Neemiya 12:27 - Wëël Jwøk

²⁷ 'Ba kanya tïme na cäŋa cïp kiir mar Jerucalem kur keere yie na mar Jwøk, jø tuuŋ Libay amanynyi yïth kwöra bëëtge yïthge bëët, ni käl geni Jerucalem nee cäŋ manøgø mana cïp kiir yie kur keere na mar Jwøk wøørge ki met ec, ki dudi mo dwøk met ec, ki dudi mo wär ka athiliiŋŋi, ki mo pwöt ki thøme ki thøp-othïënhö.

Neemiya 12:27 Iomraidhean Croise

2 Camiel 6:12

'Ba acaan jï nyeya ma Deebit ni køp, ni «Wuuö Jwøk Obet-Idöm anø gwïëdhe ki jøøa en paare këël gïïa en jïre bëët, ki køør acanduk mar Jwøk.» Kanyøgønø, Deebit aput cøø ni lwør acanduk mar Jwøk po Obet-Idöm, ni kïth gø yi Pääny Deebit, ni yie met døc.

1 Nyeye 8:63

Ni ö Cølömanni ni cïpe ko olämme mo wø duunni ki mëër jï Wuuö Jwøk, no olämme moa cïbe beege dhäk ma kume ma pïërariiø kurriiø, ki dïëk ma kume ma dïpa ki pïërariiø; ni ö nyeya ki jø Icriel bëët ni putge Øt Wuuö Jwøk cïp kur keere na mar Jwøk.

1 Luup Nyeye 13:8

'Ba kanyøgø, Deebit ki jø Icriel bëët gena put miel døc ni ge wär ki dudi ni yïthge met nyïm Jwøk ki teek marge bäre, ni jøw pöödö ki thøme mo wø pwöt ni di roodø, ki thøp-othïënhö, ka anëët; na adijeege tuuŋge tuuŋŋö, ni ge kudhö ki tuŋi.

1 Luup Nyeye 15:12

ni kööe jïge, ni «Bee u na bwöthe mo dhøk uudi mo jø tuuŋ Libay; cïbu dëëtu kur keeru na mo Jwøk, uuni bëët ki jø tuŋi mou, ni øømmu acanduk mar Wuuö Jwøk, Jwø Icriel, nee cïp kanya jiiŋŋa kipere.

1 Luup Nyeye 15:16

Køøre Deebit bwöthe mo jø tuuŋ Libay acäänne nee jëëtge røk jø tuuŋge ki jiy mo wär ki dudi ki wïth thøme ma teeŋi, ka athaliiŋŋi moo jwöŋi ni döötge ena maal, nee döötge tïŋge maal ni wärge ki met ec.

1 Luup Nyeye 15:28

Kanyøgø jø Icriel bëët acanduk man wø nyooth luumma tuut Wuuö Jwøki ki jiy aputge kälö ni ge kwöŋŋö ki met ec, ni ge kudhö ki tuk lääy, ki tuŋi moa näk tïïc ka nywïënyö, na athaliiŋŋi moo jwöŋi ni döötge ena maal tuuŋge tuuŋŋö, ni ge pöödö ki wïth thøme ma teeŋi.

1 Luup Nyeye 15:4

Ni ö Deebiti ni cooŋ jøøa käl dëër Aran ki jø tuuŋ Libay bëët.

1 Luup Nyeye 16:42

Ni ö Ëmanni ki Jeduthun ni cäŋge cuummö kiper nee tuŋi koothge, ni tuuŋge athaliiŋŋi ki jammi møøk mo wø cïpi ki dwøl mo wär dut Jwøk ki ge; ni ö wäät Jeduthun ni bëëtge ni ge koora dhi kal.

1 Luup Nyeye 16:5

'Ba Acaap beeye na bwödhi marge, ni ŋata caath køøre beeye Dhekaraya. 'Ba jiy mo pöödö ki thøp-othïënhö beege Jïël, ki Cemiramöth, ki Jikiël, ki Matitiya, ki Eliap, ki Benaya, ki Obet-Idöm, ki Jïël; na Acaap beeye ŋat wø tuuŋ athaliiŋŋi mo wø jwöŋi ni döötge ena maal.

1 Luup Nyeye 23:5

ni ö jiyi ma kume aŋween ni kwanyi na jø wø koor dhi kal; ni ö jiyi ma kume aŋween thuwø ni kwanyi na jø pwøc Wuuö Jwøk ki wïth jap dööti ma teeŋi moa tïïc Deebiti kiper pwøc.

1 Luup Nyeye 26:31

ni bwödhi mar jø dhi øt Keeprön beeye Jeriya. 'Ba kanya tïm cwiic Deebit na pïëraŋween bäät nyec, yi jöör tuuŋ mar jø dhi øt Keeprön amanynyi, ni joot jiy mo teek mo tïïc løny jïge yïthakicge kany mo cwøl ni Jadher mo ena Gelät.

2 Luup Nyeye 29:25

Køøre Edhekaya jø tuuŋ Libay acïp kwörge yi Øt Wuuö Jwøk ni ceŋge da athaliiŋŋi ki wïth thøme ma teeŋi ki køør luumma cem Deebiti, ki nyikuŋ Jwøk ma Nathan, ki Gaat, ŋat wø car jammi jï nyeya ki køør man wø nyooth Jwøki jïre; kiper luummögøøni cema Wuuö Jwøki ki dëët nyïïkuk moe moøgøøni.

2 Luup Nyeye 29:30

'Ba nyeya ma Edhekaya ki kwääri moa en tiere jø tuuŋ Libay aköömge thuwø nee wärge ni ge pwøya Wuuö Jwøk ki dut Deebit ka Acaap, ni beeye Acaap ŋata wara joot jammi ki køør man wø nyooth Jwøki jïre. Ni ö jøøgøøni ni wärge ki dut pwøc jï Wuuö Jwøk ki met ec, ni këëlge cøŋge piny ni wøørge Wuuö Jwøk.

2 Luup Nyeye 5:13

'Ba kanya ö jø kooth tuŋi ki jø wär dudi ni tïŋge döötge maal na yie aciel ni ge dwøga pwøc ka ajiem jï Wuuö Jwøk, kanya wärge ni tuŋi ka athiliiŋŋi ki jap dööti ma teeŋi di pwödö ni ge pwøya Wuuö Jwøk ni köge, ni «Bee eni ni beer, kiper mëër mare bëëdö na bäre bäre ni ba jøøl,» Øt Wuuö Jwøk aput pääŋö ki pöölö.

2 Luup Nyeye 7:6

'Ba dïlämme cuŋŋö kwörge, ni jø tuuŋ Libay ge pwøya Wuuö Jwøk ki jap dööti moa tïïc nyeya ma Deebit kiper dwøk pwøc jï Wuuö Jwøk, kaa wara pwøc Wuuö Jwøk ki ge ni eni köö, ni «Mëër mar Wuuö Jwøk ni wø ba jøøl bëëdö na bäre bäre.» 'Ba ki løøk maya dïlämme møga ge bëëdö ni ge kudhö ki tuŋi, ni dhaanh Icriel bäre bëëdö ni cuŋŋö.

Edhera 6:16

Kanyøgø jø Icriel, ni beege dïlämme, ki jø tuuŋ Libay, ki jiy møga moa mak ki tøŋ moa duuö, Øt Jwøk manøgø acïpge kur keere na mar Jwøk ni yïthge met.

Neemiya 11:20

'Ba jø Icriel møga, ki jø tuuŋ dïlämme møga, ki jø tuuŋ Libay møga, ge bëëdö yïth mïëri mo Juuda møga bëët, ni ŋati man nø bëëdö yïth ŋøøpe.

Neemiya 12:43

'Ba dïcäŋögø jiy acïpö ko olämme mo thööth døc, ni bëëtge ni yïthge met kiper Jwøk acïpö jïge ki met ec mo dwøŋ; ni ö määnni ko obwöre ni mïn yïthge. Ni ö dwør mïn eci mana tägö Jerucalem ni put wïnyö kany mo bäär.

Neemiya 8:17

Ni ö jiyi bëët moa duuö na mak ki tøŋ ni gëëtge ka abïle ni bëëtge yïthge. Ka adïëri møn, teeŋ ajwöma manøgø poot kär wøør jø Icrielli cøøn ki mana täge ki ri nïr Jøcua o Nun këël dïcäŋ manøgø. Ni met ec marge manøgø beeye met ec mo dwøŋ døc.

Dut Pwøc 30:1

Tiet Ciik 16:11

Ni mïn yïthu nyïm Wuuö Jwøk na näk Jwøu, yi kanyo jier Wuuö Jwøki na näk Jwøu noo caa ri nyeŋŋe, ni beeye uuni ki wäätu ki nyïïu, ki jø tïïc mou moa näk cwøw ki moa näk mään, ki jø tuuŋ Libay, ki wëëlle moa path, ki kïïe, ki määr thuunhnhi mo bëëdö ka uuni.

Tiet Ciik 20:5

«Køøre cuumme wär cäänge ki jiy, ni köge, na ‹?Aŋa no ogëëdö ki øtø mo nyään mo poot kär bëëdö yi gø? Ŋatøgø aae ni døø paare, kiper kanymør eni thøw kar leny, ni ö dhaanhe mørri ni bëëde yi gø.›

Pilipay 4:4

Yïthu mïnge ki ri Wuuö cooth, naa cäŋa gø caannø jïïu, ni yïthu mïnge.

Mana Nyooth 5:8

'Ba na nø lwør wëëlö, gïïa kwøw karge ŋweeni ki jaae na näk pïërariiø kurŋween gena päth nyïm Nyidiel, ni ŋati man nø cere da thoom ki kuura ma warkey mo päŋ ki gïï wø jïcge ŋwääi ni met, na näk laam mo jø Jwøk.