Neemiya 13:25 - Wëël Jwøk

²⁵ Køøre aani, gena jääla ni cwöla acïëni bäätge ni pwöda jiy møøk rege, ni nywaada jïëc wïthge, ni wëëga geni kööŋ ki nyeŋ Jwøk nee geni nyïïge ba cïpge këët jï wäät juurre nee nywømge, ni ba kälge nyïï juurre nee nywøm wäätge wala geni.

Neemiya 13:25 Iomraidhean Croise

2 Nyeye 2:24

'Ba kanya ö Ilaaca na lwïthe ŋääe na joot obwöyögø, eni obwöyögø aciene ki nyeŋ Wuuö Jwøk. Køøre, teeŋ cwëënyi møøk ma mädhi ma ariiø gena put ö wøk ki yi lul ni baaŋge jiy ma pïëraŋween kurriiø røkge.

Edhera 10:5

Køøre Edhera aö maal, ni ö jøøa näk kwörge døøŋŋø røk dïlämme, ki røk jø tuuŋ Libay, ki røk jø Icriel bëët ni tïïc ge nee kööŋge ki man kïthge luubö mana caan bäät tïïc; ni ö geni ni putge kööŋ.

Edhera 7:26

'Ba ŋato ba gwøk ciik mo Jwøk marï, ki ciik 'moa, a na nyeya, eni di jäälö ka ajäla ma kare, nee ŋøla thøø bääte, wala eni di riemmø paac, wala jape di camø, wala eni di twöö.»

Neemiya 13:11

'Ba køøre aani jø kööre ajääla ni kööa, na «?Aperŋø ni wec Øt Jwøk en?» Køøre aani jø tuuŋ Libay ki jø wø wär ki dudi Øt Jwøk, gena cooŋa kanya ciel ni cïïmma geni kwörge.

Neemiya 13:17

'Ba aani jøøa kwörge døøŋŋø mo Juuda ajääla ni kööa jïge, ni «?Uuni, aperŋø ni tïïyu gïn ni raac en, nou tïïya cäŋ jwömö ni ba en kur keere?

Neemiya 13:24

'Ba thäk obwöre moge, ge cäänö ka dhøk mar jø Acdöt, ki dhøgi mo wïth juurre møga, ni geni dhøk mar jø Juuda kucge ki man cäänge ki gø.

Neemiya 5:13

Aani thuwø, aleeŋŋa mara abäänya wøk dëëra ni teeŋa gø ni kööa, ni «Ŋato ba jïëc luubö man mana näk ocaanø, eno tëëŋ Jwøki wøk øde, ni tëëŋ jape wøk cere kaawat aleeŋŋa mara man na teeŋa en; eno tëëŋ wøk møn, ni dööŋe ni bäŋ gïn mo ena jïre.» 'Ba acooŋa bäre gïnögø aputge jøl, ni «Beeye kare.» Ni ö geni ni putge Wuuö Jwøk pwøc. Ni ö jiyi ni putge gïnögø tïïc ki køør luubö mana näk ocaanø.

Neemiya 5:6

'Ba aani, kanya wïnynya jwøk marge mana jwöŋge ki gø, ki luupögø bëët na carge yøø, aana put wëër døc.

Bwøth Wøk 34:16

'Ba ni näk nyïïge you nywømø jï wäätu nee tïmge na määrge, kanyo bëët nyïïge moøgø ni ge tïïö ki gïï mo reyø ni cwïnyge ena køør juu moge, wäätu bwøthge bwødhø ki øtjöörögø ni tïïcge teeŋ tïïc manøgø.

Pwöc Leec Wïc 28:4

Jø wø wec ciik Jwøk wø bëëdö ni pwøya jøøa reyø, 'ba jø wø gwøk ciik wø pïëmö ki jøøa reyø.

Aydheea 50:6

'Ba aani, dïŋääa acïba jï jøøa pwöt aani, ni cïba thäga jï jøøa cööt jïëc tïïa wøk. Aani, täärnyïma kära kanø ka abuua mana buu aani ki gø, ki laaw moa ŋool bääta.

Tiet Ciik 6:13

«Bëëdu nou lwäära Wuuö Jwøk na näk Jwøu, ni tïnynyu eni, ni kööŋŋu ri nyeŋŋe keere.

Tiet Ciik 7:3

Kär røgu nywømmu ki geni. Kär nyïïu cïpu jïge nee nywøm wäätge, ni ba källu nyïïge nee nywøm wäätu.

Jøcua 23:12

Kiper ni näk mo uuno døø ŋäthu ni göögu røk juurre moøgø no odööŋ yïthakiyu yøø, ni nywømmu dëëtu ki geni, ni dwätu ki ge, ni ö geni ni dwätge ki uuni,