Neemiya 3:15 - Wëël Jwøk

¹⁵ Ni ö Calummi o Köl-Ödhë, ŋata bëëdö na kwäärö mar Micpa, ni dwøk dhi kiir kare man wø cwøl ni Dhi Kiir Jøøro. Eni dhi kiir ageere, ni mooc dhi kiir maal ka apäära, ni kïth dhi gø ko odhuule, ki gïï wø dëëdi ki geni, ki dïdëëdi. Ni ö eni thuwø ni dwøk dëër kiir kare mana en buut puul man wø cwøl ni Ceela na en buut ajïniin nyeya, këël mana pïïe ri kanya näk okïthö ki kwör tiel kany wø ïnh piny ki yie ni jøw käla thääŋ Jerucalem man wø cwøl ni Pääny Deebit.

Neemiya 3:15 Iomraidhean Croise

2 Camiel 5:9

Køøre Deebit abëëdö kanya näk kar gwøk røk, ni cwøl gø ni Pääny Deebit. Ni ö Deebiti ni put pääny manøgø bäre geer ni teek, ni tägi ki kanya no othørø ni wø cwøl ni Milø.

2 Nyeye 25:4

Køøre, kiir mar pääny atuc jø Babilønni. Ni ö jø lenynyi bëët mo Juuda ni bwøkge ki wäär ni ge cøra dhi kiir mana en yïthakic kiiri moa na ariiø na en buut ajïniin nyeya, këël na bëëde ni jø Babiløn pääny ege ciel dïër bäre. Ni aacge ni ge coonya goor Jördan ni wø cwøl na Araaba.

2 Luup Nyeye 32:30

'Ba Edhekaya bee eni na dïïr jöör pï jøøro mana en maal na cwøl ni Giyön, ni tïïc pï gø nee døøkge ki jï løø wø päth cäŋŋi yie ki yi Pääny Deebit. 'Ba Edhekaya jammi moa tïïe bëët athur karge ni beyø.

Neemiya 12:37

Ni ŋutge ki dhi kiir man wø cwøl ni Dhi Kiir Jøøro, ni ge etha maal ki øtjöö mana näk okïthö ki kwör tiel thääŋ Jerucalem man wø cwøl ni Pääny Deebit, ni pööthge ki bäät kiir mana näk wï øt Deebit ee kaalø, ni ge cøøa dhi kiir man wø cwøl ni Dhi Kiir Pïï na en jï løø kur tuul-cäŋ.

Neemiya 2:14

Køøre aana aay ni pöötha dhi kiir man wø cwøl ni Dhi Kiir Jøøro, ki bäät puul man wø cwøl ni Puul Mar Nyeya; 'ba bäŋ kany mo pööth lääyi ki yie mana cäädha ki bääte.

Neemiya 2:17

Køøre aana cäänö ki geni ni kööa, ni «Uuni, bëëtö man ni raac ni enø yie en nëënö jïïu, ni Jerucalem bëëdö no oränynyö, ni dhøgi mo kiir mare owaaŋø ki maac. Uuni, beerra man ööu ni cäŋø kiir mar Jerucalem geerrø, kiper nee ø ba bëëdø këët ni ø di jøøŋŋø.»

Neemiya 3:12

Ni ö Calummi wär Alöec, ŋata bëëdö na kwäärö mar thääŋ Jerucalem, ni dwøk dëër kiir kare, eni ki nyïïe, ni beeye kanya ŋuut dhi cer Malkiya yie.

Neemiya 3:14

Ni ö Malkiya o Rëkap, ŋata bëëdö na kwäärö mar Bëëth-Akarim, ni dwøk dhi kiir kare man wø cwøl ni Dhi Kiir Wï Thur. Ageere ni kïth dhi gø ko odhuule, ki gïï wø dëëdi ki geni, ki dïdëëdi.

Neemiya 3:19

Ëdhör o Jëcua, eni na bëëdö na kwäärö mar Micpa, dëër thääŋ kiir løøk maya kanya ŋuut dhi cer Ënadati yie adwøk kare, ni beeye kanya en buut kany wø eth jøwi maal ki yie ni jøw cøøa kar kän mo jap leny na en kanya gun kiirri ki yie.

Neemiya 3:7

Ni ö Melathaya nyï Gibien, ki Jadön nyï Mërönöt, ki jø Gibien, ki jø Micpa, jøøa en tier kwäärö mar paac man wø cwøl ni Løø Naam Upareeti Løøga, ni dwøkge dëër kiir kare kanya ŋuut dhøk ceŋ jøøgø yie.

Neemiya 3:9

Ni ö Rëpaya wär Ur, ŋata bëëdö na kwäärö mar thääŋ Jerucalem, ni dwøk dëër kiir kare kanya ŋuut dhøk ceŋ jøøgø yie.

Luup Dïpööy 2:6

ni tïïa ka aguule mo pïï na mo jwøc pwöth jenni ki ge.

Aydheea 8:6

ni «Kiper mana ö jø Juuda ni kwierge pïï moi ni muuli mëëth ii na käl Naam Cilöa, ni tïme ni yïthge mïnni ka Recin ki o Remaliya,

Jeremaya 40:6

Køøre Jeremaya aci Micpa baŋ Gedaliya wär Akikam, ni bëëde buute ki jiy na aciel moa näk odööŋ paac.

Luk 13:4

?Wala gïr jøøa näk apaar ka abära, na päth øt pööki bäätge yi Caylööm ni 'näk geni, aŋø, you caarø ni kadha bääyö marge ki jøw møga bëët moa bëëdö yi Jerucalem?

Jøøn 9:7

ni kööe jïgø, ni «Ciï ni lwøgï yi puul Caylööm;» na näk tier nyeŋŋe beeye Jääk. Køøre ena cøø ni lwøe, ni duue ni nëënö.

Pïëmme 20:1

Køøre jø Icriel bëët aö wøk ki kwöra enge yïthge, ni beeye ki mana täge ki Daan na en wï-piny këël mana këët Bëërcïïba na en tier-piny, ni rwöpa ŋööm Gelät bäre na en jï løø kur tuul-cäŋ; ni ö lwaaki ni dwalge rege ni tïmge kaamar dhaanhø aciel nyïm Wuuö Jwøk kanya cwøl ni Micpa.

Pïëmme 20:3

Ni ö jø tuuŋ Benjamen ni wïnyge gø ni jø Icriel rege ege nø dwal Micpa. 'Ba jø Icriel dëëtge apëënyge ni köge, ni «Caannu jïwa ki man näk gïn ni raac en otägö nidïï.»