Neemiya 13:5 - Wëël Jwøk

⁵ Ni ö Eliyacipi ni cïpe ki thääŋ øtø mo yie laac jï Thöbiya, ni beeye thääŋ øtø mana bëëdö dïkwøŋ ni muuce mo beel kana yie, ki gïn wø jïye ŋwääi ni met, ki jap Øt Jwøk, ki beel mo wø cïp na paac wïth jammi, ki køøŋ nyïïomøki moa nyärö, ki maaw; ni gïïögø beege gïïa näk ocaanø ni cïp jï jø tuuŋ Libay, ki jø wø wär ki dudi Øt Jwøk, ki jø wø koor dhøgi mo kiir; ni poot na øtø man wø kïth jammi yie mo wø jwäk jï dïlämme.

Neemiya 13:5 Iomraidhean Croise

2 Luup Nyeye 31:11

'Ba gena kööm Edhekaya nee uut kän jammi moa en yi Øt Wuuö Jwøk jiiŋge, ni putge ge jiiŋŋø.

2 Luup Nyeye 34:11

Ni ö jøøgø thuwø ni cïpge ki gwel jï dïjëëth opämi ki jø wø caam øtø ki kïte kiper nee ŋeewge ki kïte moa no otøø ki jenni moa näk rïwe ki moa näk cuge mo wø tïïc wïth uudi ki ge, uuta wëëk nyeye mo Juuda ränynyö.

Neemiya 10:36

«Øøni, ki køør mana näk ogöörö yi wëël ciik Jwøk, wäätø moa näk kaai, ki nyïï lääc paac 'moø moa näk kaai, ki nyïï dhäk 'moø moa näk kaai, ki nyïï dïëk 'moø moa näk kaai kälø yi Øt Jwøk marø jï dïlämme 'moø ni tïïö yi Øt Jwøk marø yøø.

Neemiya 10:37

«Øøni thuwø, muk beel 'moø moa nyärö, ki muuce mo thwöth beel moø, ki nyïïjenni ma teeŋi mo wø kwøŋ ciek, ki kwøk nyïïomøki moa nyärö, ki maaw man wø kwøŋ wel, cïbø cïbö jï dïlämme yi øt kän mar Øt Jwøk marø, ni cïbø paac wïth jammi 'moø mo wø joodø yi ŋöömö marø jï jø tuuŋ Libay, kiper beeye jø tuuŋ Libay ni wø jwäk paac wïth jammi yïth mïëri bëët moa en jø puuri yïthge.

Neemiya 10:38

'Ba dïlämi man nø, ni beege jøøa käl dëër Aran, bëëdö ki jø tuuŋ Libay moi nø na aciel kany wø ö jø tuuŋ Libayi ni wø jwäkge paac wïth jammi. Ni ö jø tuuŋ Libayi ni cïpge aciel ki ra apaar ni kïthge gø yïth uut kän mo Øt Jwøk marø.

Neemiya 12:44

'Ba dïcäŋögø da jiy maa kwany mo en uut känni ceŋge mo kïth jammi yïthge, ni beege muuce mo beel, ki caammi mo wø kwøŋ ciek, ki paac wïth jammi, ki caammi mo wø käli ki yïth pwöth mo mïëri moge, ni beege jammi moa näk ocaanø yi ciik Jwøk kiper nee wø cïp jï dïlämme ki jø tuuŋ Libay. Kiper jø Juuda yïthge amïnnö ki dïlämme ki jø tuuŋ Libay kiper tïïc mana tïïcge.

Neemiya 13:7

'Ba kanya pïïa Jerucalem, gïna raac na tïïc Eliyacipi ajooda, ni beeye gïna tïïe na cïpe ki øtø jï Thöbiya mo ena yi kal mar Øt Jwøk.

Edhikiel 40:38

'Ba da øtø mo dhee ena buut yi-øtø mana en nyïm mar øt-dhi-kal mana en dïër, ni beeye kany wø peny olämme yie mo wø waaŋ bäre.