Neemiya 13:13 - Wëël Jwøk

¹³ Køøre aani, dïlämi ma Celemiya, ki Dhadök dïpööy mar ciik Jwøk, ki ŋat tuuŋ Libay mo nyeŋŋe Pedaya, gena kwanya nee bëëtge ni uut kän ena ceŋge; ni meeda Anan bäätge na ŋat køny geni, ni beeye Anan o Dhakur nyikwaar Mataniya. Kiper jøøgø geno caarø ni geno ŋääth jiyi ki man bëët tïï pääŋ jammi ni ena ceŋge ki man pääŋge jammi jï jø wø tïïge ki geni ciel.

Neemiya 13:13 Iomraidhean Croise

2 Nyeye 12:15

'Ba geni bäŋ gïn mo ege pëënynyö baŋ jøøa cïpge gwel ceŋge kiper jöö mana coolge gwel jï jø tïïc ki gø, kiper mana tïïcge tïïc na kare.

2 Nyeye 12:16

'Ba gwel mo wø joot ki ro olämme mo wø cïp kiper bääyö ki mo wø joot ki ro olämme mo wø cïp kiper raay, kär käl yi Øt Wuuö Jwøk; kiper gena mo dïlämme.

2 Nyeye 22:7

'Ba bäŋe gïn manynyu baŋ jøøa cïp gwel ceŋge kiper jöö mana coolge gwel ki gø, kiper tïïc tïïcge tïïö na kare.»

Neemiya 10:12

ki Dhakur, ki Cërëbiya, ki Cebaniya,

Neemiya 10:38

'Ba dïlämi man nø, ni beege jøøa käl dëër Aran, bëëdö ki jø tuuŋ Libay moi nø na aciel kany wø ö jø tuuŋ Libayi ni wø jwäkge paac wïth jammi. Ni ö jø tuuŋ Libayi ni cïpge aciel ki ra apaar ni kïthge gø yïth uut kän mo Øt Jwøk marø.

Neemiya 11:22

'Ba ŋata bëëdö Jerucalem ni wø raŋ jø tuuŋ Libay, beeye Udhi o Bani, nyikwaar Acabiya, nyikwaar Mataniya, nyikwaar Mika. Ni Udhi beeye na käl røk nyïïkwaac Acaap, jø wø wär ki dudi Øt Jwøk.

Neemiya 12:35

ki dïlämme møøk mo ceŋge da tuŋi, ki Dhekaraya wär Jönathan, nyikwaar Cemaya, nyikwaar Mataniya, nyikwaar Mikaya, nyikwaar Dhakur, nyikwaar Acaap;

Neemiya 12:44

'Ba dïcäŋögø da jiy maa kwany mo en uut känni ceŋge mo kïth jammi yïthge, ni beege muuce mo beel, ki caammi mo wø kwøŋ ciek, ki paac wïth jammi, ki caammi mo wø käli ki yïth pwöth mo mïëri moge, ni beege jammi moa näk ocaanø yi ciik Jwøk kiper nee wø cïp jï dïlämme ki jø tuuŋ Libay. Kiper jø Juuda yïthge amïnnö ki dïlämme ki jø tuuŋ Libay kiper tïïc mana tïïcge.

Neemiya 3:30

Ni ö Ananiya o Celemiya ka Anun na näk bïcier wäät Dhalap ni dwøkge dëër kiir kare kanya ŋuut dhi cer Cemaya yie. Ni ö Meculammi o Berekiya ni dwøk dëër kiir kare kanya ŋuut dhøk ceŋ jøøgø yie, ni beeye kanya en buut kany wø bëëde yie.

Neemiya 7:2

aani coka ma Anani, ka Ananiya, ŋat wø en kwör gwøk røk cere, gena kwanya nee Jerucalem bëëde ni ena ceŋge; kiper Ananiya beeye dhaanhø mo oŋäädhö, na ŋat mo lwäär ki Jwøk ni kaala jiy mo thööth.

Neemiya 8:4

'Ba kar kaagø Edhera, eni na dïpööy mar ciik Jwøk, cuŋŋa bäät jenni maal mo otieŋø mo ogeer jiyi nee eni cuŋŋe bääte kiper acooŋa manøgø. 'Ba jøøa kwörge døøŋŋø moa cuŋŋö bäät cwïïe beege Matitiya, ki Cema, ka Anaya, ki Uria, ki Kilkiya, ki Maycëya; ni jøøa kwörge døøŋŋø moa cuŋŋö bäät caame beege Pedaya, ki Micaël, ki Malkiya, ka Acum, ki Acbedana, ki Dhekaraya, ki Meculam.

Luk 12:42

Ni kö Kwäärö, na «?A laŋŋø mane nø, ni wïïe leer mo maar ka ŋääth, ŋat mo doo cuum kwääye bäät laaŋe bëët paare, nee caapge wø pääŋŋe jïge kany wø näk ma kare?

Moa Tïïc Nyïïatwieli 4:35

ni peethge ge nyïm nyïïatwieli, ni pääŋge ge jï jøøa näk ceŋge orëëm.

Moa Tïïc Nyïïatwieli 6:1

'Ba yïth nïrögø kanya ö bääŋi na meetge rege, jø Juuth moa näk odhoom na jø Gïrïïk gena tïmö ni ge ŋurö ki nyeŋ jø Ibaru, kiper määr thuunhnhi moge atïmö ni di kääŋö ki jammi mo wø pääŋŋi ki yïth nïne bëët.

Moa Tïïc Nyïïatwieli 6:3

Kiper manøgønø, nyïïmera, jëëtu dïïu ki jiy abïriiø mo ŋäyu ni beyø, mo cwïnyge päŋ ki Jwïëc Jwøk, mo wïthge leer, kiper nee tïïögø wëëkwa geni.

1 Körin 4:2

'Ba jø wø wëëk tïïc, manynya jiy mo oŋäädhö.

1 Timöthi 1:12

'Ba a wø dwøga met yia baŋ Krictø Jecu na näk Kwääyø, ŋata wëëk aani tëënnö, kiper mana caar aani, ni aano rømø ki man ŋäädhi, kanya jier aani ni kïth a yi tïïc mare,

1 Timöthi 3:10

'Ba geni thuwø, ge doo kwøŋa päänynyö. Køøre nø, noo nyoothge røkge ni bäŋ gïn jøøŋŋi ri bëëtö marge, wär tïmge na jø wø tïny acooŋ Jwøk.