Neemiya 2:15 - Wëël Jwøk

¹⁵ Kiper manøgø nø, aana aay ki wäär naa cøra waŋ Naam Kidaran naa raŋŋa kiir. Køøre ka aŋuudi raa aløøa ni duua ni cäŋa cur dhi kiir man wø cwøl ni Dhi Kiir Agäm Kïdi.

Neemiya 2:15 Iomraidhean Croise

2 Camiel 15:23

'Ba kanya ö nyeya na tïïc jiy bëët moa cäädhö ki eni nee pöönhge ki nyïme, jiy bëët moa en yi pääny kaagø ge bëëdö ni ge göö ko oduuru. 'Ba nyeya thuwø aput läp køørge ni ŋølge naam mana cwøl ni Kidaran, ni ö jiyi bëët ni putge aay ni ge cøra jööra näk coonya dï paap.

2 Luup Nyeye 26:9

'Ba Udhaya ena gëëdö thuwø yi Jerucalem ki uut koor moa näk ogeerø ni ena maal. Ni kwöra gëët yïthge beege dhi kiir mana en gøøt, ki dhi kiir Agäm Kïdi, ki kanya gun kiirri ki yie. 'Ba uut koor moøgøøni ageere ni teek døc.

Neemiya 2:16

'Ba jø kööre bäŋ gïn mo ŋäcge kiper kanya cøøa yie wala gïna tïïa; kiper aani, poot bäŋ gïn mo yaa caanø jï jø Juuth ki jï dïlämme moge, ki jøøa kwörge døøŋŋø moge, ki jø kööre moge, ki jï jiy møga bëët moo tïïc tïïc.

Neemiya 3:13

'Ba Anun ki jø wø bëëdö Dhanöwa, dhi kiir man wø cwøl ni Dhi Kiir Agäm Kïdi adwøkge kare. Ageerge ni kïthge dhi gø ko odhuule ki gïï wø dëëdi ki geni, ki dïdëëdi. Ni dëër kiir mana dwøkge kare këël ki mana këët ri dhi kiir man wø cwøl ni Dhi Kiir Wï Thur, bär mare ki buudö beeye gööye ma kuma.

Jøøn 18:1

'Ba kanya løny Jecu ki caan luupögøøni ena aay ki bääge, ni ŋøl waŋ Kidaran, ni cige jï løøa näk da pwöth jenni ki bääge.