Neemiya 13:15 - Wëël Jwøk

¹⁵ 'Ba yïth nïröka, aana jïtö ki jiy dï Juuda mo cöödhö ki nyïïomøki ki tietge ki cäŋ jwömö, ni marge biic gø na køøŋø; ni jø møøk ge kännö ki beel mo ena yïth keece mo käärge ka bäät arëëni, ki jammi møga ni beege kwøŋ, ki nyïïomøki, ki nyïïolämmi, ki teeŋ wïth tëër møga bëët, ni kälge geni Jerucalem ki cäŋ jwömö. 'Ba aani, jøøgø aköömma ki man ba gäthge ki caammi ki dïcäŋ manøgø.

Neemiya 13:15 Iomraidhean Croise

2 Luup Nyeye 24:19

Køøre Wuuö Jwøk nyïïkuk moe ajääŋŋe baŋ jiy nee ge duuge baŋe, eni na Wuuö Jwøk. 'Ba këël na bëët nyïïkuk Jwøki ni cäänna geni kiper gïïa reyø na tïïcge, ïthge kärge ciiø.

Neemiya 10:31

«Ni kanyo ö wïth juurre noo känge ki beel ki jammi mo di gadhø ki Cäŋ Jwömö, øøni, ø ba ŋëëö baŋge ki Cäŋ Jwömö, ki cäŋ mo ena kur keere na mar Jwøk. Øøni, kany wø tïme na ri bïriet cwiiri, ø ba purö, ni wiiø pïït bëët bäät jiy, ni ba piirø këët.

Neemiya 10:32

«Øøni, ki køør ciik moa näk ocïp piny, ajwäk tïmö ni ena bäätø ki man cïpø ka ajwää cwiir, ni ŋati man nø cïpö ki thääŋ gwelø man wø cwøl ni cekel, ni beeye kiper tïïc mar Øt Jwøk marø,

Neemiya 13:16

Jø Tayar thuwø mo wø bëëdö Jerucalem gena bëëdö ni ge kännö ki rec, ki wïth jammi møga bëët mo di gadhø ni gathge geni ki jø Juuda ki cäŋ jwömö Jerucalem.

Neemiya 13:21

'Ba aani, gena köömma ni kööa jïge, ni «?Uuni, aperŋø ni wø thöörru wäär bäre nou ena deŋ kiir en? Uuni, ni näk mo cäŋu ka nwøyø, putu ka joot ni cera yaa kïth dëëtu.» Ki mana täge kar kaace nø, geni, ge kär duuö këët ki cäŋ jwömö.

Neemiya 9:29

«Ni köömmï geni ki man cäŋge rege luu baŋ ciik moï. 'Ba gena tïmö ni marge atöör, ni luup moa cemï ba wïnyge, ni bëëtge ni ge baya luup ŋøl moï moa caanï 'ni ni näk mo ogwøk dhaanhe, dhaanhø kwøw ki køørge. 'Ba geni, ki køør teek wïc marge, gena bëëdö ni wïthge ege cwiidø, ni ïthge ba cekge.

Jööp 39:12

?Aŋø, løny jïrï ki man ŋääthï gø nee beel moï cooŋe ni kïth ge kar dïn?

Bwøth Wøk 31:12

Køøre Wuuö Jwøk acäänö ki Modhe, ni kööe,

Bwøth Wøk 31:16

'Ba jø Icriel cäŋ jwömö dege gwøø, ni wøørge gø këël beenhnhe moge bëët moo ööi, na luubö mo otuudö na bäre bäre.

Bwøth Wøk 34:21

«U doo tïïö ki nïne abïciel, 'ba noo tïme na bïriet nïne, u doo jwöm; këël køp ni beeye kar puur wala kar kac caammi, rou dou jwömö.

Bwøth Wøk 35:2

Tïïe doo tïïö ki nïne abïciel, 'ba noo tïme na bïriet nïne beeye cäŋ mo ena kur keere jïïu, ni beeye cäŋ jwömö man jwömmu rou yie, na cäŋ jwömö jï Wuuö Jwøk; ni ŋat mo tïïö jaak ki cäŋ jwömö, ka adïëri møn, wär thøøe.

Pwöc Leec Wïc 28:4

Jø wø wec ciik Jwøk wø bëëdö ni pwøya jøøa reyø, 'ba jø wø gwøk ciik wø pïëmö ki jøøa reyø.

Aydheea 58:13

«Ni näk mo dëëtu mänu mänö ki man tïïyu jap wø mïn yïthu ki ge yi cäŋ jwömö mara na en kur keere, ni cwøllu gø na cäŋ met ec na cäŋa en kur keere na näk owøørø na mara, a na Wuuö Jwøk, ni wøørru gø nou ba cäädhi ka jöö maru keeru, nou ba tïïc jap wø mïn yïthu ki ge keerge, nou ba cäänö ki luup mo oballe,

Jeremaya 17:24

'Ba uuni, ni näk mo mara wïnynyu wïnynyö na kare, ni ba käädu ki tëër nou cura dhøk kiir man ki cäŋ jwömö, 'ba u gwøga cäŋ jwömö nee bëëde ni ena kur keere na mar Jwøk, ni bäŋe tïïc mo tïïyu dïcäŋögø,

Jeremaya 17:27

'Ba ni näk mara ba wïnynyu ki man gwøgu cäŋ jwömö nee bëëde ni ena kur keere na mar Jwøk, ni curu dhøk kiir mar Jerucalem nou käädö ki tëër ki cäŋ jwömö, aani dhøk kiir mar Jerucalem nyeba nyebø ki maac mo ba løny ki bïp, ni put kwöra no ogeerø ni teek bëët dï Jerucalem waaŋ.› »

Jeremaya 42:19

«Wui, u na jø Juuda moa dööŋ, Wuuö Jwøk acäänö ki uuni ni kööe, ni ‹Käru ci Ijep.› Beerra man ŋäyu gø ni dïcäŋi gïn caana naa köömma uuni.

Edhikiel 20:13

« ‹'Ba jø Icriel gena cäŋ gëëmö ki aani dï paap. Gena kweer ki man cääthge ki køør luup 'moa, ni wecge ciik 'moa, ni beege gïïa doo cïpö ki kwøw jï ŋato kïth ge bäät tïïc, ni ö geni ni putge cääŋŋe 'moa mo jwöm päät døc. Kanyøgø aana köö ni wëër mara kønynya bäätge nee wïthge puta dïïr dï paap.

Amøc 8:5

ni kööu ki cwïnynyu keeru, ni «?Cäŋ ajwöma mar dwääni na päär en opöödhe yi wäne, kiper nee wa døøwa baŋ gath ki beel? ?A cäŋ jwömö opöödhe yi wäne thuwø, kiper nee beel kïthwa kar ŋïëw, nee gïr røm tïïcwa ni thiinh, ni tïïcwa gäte ni teek, ni møtwa jiy ki rumi mo paa kare,

Mikiya 6:3

«?Wui jiya, agïnaŋø na tïïa dëëtu? ?Na agïnaŋø na ööla uuni ki gø? Beerra man løgu gø jïra.

Moa Tïïc Nyïïatwieli 2:40

'Ba gena cäänne ki luup møøk mo thööth ni köömma geni, ni kööe, ni «Gwøgu rou ki jø pinyi ni reyø ii.»

Moa Tïïc Nyïïatwieli 20:21

naa cäänna jø Juuth ki jø Gïrïïk bëët kiper løk cwïny baŋ Jwøk, ki ŋääth Kwääyø ma Jecu Krictø.

Galeecia 5:3

A cäŋa mara caannø jï jiy bëët mo wø jïëy ki man daŋi, wär ŋäc ŋatøca ni ciik Jwøk karge bëët poot gwøe gwøø.

Epeca 4:17

Kiper manøgønø, a cäänna uuni ni mara køba ka nyeŋ Wuuö, ni kär nou bëëdö këët kaawat man wø bëët juurre ni wø bäŋ gïn mo ŋäcge.

Tiet Ciik 8:19

«'Ba mara caana caanø jïïu dïcäŋi ennø. Ni näk mo wïthu wïl ki Wuuö Jwøk na näk Jwøu, ni caathu køør juu møøk, ni tïnynyu geni, ni lammu geni, u puta thumö na bäre bäre.

1 Thecalönika 4:6

Ni bäŋe ya dhaanhø mo dhal luummögø, ni tïme ki gïn mo raac dëër coki kiper gïnögø. Kiper Wuuö kwöri wø coole kaper gïïögø bëët, keda mana kwøŋwa u köömmö døøc.