Neemiya 2:3 - Wëël Jwøk

³ ni kööa, ni «Wui Nyeya, ïïno bëëdö na bäre bäre. ?Aani, cwïnya ba pädhe nidïï këët ni pääny kanya en bwöc kwäcwa yie oränynyö, ni dhøgi mo kiir mare othöör maaci?»

Neemiya 2:3 Iomraidhean Croise

1 Nyeye 1:31

Kanyøgønø, Bathcïba cøŋŋe akëël piny ni kuul wïïe piny nyïm nyeya ni kööe, ni «Beerra man bëët nyeya mara ma Deebit na bäre bäre!»

2 Nyeye 25:8

'Ba kanya tïme na ri cwiiri apaar ka abïŋween moa beet Nabukedenecörri ni ena nyeny Babiløn, kanya tïm nïr dwää abïïc na abïriiø, Nabucaradan kwääy jø koor, mo tïïö tier nyeny Babiløn, aö Jerucalem.

2 Luup Nyeye 21:20

'Ba eni kanya tïme na nyeya, cwiic dööŋö moe beege pïëradäk kurriiø, ni bëëde ni ena nyeya Jerucalem ki cwiiri abära. 'Ba kanya thøøe, bäŋ ŋat mo okïïn gïre. 'Ba ena koonyge yi Pääny Deebit, ni patha kany wø koony nyeye yie.

2 Luup Nyeye 28:27

Køøre Eeyeth athøw, ni läp køør kwäcge. Ni koonyge gø yi pääny Jerucalem, ni kärge kïth kany wø koony nyeye mo Icriel yie. Ni ö wääde ma Edhekaya ni läw kar gø na nyeya.

2 Luup Nyeye 32:33

'Ba Edhekaya ena thøw ni läp køør kwäcge, ni koonyge gø kar bwör moa en maal mo nyïïkwaac Deebit; ni ö jø Juuda bëët ki jø Jerucalem ni wøørge thøø mar gø. Ni ö wääde ma Maneeca ni läw kar gø na nyeya.

2 Luup Nyeye 36:19

Køøre Øt Jwøk awaaŋge, ni nyaage kiir Jerucalem piny, ni ö uudi bëët mo Jerucalem moa no ogeerø ni teek ni waaŋge ge ki maac, ni raanyge jammi bëët moa perge leth na en yi Jerucalem.

Neemiya 1:3

Ni köge jïra, ni «Jiy moa näk kär maaø ki tøŋ na no odööŋ ni kwøw yïth mïëc Juuda, ge ena yi bëëtö mo leth, ni ge di jøøŋŋø. Kiir mar Jerucalem bëëdö no opädhö, ni dhøgi mo kiir mare bëëdö no owaaŋø ki maac.»

Neemiya 2:13

'Ba kar kaagø ki dï wäär aana ci wøk naa cøra dhi kiir man wø cwøl ni Dhi Kiir Agäm Kïdi, jï løøa en iithi yie man wø cwøl ni Iith Thwöl, jï kuna en dhi kiiri yie man wø cwøl ni Dhi Kiir Wï Thur, kiper nee kiir mana näk oränynyö mar Jerucalem raŋa ki dhøgi mo kiir mare moa näk othöör maaci.

Acther 8:6

?Kiper cwïnya omaa gø nidïï ki gïnögø ni raac enø noo päth bäät jø powa, wala cwïnya omaa gø nidïï ki man neena jø tuuŋwa ni di raanynyø?»

Jeremaya 52:12

'Ba kanya tïme na ri cwiiri apaar ka abïŋween moa beet Nabukedenecörri ni ena nyeny Babiløn, kanya tïm nïr dwää abïïc na apaar, Nabucaradan kwääy jø koor, mo tïïö tier nyeny Babiløn, aö Jerucalem.

Wëël Kïmmö 2:9

Dhøk kiir apäänhnhö piny ni buŋi ya ŋøømmi, ni ö dïdëëdi moe ni tøc ge ni raany ge. Nyeya mare ki kwääri moe ge bëëdö dï wïth juurre ni ge mak ka tøŋ. Ciik atïmö ni bäŋgø këët, ni ö nyïïkuk Jwøki ni tïme ni bäŋ gïï wø nyooth ki yi wïc mo jootge baŋ Wuuö Jwøk.

Daniel 2:4

Kanyøgø ajuuk mo jø Kaldia gena put köö jï nyeya ki dhøk mar jø Aram, ni «Wui nyeya, ïïno bëëdö na bäre bäre! Caan lääk jïwa, wa na jiyi ii, køøre waani tier lääk caanwa caanø.»

Daniel 3:9

Ni köge jï nyeya ma Nabukedenecör, ni «Wui nyeya, ïïno bëëdö na bäre bäre!

Daniel 5:10

'Ba gwanynyø mii nyeya adøny kar ajwöma mar cam yi øtø kiper luup moa caan nyeya ki jø kööre moe. Ni ö gwanynyø ni cäänne ni kööe, ni «Wui nyeya, ïïno bëëdö na bäre bäre! Kär cwïnyï wëëk pärö ki køør acaara marï, ni ba wëëgï täärnyïmï niduk.

Daniel 6:21

Ni dwøgi ya Danielli jï nyeya, ni «Wui nyeya, ïïno bëëdö na bäre bäre!

Daniel 6:6

Kanyøgø kwääri moøgø ki dïbwöthe, gena ö baŋ nyeya ni rege ege kuurö na dhøk ni köge, ni «Wui nyeya ma Dariöc, ïïno bëëdö na bäre bäre!

Ciik Kiper Dïlämme 26:31

Päänye mou oraanynya na bäre ni nigeruuth, ni raanynya kwör lam mou, ni tïm muuce mou mo wø waaŋ ni wø ŋwääi ni met ni ba ŋwääi jïra këët.