Neemiya 12:44 - Wëël Jwøk

⁴⁴ 'Ba dïcäŋögø da jiy maa kwany mo en uut känni ceŋge mo kïth jammi yïthge, ni beege muuce mo beel, ki caammi mo wø kwøŋ ciek, ki paac wïth jammi, ki caammi mo wø käli ki yïth pwöth mo mïëri moge, ni beege jammi moa näk ocaanø yi ciik Jwøk kiper nee wø cïp jï dïlämme ki jø tuuŋ Libay. Kiper jø Juuda yïthge amïnnö ki dïlämme ki jø tuuŋ Libay kiper tïïc mana tïïcge.

Neemiya 12:44 Iomraidhean Croise

1 Luup Nyeye 23:28

'Ba tïïc mar jø tuuŋ Libay aput tïmö ni ge køønynya nyïïkwaac Aran ki tïïe mo øt Wuuö Jwøk, mo wø en yi kal, ki mo wø en yi øtø, ki tïïc jammi bëët ni waany mo wø en kur keerge, këël ki tïïc tïïe møøk thuwø mo wø tïïc yi øt Wuuö Jwøk,

1 Luup Nyeye 26:20

'Ba jø tuuŋ Libay møøk gena jier na jø raŋ uut kän jammi mo Øt Jwøk ki uut kän jammi moa näk ocïp kur keerge na mo Jwøk.

1 Luup Nyeye 9:26

'Ba jø tuuŋ Libay moøgø na aŋween yøø na cuum na wïth jø koor, gena jiy mo oŋäädhö, ni thäk uudi moa therø na en deŋ Øt Jwøk ena ceŋge, ki kwör kän jammi mo Øt Jwøk.

Neemiya 10:36

«Øøni, ki køør mana näk ogöörö yi wëël ciik Jwøk, wäätø moa näk kaai, ki nyïï lääc paac 'moø moa näk kaai, ki nyïï dhäk 'moø moa näk kaai, ki nyïï dïëk 'moø moa näk kaai kälø yi Øt Jwøk marø jï dïlämme 'moø ni tïïö yi Øt Jwøk marø yøø.

Pwöc Leec Wïc 8:34

Gwïëth en jï ŋat wø cek ïthe ki mara, ni wø raŋ dhi kal mara ki yïth nïne bëët, ni wø kurö dhi øtø mara.

Aydheea 40:31

'Ba jiy mo wø bëëdö ni ge ŋäätha Wuuö Jwøk ge jïtö ki teek mo nyään; ni määtge ki bwöm kaamar odhuuth, ni rïïŋge ni ge ba ööl, ni cääthge ni tietge ba øc piny.

Kwään Jiy 3:10

'Ba Aran ki wääte wär thïïŋï, ni ö geni ni gwøkge tïïc marge na näk tïï dïlämme; 'ba noo näk da dhaanhø mør jaak mo nyänhnha buut oduŋkaara wala manynya tïïc manøgø nee tïïe, wär eni 'näk.»

Wëëlö Mana Göör Pøølli Baŋ Jø Röm 12:7

'Ba ni näk beeye tïïc man tïny jø møøk na wëëk øøni, beerra man tïnynyø ge. Ni ŋato wëëk pwöc, wär pööe.

Tiet Ciik 18:8

'Ba mano came na kure otïmö ni röömi ki mano cam ŋati man nø røk jø tuuŋ Libay moøgø. 'Ba ni näk mo da gïï mo ee joodø baŋ wëëkge ki køør gïï møøk mo odwøk pwödhö, gïïögø ba doo kwaana røk japøgø.