Neemiya 13:29 - Wëël Jwøk

²⁹ 'Ba ï na Jwøk mara en, kär wïïï wïl ki geni kiper gïna tïïcge na jääpge kunhnhö mar dïlämme ki kunhnhö mo ba waany, ni raanyge luubö mana tuut kiper tïï dïlämme, ki mana tuut kiper tïï jø tuuŋ Libay.

Neemiya 13:29 Iomraidhean Croise

Neemiya 6:14

Wui, ï na Jwøk mara, kär wïïï wïl ki gïï ii na tïïc Thöbiya ki Cenbalati, ni ba wïl wïïï thuwø ki gïïa tïïc Nöadiya, dhaaŋŋa näk nyikuŋ Jwøk ni wø køp luup ki wïïe, ki nyïïkuk Jwøk møøk na caal dhaaŋŋøgø, jøøa päär aani naa lwäya.

Ciik Kiper Dïlämme 21:15

kiper nee kunhnhö mare ba tïme ni ba waany røk jø poge, kiper beeye aani na Wuuö Jwøk na cïp eni kur keere.› »

Ciik Kiper Dïlämme 21:23

'Ba eni, kiper mana näk dëëre da möönynyö, ba løny jïre ki man døny yi kanya en kur keere nyïm abïïna näk gëëŋi, ni ba nyänh buut gïn wø cïp olämme bääte, kiper nee kar lam mara na en kur keere ba pääde. Beeye aani na Wuuö Jwøk na cïp gø kur keere.› »

Ciik Kiper Dïlämme 21:8

Uuni, u jø Icriel, dïlämi wär raŋŋu ni ena kur keere, kiper beeye eni ni wø cïp cam no olämi jïra, a na Jwøk maru. Dïlämi wär bëëde ni ena kur keere ki jïïu, kiper aani na Wuuö Jwøk, na cïp u kur keeru, a ena kur keera.

2 Timöthi 4:14

'Ba Alekdhander na näk rëëmmö atïïö dëëra ki gïn mo leth døc. 'Ba moøgø ocool Wuue dëëre.

1 Camiel 2:30

«Kiper manøgønø, Wuuö Jwøk Jwø Icriel mare acaane ni kööe, ni ‹Ka adïëri møn, aana köö ni dhi øtø marï ki dhi øt kwaru doo bëëdö ni tïïö geni na dïlämme nyïma cooth;› 'ba ennø, Wuuö Jwøk mare acaane ni kööe, ni ‹Gïnögø ba tïïa këët, kiper jø wø wøør aani, ge wøøra wøørø; 'ba jø wø taak aani, ge tïmö ni geno taaø thuwø.