki man dwøk Jerucalem kare ki man cäŋi geerrø, këël kanyo ö ŋata näk wïïe othïïmmö ki maaw, ŋato käär jiy, otïmö na cwiiri abïriiø kwöre abïriiø, ki cwiiri abïriiø kwöre ma pïërabïciel ka ariiø. Jerucalem cäŋ ka geerrø ni da nyeŋ jïëthe ki kwör gwøk røk mo teek. 'Ba kar kaace beeye cäŋ gïï mo leth.

Abakuk 3:2

Wui Wuuö Jwøk, lïëŋ mar nyeŋŋï awïnynya, ni thäŋ yia ki gïr tïïe moï. Wui Wuuö Jwøk, tïïe moa tïïyï, cäŋ tïïyö kar kany ennø, niï tïïya geni nee ŋäc yïth cwiiri moi. Nyooth met ec këël na bëëdï ni ïïno wëër.

Dhekaraya 12:8

'Ba dïcäŋöca, Wuuö Jwøk jø Jerucalem ogwøe, ni ö jøøa jägö dïge ni tïmge ni teek dïcäŋöca kaamar Deebit, ni ö jø dhi øt Deebit ni bwøthge jiy kaamar Jwøk, ni ge caala nyïïatwiel maal mar Wuuö Jwøk mo bwödhö nyïmge.

Dhekaraya 4:10

«?Aŋø, aŋa ni wø taak cäŋ man wø täk tïïc ni thiinh yie? 'Ba jiy yïthge omïnni kanyo jootge gïr røm man wø nyooth tiir mar øtø ni ena cer Dherubabel. «'Ba gïïa na abïriiø beege nyeŋ mo Wuuö Jwøk mo wø bëëdö ni wïdö ni raŋŋa bäät piny bäre.»

1 Körin 1:27

'Ba Jwøk jiera gïïa näk bøøre dï jap piny, nee wïth moa wïthge leer lääe, ni Jwøk jiera gïïa jägö dï jap piny nee wïth moa teek lääe.