Neemiya 13:10 - Wëël Jwøk

¹⁰ Aani thuwø, ajooda ni jammi mo wø cïp jï jø tuuŋ Libay kär cïbö jïge, ni ö jø tuuŋ Libayi ki jø wø wär ki dudi Øt Jwøk ni wø tïny Jwøk ni putge aay, ni ŋati man nø døøa baŋ puur yi pwödhö mare.

Neemiya 13:10 Iomraidhean Croise

2 Luup Nyeye 31:4

Eni thuwø jiy mo wø bëëdö yi Jerucalem aköömme nee muuce ko olämme moa näk kur dïlämme ki jø tuuŋ Libay cïpge, nee dïlämme ki jø tuuŋ Libay nee cwïnyge cïpge bäre ki man gwøkge ciik mo Wuuö Jwøk.

Neemiya 10:37

«Øøni thuwø, muk beel 'moø moa nyärö, ki muuce mo thwöth beel moø, ki nyïïjenni ma teeŋi mo wø kwøŋ ciek, ki kwøk nyïïomøki moa nyärö, ki maaw man wø kwøŋ wel, cïbø cïbö jï dïlämme yi øt kän mar Øt Jwøk marø, ni cïbø paac wïth jammi 'moø mo wø joodø yi ŋöömö marø jï jø tuuŋ Libay, kiper beeye jø tuuŋ Libay ni wø jwäk paac wïth jammi yïth mïëri bëët moa en jø puuri yïthge.

Neemiya 10:39

Jø Icriel thuwø ki jø tuuŋ Libay, ajwäk mar beel moge, ki mar køøŋ nyïïomøki moa nyärö, ki maaw, wø kälge ka yïth uut kän kwöra bëët jap Øt Jwøki yïthge, kwöra bëët dïlämme yïthge moa en tïïci ceŋge, ki jø wø koor dhøgi mo kal mar Øt Jwøk ki jø wø wär ki dudi yi Øt Jwøk. «Øøni Øt Jwøk marø ba raŋø na gïn mo jööt jaak.»

Neemiya 12:47

'Ba ki yïth nïne moa beet Dherubabelli ki yïth nïne moa beet Neemiya, jø Icriel bëët gena bëëdö ni ceŋge jwäkge jwääö ni cïpge cam cooth mar yi cäŋ man nø jï jø wø wär ki dudi Øt Jwøk ki jï jø wø koor dhøgi mo kiir. Ni ö geni thuwø ni cïpge jammi moa no ocïp kur keerge na mo Jwøk jï jø tuuŋ Libay, ni ö jø tuuŋ Libayi ni cïpge thääŋŋe mør kur keere jï dïlämme ma nyïïkwaac Aran.

Aydheea 43:23

Bäŋ dïëk mo iï cïbö jïra no olämme mo wø waaŋ bäre, naa kärï wøørø ko olämme moï møga. Yiï kära cwaadø ki man cïpï ki muuce mo beel, niï kära öölö ki man cïpï ki jer wø jïcge ŋwääi ni met.

Milkiya 3:8

«?Aŋø, løny jï dhaanhø ki man møt Jwøk? 'Ba uuni aana møtu. «'Ba uuna köö, ni ‹?Ï ewa mødø nidïï?› «Møt mana mudu ki gø beeye mana käru cïpö ki paac wïth jammi ki muuce.

Kwään Jiy 35:2

ni «Kööm jø Icriel nee cïpge ki päänye jï jø tuuŋ Libay nee bëëtge yïthge røk päänye moo cïp jï jø Icriel na kurge; ni moocge jø tuuŋ Libay thuwø ki kwör kwaath buut päänye moøgø.

Tiet Ciik 12:19

'Ba gwøgu rou ki man ba jarru jø tuuŋ Libay ki yïth cwiiri bëët moo beetu yi ŋöömmu.