Neemiya 3:26 - Wëël Jwøk

²⁶ Ni ö jø wø tïïö yi Øt Jwøk ni wø bëëdö bäät thuur Öpël, ni tïïcge tïïc marge këël mana këët buut dhi kiir man wø cwøl ni Dhi Kiir Pïï, ni ge cäätha jï kur tuul-cäŋ ki jï kanya näk okëël ri øt koor.

Neemiya 3:26 Iomraidhean Croise

1 Luup Nyeye 9:2

'Ba jøøa kwøŋ duuö na duu yïth mïëri moge ki yïth päänye moge beege dïlämme, ki jø tuuŋ Libay, ki jiy mo wø tïïc tïïe moa therø yi Øt Jwøk, ki jø Icriel møøk.

2 Luup Nyeye 27:3

'Ba Jötham dhi kal mar Øt Wuuö Jwøk mana en jï maal acäŋ geerrø, ni geer kiir mana en buut Thuur Öpël ki tïïc mo teek døc.

2 Luup Nyeye 33:14

'Ba na tïme na køør gïïögø, eni kiir mana en wøk ŋää Pääny Deebit na en jï kun wø päth cäŋŋi yie buut jøøro man wø cwøl ni Giyön na en ya agäm-kïdi ageere ni ena maal døc, këël mana këët Dhi Kiir Rec, ni ee wïrö ki deŋ thuur Öpël. Ni cïp yïth päänye bëët mo Juuda moa no ogeerø ni teek ki kwääri mo jø leny.

Neemiya 10:28

'Ba jiy møga bëët, ki dïlämme, ki jø tuuŋ Libay, ki jø wø koor dhøgi mo kal mar Øt Jwøk, ki jø wø wär ki dudi Øt Jwøk, ki jø wø tïïö yi Øt Jwøk, ki jiy bëët moa käl dëëtge wøk ki røk wïth juurre ki man cïpge dëëtge jï ciik Jwøk, geni ki määrge ki wäätge, ki nyïïge, ni beege jøøa näk tier luubö cøøa wïthge,

Neemiya 11:21

'Ba jø wø tïïö yi Øt Jwøk, ge bëëdö bäät thuur Öpël; ni ö Dhia ki Gicpa ni bëëtge na jø wø raŋ jøøgø ni wø tïïö yi Øt Jwøk yøø.

Neemiya 12:37

Ni ŋutge ki dhi kiir man wø cwøl ni Dhi Kiir Jøøro, ni ge etha maal ki øtjöö mana näk okïthö ki kwör tiel thääŋ Jerucalem man wø cwøl ni Pääny Deebit, ni pööthge ki bäät kiir mana näk wï øt Deebit ee kaalø, ni ge cøøa dhi kiir man wø cwøl ni Dhi Kiir Pïï na en jï løø kur tuul-cäŋ.

Neemiya 3:27

Ni ö jø Tëköa ni dwøkge thääŋ dëër kiir løøk maya kare kanya en buut øt koor mana dwøŋ këël mana këët ri kiir mar thuur Öpël.

Neemiya 8:1

'Ba kanya ö dwää abïriiø na tääi, ni jø Icriel onø pï piny yïth päänye moge, geni ge bëët rege acooŋge kanya ciel kar acooŋa kanya leer nyïm dhi kiir man wø cwøl ni Dhi Kiir Pïï, ni ge bëëdö kaamar dhaanhø aciel. Køøre geni, acaange jï Edhera, eni na dïpööy mar ciik Jwøk, nee wëël ciik na cïp Wuuö Jwøki jï jø Icriel ki ri Modhe käl wøk.

Neemiya 8:16

'Ba jiy gena put aa wøk, ni kälge bäät jenni, ni gëënge dëëtge ka abïle, ni ö ŋati man nø ni gëëde bäät øde maal, ki yïth käälle moge, ki yïth käälle mo Øt Jwøk, ki kanya leer na en nyïm dhi kiir man wø cwøl ni Dhi Kiir Pïï, ki kanya leer na en nyïm dhi kiir man wø cwøl ni Dhi Kiir Ipariem.

Neemiya 8:3

Ni kwaan wëëlö ki mana täge ka amöölla këël dhöör dïcäŋ, ni jiy ee løø nyïme kar acooŋa kanya leer na en nyïm dhi kiir man wø cwøl ni Dhi Kiir Pïï, ni kwaane nyïm cwøw ki mään, këël obwöre moa näk tier luubö cøøa wïthge. 'Ba jiy bëët ïthge acekge døc ki luup moa en yi wëël ciik Jwøk.

Aydheea 32:14

Kiper paan dwøŋ dööŋ keere, ni ö paana näk jiy thööth yie ni tïme ni bäŋ jiy yie. Thuuri ki uut koor tïmö na kwör bëëte jï lääc paap na bäre bäre, ni tïme na kar kwääk jï arëëni mo paap, ni bëëde na kar kwaath mar dïëk;