Neemiya 4:17 - Wëël Jwøk

¹⁷ moa näk gëëdö ki kiir. 'Ba jiy moa jwïëk jap tïïc, tïïc marge tïïcge ka ceŋge oceele, ni ceŋge møga da jap leny.

Neemiya 4:17 Iomraidhean Croise

Neemiya 4:13

Kanyøgø aani, jiy aputa cïïmmö ki jï løøa en jï piny deŋ kiir kwöra näk ŋammø ki kwöra leer; ni jiy cïïmma ka køør dhøk uudi moge, ni ceŋge do opëëlle, ki tøøŋi, ka athëëre.

Neemiya 4:16

'Ba ki mana täge ki dïcäŋece nø, thäk jiy 'moa gena bëëdö ni ge tïïya tïï kiir, ni ö thäk jiya møga ni bëëtge ni ceŋge da tøøŋi, ki kööt leny, ka athëëre, ni dëëtge ege runynyö ka abïïk nywïëny; ni ö kwääri mo leny ni bëëtge ni rege ege cïïmmö ŋäth jø Juuda bëët

Neemiya 4:18

Ni ŋat geer man nø gëëdö no opëëllö mare ee twöö piere, ni ö ŋat wø kooth tuuŋ ni bëëde ni ena buuta.

Obeec Dudi 3:8

Ni ge bëët ceŋge do opëëlle, ni geno kwänynyö døc ki leny; no opëëlle moge ege twöö ŋäthge, ni rege ege jiiŋŋø kiper gïn mo leth mo tägö ki wäär.

Daniel 9:25

«Kiper manøgønø, beerra man ŋäyï gø ni kwanyï tiere ki man näk mo luubö mana caan ki man dwøk Jerucalem kare ki man cäŋi geerrø, këël kanyo ö ŋata näk wïïe othïïmmö ki maaw, ŋato käär jiy, otïmö na cwiiri abïriiø kwöre abïriiø, ki cwiiri abïriiø kwöre ma pïërabïciel ka ariiø. Jerucalem cäŋ ka geerrø ni da nyeŋ jïëthe ki kwör gwøk røk mo teek. 'Ba kar kaace beeye cäŋ gïï mo leth.

Jool 2:8

Geni, dëëtge ba dhïrge; ŋati man nø caatha nyïme ni tiir. Ni kany wø nigerääc piny caala man wø ö jø lenynyi wø nigerääc piny dï jap leny ni tëëŋŋö marge ba gwäyi.

1 Körin 16:13

Kuru, ni cuŋŋu nou teek ri ŋäädhe maru. Magu cwïnynyu nou teek.

1 Körin 16:9

kiper aano jämmö ki jöö mo päl, ni beeye jöör tïïc ma wøp døc, 'ba da nyïïmän mo thööth døc.

1 Körin 9:12

?'Ba nee jø møga da kurge mo beer jïge ki man lwørge gø baŋu, ba kadha marwa? 'Ba këël na näk enønø, kurwa na doo beer jïwa ki man lwørwa gø baŋu awecwa, ni tïmwa ni wa jwøra gïïa leth, kiper nee bäŋe dïdëët mo kïthwa jöör luumma nyään na met mar Krictø.

2 Körin 6:7

ki køør caan luup na adïëri, ki køør teek Jwøk, ki køør jap leny mar cer cwïïc ki cer caam, na näk beeye bëënynyö.

Pilipay 1:28

'Ba kär nou lwäyö ki gïï wø tïïc jø wø män ki uuni bëët. Kiper manøgøøni beeye nyuudhi jïge mar ränynyö marge, 'ba ki jïïu beeye pïëm man piem uuni ki gø, ni beeye man wø cïp Jwøki.

2 Timöthi 2:3

Lwør kurï ri gïï wø leth, ni ïïna ŋat leny ma wøp mar Krictø Jecu.

2 Timöthi 4:7

Aana këëdö ki leny ma wøp, ni thööra ŋwïëy mara, ni gwøa ŋäädhe.