Neemiya 2:20 - Wëël Jwøk

²⁰ 'Ba aløøa jïge ni kööa, ni «Jwø maal tïïc marwa wëëge thur kare; kiper manøgø nø, wa na jiye, wa ööa maal ni putwa gëëdö møn. 'Ba uuni, bäŋ karu kany, ni bäŋ gïn mou cäänö kipere; uuni, bäŋ gïn mo ŋäc kiperu Jerucalem kany.»

Neemiya 2:20 Iomraidhean Croise

2 Luup Nyeye 26:5

Ni put bëëte ni manynya Jwøk ki yïth nïne moa beet Dhekaraya, ŋata pwöny gø ki køør jammi moa nyooth Jwøki. 'Ba kanya bëëde ni eni manynya Wuuö Jwøk, jammi atïïc Jwøki jïre ni beyø.

Edhera 4:3

'Ba Dherubabel, ki Jøcua, ki dïbwöthe mo wïth tuŋi mo jø Icriel gena köö jïge, ni «Bäŋ gïn mo ø rööpa ree ki uuni ki gø ri geer øtø jï Jwøk marwa; 'ba wa ki dëëtwa keerwa wa gëëdö ki øtø jï Wuuö Jwøk, Jwø Icriel, kaawat mana ö Kiröci nyeny Parca na nø kööm waani.»

Neemiya 1:4

'Ba aani kanya wïnynya luupögø, aana put pï piny ni jwöŋa, ni bëëda ki nïne naa kïmmö, naa wödö ki cam, naa lämö nyïm Jwø maal.

Neemiya 2:4

'Ba nyeya aköö jïra, na «?Agïnaŋø ni manynyï?» Køøre aana lämö jï Jwø maal.

Acther 4:11

ni «Dhaanhø jaak, dïcwøø wala dhaagø, ni näk mo eno døny yi kal mar øt wälu mar nyeya nee nyeya neene ni kär cwølø, eni put ka 'näk. Manøgø beeye ciik mo ŋäc jaae mo nyeya bëët ki jiy mo wø bëëdö tiet mïëri moe. 'Ba jöö aciel keere mo løny man pïïö kaace ki gø ni dhaanhø ba 'näk beeye kanyo näk mo nyeya athøny warkey mare ee tïŋ maal baŋ dhaanhø. 'Ba dïcäŋi jïra da nïne mo pïëradäk naa kär cwølø ki man cøøa baŋ nyeya.»

Bwøth Wøk 28:29

«'Ba kany wø døny Aranni kanya en kur keere, abïï käw man wø nyooth adïëri mar Jwøk ki køøre wär näk ee røø, ni käär nyeŋ wäät Icriel ki kööre ni ena ra abïïnögø, kiper nee bëëde na gïr par wïc nyïma cooth, a na Wuuö Jwøk.

Luup Dïpööy 7:18

Beerra man magï luubö mana na aciel, ni ba weyï luubö maya thuwø; kiper ŋat wø lwäär ki Jwøk luup moøgø bëët kwanye kwanyø.

Aydheea 56:5

a cïpö jïge ki nyeŋ ajiem yi øtø mara ki yi kiir mara, na nyeŋ mo wïc di paayø ki gø; ni beeye nyeŋ mo kaala obwöc cwøw ko obwöc mään moa dige nywølø. Aani, nyeŋ man wø bëëdö na bäre bäre ni ba ränynyi, cïba cïbö jïge.

Ciik Kiper Dïlämme 2:2

Ni ö eni ni kïth muuy manøgø baŋ dïlämme, wäät Aran, ni ö dïlämi ni lwöte ri møgø pøøth enø, ni kuure ka maaw ki yi cere ni päŋ, ni dwal gø ki gïn wø jïye ŋwääi ni met bäre na no ocïp bäät møgøgø, ni waaŋ geni na gïr par wïc, ni beeye olämi man wø waaŋ ki maac ni wø ŋwääi ni met jï Wuuö Jwøk, ni waaŋŋa bäät gïn wø cïp olämme bääte.

Ciik Kiper Dïlämme 24:7

Køøre ïïni gïn wø jïye ŋwääi ni met mana tøŋ wär cïïmmï bäät tëëŋŋö man nø na gïr par wïc, nee cääthge ki muunni na aciel no olämi man wø waaŋ ki maac jï Wuuö Jwøk.

Dhekaraya 6:14

'Ba aduda ocïp cer Kelday ki Thöbiya ki Jidaya ki Jöcaya wär Jepaniya, nee tïme na gïr par wïc yi øt Wuuö Jwøk.

Kwään Jiy 10:10

Kany wäro tïme na cääŋŋe mo met ec mou, ni beege nïr ajwöm moa no ocaanø jïïu, ki nïr wø päär dwääyi yïthge cooth, tuŋi dou koodhø bäät olämme mou mo wø waaŋ bäre, ki bäät olämme mo wø duunni ki mëër; nee tuŋi moøgø tïmge na gïï parru wïthu ki ge nyïm Jwøu. Beeye a na Wuuö Jwøk na näk Jwøu.»

Moa Tïïc Nyïïatwieli 10:31

ni kööe, ‹Körnilia, lam marï awïnyö ni ö muuce moï ni ŋäyi ya Jwøki.

Moa Tïïc Nyïïatwieli 10:4

Ni raŋ jïgø ni cwïnye obwøk. Ni kööe, na «?Agïnaŋø, Kwäärö?» Ni kö nyïïatwielli jïre, ni «Lam marï ki muuce moï apïï maal na ŋïï nyïm Jwøk.

Moa Tïïc Nyïïatwieli 8:21

Ïïni, bäŋ karï man thiinh en ri tïïc man, kiper cwïnyï patha kare nyïm Jwøk.