Neemiya 13:23 - Wëël Jwøk

²³ Maya thuwø, ki yïth nïröka, aani, aana jïtö ki jø Juuda mo onyöömmö ki mään mo käla ya Acdöt, ka Amön, ki Möap.

Neemiya 13:23 Iomraidhean Croise

1 Nyeye 11:1

'Ba nyeya ma Cølöman acäŋ tïmö ni mëër ka määr wïth juurre møøk mo thööth bäät nyi Peerø, ni beege nyïï jø Möap, ki nyïï jø Amön, ki nyïï jø Ëdöm, ki nyïï jø Caydan, ki nyïï jø Këth,

Edhera 10:10

'Ba dïlämi ma Edhera aö maal ni kööe jïge, ni «Uuna bëëdö nou tïïya gïn mo raac, ki mana nywømmu nyïï juurre, nou meeda gø bäät raayu, u na jø Icriel.

Edhera 10:44

Jøøi bëët beege jøøa nyöömmö ki nyïï juurre, ni jø møøk rege jïge da obwöre moa nywølge ki mään moøgø.

Neemiya 10:30

ni «Nyïïø ba cïbø jï juurre nee nywømge, ni ba lwørø nyïïge nee nywømø jï wäätø.

Neemiya 10:31

«Ni kanyo ö wïth juurre noo känge ki beel ki jammi mo di gadhø ki Cäŋ Jwömö, øøni, ø ba ŋëëö baŋge ki Cäŋ Jwömö, ki cäŋ mo ena kur keere na mar Jwøk. Øøni, kany wø tïme na ri bïriet cwiiri, ø ba purö, ni wiiø pïït bëët bäät jiy, ni ba piirø këët.

Neemiya 13:1

'Ba kar kaace wëël ciik mana cïp Jwøki ki ri Modhe abëëdö ni di kwaanø ni dwøl ena maal ni wïnyö jï jiy; ni mana näk ogöör piny yie na joot yie beeye ni juurre ma jø Amön ki juurre ma jø Möap kärge jïëc ki man nutge ya acooŋ Jwøk na bäre bäre.

Neemiya 13:24

'Ba thäk obwöre moge, ge cäänö ka dhøk mar jø Acdöt, ki dhøgi mo wïth juurre møga, ni geni dhøk mar jø Juuda kucge ki man cäänge ki gø.

Neemiya 13:27

'Ba waani, wa ba many man wïnywa gø man näk mo gïn ni dwøŋ ni raac en you tïïö, ni tïïyu dëër Jwøk marø, ki køør mana nywømmu määr juurre.»

Neemiya 4:7

'Ba kanya ö Cenbalati ki Thöbiya, ka Arabe, ki jø Amön, ki jø Acdöt na wïnyge gø ni kiir mar Jerucalem tïïc mare ki man dwøgi kare cäädhö ni beer, ni kwöra ŋammø onø dïïr, geni, gena put wëër døc.

Bwøth Wøk 34:11

Gwøk gïn ni köömma ïïni ki gø dïcäŋi en. Ka adïëri møn, jø Amör, ki jø Keenan, ki jø Këth, ki jø Përec, ki jø Ëwi, ki jø Jeebuc riema wøk nyïmï.

2 Körin 6:14

Kär dëëtu kuupu ki jiy mo kär jïëy. ?Aŋø, bëënynyö ki rääö a dege dwätö na aciel nidïï? ?Wala a tuuŋa ŋø ni en yïthakic tar ki muudhö?

Tiet Ciik 7:1

«'Ba Wuuö Jwøk na näk Jwøu u kïthe yi ŋöömmo cou yie nou lwørru na maru, ni riem wïth juurre mo thööth wøk nyïmmu, ni beege jø Këth ki jø Gërgëca ki jø Amör ki jø Keenan ki jø Përec ki jø Ëwi ki jø Jeebuc, ni beege wïth juurre abïriiø mo thöötha geni ki uuni mo kaala uuni ki teek.

Ruuth 1:4

Ni ö wääte ni nyöömge ri nyïïakuk Möap, ni nyeŋ nyïgögø beege Ørpa ki Ruuth. Ni putge bëëtö kaace ki cwiiri mo jïtö ka apaar.

1 Camiel 5:1

'Ba jø Pilitin acanduk man wø nyooth luumma tuut Jwøki ki jiy akälge ki kanya cwøl ni Ëbënëdhër ni kïthge gø paana cwøl na Acdöt.