Neemiya 13:19 - Wëël Jwøk

¹⁹ 'Ba gïna tïïa kany wø tïm pinynyi ni najïïm ennø, ni dhøgi mo kiir mar Jerucalem cøl, ni jøw bunna cäŋ jwömö, aani, a wø cïpö ki dwøl nee dhøgi mo kiir dëët nee bëëtge ni ba jap këël kanyo pööth cäŋ jwömö yie. Køøre aani, jiya møøk acïïmma dhøgi mo kiir kiper nee bäŋe tëër mo duny yi kiir ki cäŋ jwömö.

Neemiya 13:19 Iomraidhean Croise

Neemiya 13:20

Ki køør manøgø, dïgäthe, ki jø wø gath wïth teeŋ jammi bëët mo wø gath, geni, ki yie aciel wala kwöre ariiø, gena tïmö ni wäär bäre thöörge thöörö wøk deŋ kiir mar Jerucalem.

Neemiya 7:3

Ni kööa jïge, ni «Uuni, dhøgi mo kiir mar Jerucalem kär laaru jap këël kanyo lëënh cäŋŋi; 'ba kanyo bëët jø wø koor dhøgi mo kiir ni ge kurö, wär bëëtge no odhuule ege cïëgö ni ege dëëdö ki dïdëëdi. Uuni thuwø, kwänyu ki jø koor røk jø wø bëëdö Jerucalem nee jø møøk bëëtge kwör koor moge, ni jø møøk kurö deŋ uudi moge.»

Ciik Kiper Dïlämme 23:22

« ‹'Ba kany wäro kayu caammi mo ociek yi ŋöömö maru, kär nou kaya pwöth mou këël teegi moge, ni ba døøu køøru ki man kwanynyu moa no odööŋ piny. Wär weyu kiper jøøa can ki wëëlle moa path mo wø bëëdö dïïu. Beeye aani na Wuuö Jwøk, Jwøk maru.› »

Ciik Kiper Dïlämme 23:32

Cäŋ manøgø tïmö ni beeye cäŋ jwömö mar jwöm dëël jïïu na bäre, ni dwøgu dëëtu piny nou ba cämö. Ki mano täge ni nïr dwääy abïŋween ni cäŋ pätha piny, këël mano këët cäŋ maya ni cäŋ pätha piny, wär gwøgu na cäŋ jwömö mara.»

Jøøn 5:10

Kanyøgøøni jø Juuth aköö jï ŋata näk dëëre odøø kare, ni «Man a cäŋ jwömö. Ba doo beer ki køør ciik ki man käärï pïënï.»