Neemiya 12:43 - Wëël Jwøk

⁴³ 'Ba dïcäŋögø jiy acïpö ko olämme mo thööth døc, ni bëëtge ni yïthge met kiper Jwøk acïpö jïge ki met ec mo dwøŋ; ni ö määnni ko obwöre ni mïn yïthge. Ni ö dwør mïn eci mana tägö Jerucalem ni put wïnyö kany mo bäär.

Neemiya 12:43 Iomraidhean Croise

2 Luup Nyeye 20:13

'Ba jø Juuda bëët ge cuŋŋö nyïm Wuuö Jwøk, ge ko obwöre moge moa therø, ki määrge, ko obwöre moge moa reegø.

2 Luup Nyeye 20:27

'Ba jø Juuda ki jø Jerucalem bëët gena duuö ni ge bwøtha Jøcapati, ni duuge Jerucalem ki met ec, kiper gena tïïc Wuuö Jwøki nee yïthge mïnge bäät nyïïmän moge.

2 Luup Nyeye 7:10

'Ba na tïm nïr dwää abïriiø na pïërariiø kurdäk, Cølöman jiy awëëk døøn mïëcge ki kanynyø ki met cwïny mo dwøŋ, kiper jammi moa beyø bëët na tïïc Wuuö Jwøki jï Deebit ki Cølöman ki jï jiye ma jø Icriel.

Edhera 3:13

Ni bäŋe ŋat mo oløny jïre ki man ŋec dööt jiy moa kwöŋŋö ki met ec ki dööt jiy moa jwöŋö, kiper jiy kwöŋŋö døc, ni dööt jiy wïnyö kany mo bäär.

Neemiya 12:27

'Ba kanya tïme na cäŋa cïp kiir mar Jerucalem kur keere yie na mar Jwøk, jø tuuŋ Libay amanynyi yïth kwöra bëëtge yïthge bëët, ni käl geni Jerucalem nee cäŋ manøgø mana cïp kiir yie kur keere na mar Jwøk wøørge ki met ec, ki dudi mo dwøk met ec, ki dudi mo wär ka athiliiŋŋi, ki mo pwöt ki thøme ki thøp-othïënhö.

Neemiya 12:42

ki jøøa caath køørge, ni beeye Maycëya, ki Cemaya, ki Eliedhar, ko Udhi, ki Jöanan, ki Malkiya, ki Ilam, ki Ëdhör. Ni jø wø wär ki dudi, ge wär ni ge bwøtha Jedheriya.

Jööp 34:29

?'Ba ni näk mo eno lïŋö, aŋa noo köö ni eno bääyö? ?A ni näk mo täärnyïme ee kanø, aŋa noo joot gø? Eni, jiy ki wïth juurre bëët ena tiere,

Aydheea 61:3

nee jøøa näk cwïnyge opädhö na en yi Dhayan, nee ge ŋada ka aduda mar ajiem na kar mana bëëtge yi bur, ki met ec na kar kïmmö, ki pwøc na kar pänh cwïny. 'Ba ki køør bëënynyö marge geno cwøl ni jenni mo teek moa tøøk Wuuö Jwøki, nee nyeŋŋe jiem ki rege.

Jeremaya 31:13

Kar kaace, nyïïakuue yïthge omïnni ni mielge, ni mïn yïth wøpe ki jø døøŋŋø bëët, kiper kïmmö marge odøøya met ec, ni cøma cwïnyge, ni wëëga yïthge mïnnö na kar pänh cwïny.

Jeremaya 33:11

ni beeye dïlweel mar met ec ki dwør met ec, ki kanynyø mar nywöm, ki dööt jø wø cïpi ko olämme mo dwøk met ec yi Øt Wuuö Jwøk, ni ge köö, « ‹ni «Dwøgu met ec jï Wuuö Jwøk, eni na wïth jammi bëët, kiper Wuuö Jwøk beer, ni mëër mare ni wø ba jøøl bëëdö na bäre bäre.» Kiper aani, paac 'dwøga kare ni caala mana dïkwøŋ.› Luummögø caana Wuuö Jwøki.

Kwään Jiy 10:10

Kany wäro tïme na cääŋŋe mo met ec mou, ni beege nïr ajwöm moa no ocaanø jïïu, ki nïr wø päär dwääyi yïthge cooth, tuŋi dou koodhø bäät olämme mou mo wø waaŋ bäre, ki bäät olämme mo wø duunni ki mëër; nee tuŋi moøgø tïmge na gïï parru wïthu ki ge nyïm Jwøu. Beeye a na Wuuö Jwøk na näk Jwøu.»

Mathiew 21:15

'Ba kwääc laam ki dïpööye mo ciik Jwøk cwïnyge aränynyö kanya neenge gïïa näk rëëma ec na tïïc Jecu, no obwöre kwöŋŋö Øt Jwøk Mana Dwøŋ, ni «Odhaana! Pwøc en jï Nyikwaar Deebit,»

Mathiew 21:9

Ni ö jiyi moa bwödhö nyïme ki moa cäädhö cään, ni rëëtge, ni «Odhaana! Pwøc en jï Nyikwaar Deebit. Gwïëth en ri ŋat ööi en ki nyeŋ Wuuö Jwøk! Pwøc en jï Jwøk!»

Jøøn 16:22

'Ba ennø, beeye kar pänh cwïny maru, 'ba uuno cäŋa neennø, ni ö cwïnynyu ni mïnge, ni bäŋ dhaanhø mo raany met ec maru këët.

Epeca 5:19

ni cäänu ki røgu nou cäänö ka ri Dut Pwøc, ki dut Jwøk, ki dut met ec mo wø wär ki ri Jwïëc Jwøk, nou wära dudi mo met jï Wuuö ki cwïnynyu bäre,

Jeemeth 5:13

?Da dhaanhø dïïu mo da gïn mo leth mo opïï dëëre? Wär läme. 'Ba ni näk da ŋat mo yie met, wär wäre ki dudi ni pwøya Jwøk.

1 Camiel 4:5

'Ba kanya ö acanduki man wø nyooth luumma tuut Wuuö Jwøki ki jiy na pïïe twïër, jø Icriel bëët aput kwöŋŋö døc ni döötge ena maal, ni ö pinynyi ni jøl döötge.