Neemiya 2:18 - Wëël Jwøk

¹⁸ Køøre aani jöö mana bëët Jwøki mara ni cere na beer ena bääta acaana jïge, ki luup nyeya moa caane jïra. Ni putge köö, ni «Beerra man ööø maal ni tägø ki geer.» Køøre gena put tägö ki man kïthge ceŋge ri tïïögø na beer.

Neemiya 2:18 Iomraidhean Croise

2 Camiel 2:7

Ennø, beerra man magu rou ni bëëdu nou teek; këël na bëëde ni nyenynyu ma Cøøl othøw, jø tuuŋ Juuda aana nø røønyge na nyeya bäätge ni thïïmge wïïa ki maaw.»

1 Luup Nyeye 11:10

'Ba wïth jø leny moa teek døc mo Deebit, na bëëdö ni Deebit ege jølø ni teek yi bura mare, ge ki jø Icriel bëët, na røøny Deebit na nyeya ki køør dwør Wuuö Jwøk mana caane kiper jø Icriel,

1 Luup Nyeye 19:13

'Ba mak riï nø ni këëdø ni ø teek kiper jø pøø ki päänye mo Jwøk marø. Beerra man ö Wuuö Jwøki ni tïïc mana beerra eni ki jïre.»

2 Luup Nyeye 32:5

'Ba Edhekaya cwïnye amaae ni teek ni cäŋ kwöra no opädhö ri kiir bäre geerrø, ni gëën bäätge ki uut koor moa näk ogeerø ni ena maal, ni gëëde ki kiir mør thuwø töök kiir, ni ö kany wø cwøl ni Milø na en yi Pääny Deebit ni mak gø ni teek, ni tïïe ki jap leny mo thööth ki kööt leny mo thööth.

Edhera 6:22

Ni wøørge Ajwöma Mar Møga Näk Ree Bäŋ Thømmø ki nïne abïriiø ni yïthge met, kiper yïthge anø døøc Wuuö Jwøki mo met, ni nø løø cwïny nyeny Aciria baŋge, nee dëëtge tïïe nee nigereem ki man tïïcge tïïe mo Øt Jwøk, Jwø Icriel.

Neemiya 2:8

Aani, a wär göönni thuwø ki wëëlö nee cïba jï Acaap, ŋat wø koor lul mar nyeya, kiper nee eni cïpe jïra ki jenni mo dhøgi mo kiir mo kar gwøk røk na en buut Øt Jwøk, ki jenni mo kiir mar pääny, ki jenni mo øtø mano bëëda yie.» 'Ba nyeya gïïa pëënynya acïbe jïra, kiper Jwøk mara cere na beer ena bääta.

Epeca 6:10

'Ba mana dööŋ keere nø, tëënnu ki ri Wuuö ki køør teege, eni ni wø teek.

Pilipay 2:13

Kiper beeye Jwøk ni wø tïïö cwïnynyu, ni mooya uuni ki teek ki man tïïyu moe na met yie ki ge.

1 Camiel 23:16

'Ba Jönathan o Cøøl aay ni ci baŋ Deebit Örec, ni køny gø nee jïte ki teek baŋ Jwøk,