Neemiya 13:31 - Wëël Jwøk

³¹ Aani thuwø jöö man käl jenni moa näk otal ki gø, ki caammi mo wø kwøŋ ciek, atïïa, ni jøøi nø moge kälge ka yi kanya näk ocaanø jïge. 'Ba ï na Jwøk mara en, lääŋ aani ni beer.

Neemiya 13:31 Iomraidhean Croise

Neemiya 10:34

«Øøni, nyuuthe mo wø tïïc ni pätha baŋ jøøi nø atïïø kiper dïlämme, ki jø tuuŋ Libay, ki jiy møga, kiper nee jøøi nø ki yi cwiir kany wø pïïc karge yie, nee ge wø känge ki jenni mo otal jï Øt Jwøk marø, kiper nee wø waaŋ bäät gïn wø cïp olämme bääte mar Wuuö Jwøk, Jwøk marø, kaawat mana näk ogöörö yi wëël ciik Jwøk. Ni jøøi nø ge känni ka køør dhøk uudi moge.

Neemiya 10:35

«'Ba øøni, ki yi cwiir cooth ø kännö ki wïth caammi mo wø kwøŋ ciek yi ŋöömö marø, ki wïth nyïïjenni bëët mo wø kwøŋ ciek, ni kälø geni yi Øt Wuuö Jwøk.

Neemiya 10:38

'Ba dïlämi man nø, ni beege jøøa käl dëër Aran, bëëdö ki jø tuuŋ Libay moi nø na aciel kany wø ö jø tuuŋ Libayi ni wø jwäkge paac wïth jammi. Ni ö jø tuuŋ Libayi ni cïpge aciel ki ra apaar ni kïthge gø yïth uut kän mo Øt Jwøk marø.

Neemiya 13:14

'Ba ï na Jwøk mara en, lääŋ aani ni ba rwääny tïïe 'moa jïrï ni beege tïïe 'moa na beyø na tïïa kiper øtø marï, ki mana cïïmma jiy yie mo tïny ïïni.

Neemiya 13:22

Køøre aani, jø tuuŋ Libay aköömma nee dëëtge cïpge kur keerge ki man bëëtge ni ge waany, nee cige nee dhøgi mo kiir koorge ki man bëët cäŋ jwömö ni ena kur keere na mar Jwøk. 'Ba ï na Jwøk mara en, lääŋ aani kiper gïn thuwø na tïïa, ni nyoothï met ec marï jïra ki køør mëër marï na päl ni wø ba jøøl.

Neemiya 5:19

Wui ï na Jwøk mara, lääŋ aani ni beer ki køør gïïa tïïa bëët kiper jøøi ii.

Luk 23:42

Ni kööe, ni «Jecu, wär a lääŋŋï kanyo ööï ni ïïna nyeya mo teek.»