Neemiya 2:10 - Wëël Jwøk

¹⁰ 'Ba kanya ö Cenbalati nyen ma nyï Örönaim, ki Thöbiya nyen ma ŋat köör ma nyï Amön, na wïnyge gø ni da ŋat mo oöö mo manynya bëënynyö mar jø Icriel, geni, cwïnyge aput tïmö ni raac.

Neemiya 2:10 Iomraidhean Croise

Neemiya 13:1

'Ba kar kaace wëël ciik mana cïp Jwøki ki ri Modhe abëëdö ni di kwaanø ni dwøl ena maal ni wïnyö jï jiy; ni mana näk ogöör piny yie na joot yie beeye ni juurre ma jø Amön ki juurre ma jø Möap kärge jïëc ki man nutge ya acooŋ Jwøk na bäre bäre.

Neemiya 13:28

Këël dhaanhø aciel røk wäät Jööda o Kwääy Lam Mana Dwøŋ ma Eliyacip, ena cø nyi Cenbalat nyï Örönaim. Køøre ena riemma.

Neemiya 13:4

'Ba kanya poode dïkwøŋ, dïlämi ma Eliyacip, na no okwanyø nee uut kän mo Øt Jwøk marø bëëtge ni ena cere, ena nyïïawäädi døc ki Thöbiya.

Neemiya 2:19

'Ba kanya ö Cenbalati nyï Örönaim, ki Thöbiya ŋat köör ma nyï Amön, ki Gëcam nyen ma Araba, na wïnyge luum gïno tïïcwa, waana putge buuö ni ŋeethge bäätwa ni köge, ni «?Gïnö ni tïïyu enø agïnaŋø? ?Aŋø, uuni, maru ageem ki nyeya?»

Neemiya 4:7

'Ba kanya ö Cenbalati ki Thöbiya, ka Arabe, ki jø Amön, ki jø Acdöt na wïnyge gø ni kiir mar Jerucalem tïïc mare ki man dwøgi kare cäädhö ni beer, ni kwöra ŋammø onø dïïr, geni, gena put wëër døc.

Neemiya 6:1

'Ba kanya caani jï Cenbalat, ki Thöbiya, ki Gëcam nyen ma Araba, ki jï nyïïmän mowa bëët, 'ni aani kiir yaa cäŋ geerrø, ni bäŋ kany mo ŋaam këët dëëre, këël na bëëde kar kaaca ni aani odhuule poot kära kïth dhøk kiir,

Neemiya 6:16

'Ba kanya ö nyïïmänni mowa bëët na wïnyge gø, ni ö wïth juurre bëët moa en deŋwa na jootge gø, geni bäätge aput pädhö døc ni nyeŋge okwätö, kiper ajootge ni tïïc manøgø beeye Jwøk na wëëk gø thur kare.

Acther 10:3

Kiper Mördekay ŋat Juuth beeye na nyi nyïm nyeya ma Ayacewëëröc, ni kare dwøŋ yïthakic jø Juuth, ni bëëdö ni tuuŋge bëët yïthge met ki gø, ni beeye ŋata many bëënynyö mar jø poge, na cäänö kiper wï jur mare moo ööi køøre nee jïtge ki bëët-mëër.

Pwöc Leec Wïc 27:4

Wëër cïïmma tïïc gïï mo reyø ni räänyö kaamar jwïïö. ?'Ba aŋa ni maar cuŋŋö nyïm ŋat mo cwïnye okëënynyö?

Pwöc Leec Wïc 30:22

ni gïïögø beeye kany wø tïm laŋŋø na nyeya, ki kany wø jäŋ ŋat mo wïïe raaci ki cam,

Luup Dïpööy 10:7

Aani laaŋe ajooda ni ge cäädhi ka bäät okwëëc lääy, ni ö kwääri ni jooda ge ni ge cäädhi ka piny ki tietge kaamar laaŋe.

Aydheea 15:5

'Ba aani cwïnya atïmö ni kïmmö kiper jø Möap, kiper jiye moa bwøk gena reeŋø këël mana pïïcge Dhöär ki Ëglat-Celicia, ni iithge thuur Lukith ni ge cäädhi ni ge göö ko oduuru. Ka adïëri møn, jöör Örönaim acaathge ni ge göö ko oduuc kïmmö kiper ränynyö marge.

Jeremaya 41:10

Køøre Icmiel jiy bëët moa näk odööŋ Micpa amaae ki tøŋ, ni beege nyïï nyeya ki jiy møga bëët moa en Micpa, na cïp Nabucaradanni kwääc jø koor cer Gedaliya wär Akikam. Icmiel o Nethaniya jøøgø 'akäle ki tøŋ, ni tïŋŋe kiper nee ŋut po jø Amön.

Jeremaya 48:34

«Jø wø bëëdö Ëcbön ki jø wø bëëdö Eliyali ge göö ko oduuru ni döötge ena maal døc këël mano wïnye Jäc, ni täge ki Dhöär këël mano pïïe Örönaim ki Ëglat-Celicia, kiper pïï moa en yi waŋ Nimrim otal.

Jeremaya 48:5

Geno jwöŋi døc ni cwïnyge keecge keeyø kanyo aacge ni ge etha thuur Lukith, ni kanyo løøcge piny yi Örönaim ge poot göö ko oduuc ränynyö.

Moa Tïïc Nyïïatwieli 4:2

Ni geno gootø ki ge kiper na pwönyge jiy, ni køpge gø ni jiy duua wøk ki yi thøø ki ri Jecu.

Moa Tïïc Nyïïatwieli 5:24

'Ba na ö kwäärö mar dïkuye mo Øt Jwøk Mana Dwøŋ ki kwääc laam na wïnyge luummögø, yïthge athäŋŋö, ni köge, ni «?Cuŋ gïn otïme na ŋø?»