Neemiya 12:1 - Wëël Jwøk

¹ 'Ba moi beege nyeŋ dïlämme ki nyeŋ jø tuuŋ Libay moa kwøŋ duuö ki Babiløn ni ge cäädhi ka Dherubabel o Celatiyal, ki Jøcua na näk Kwääy Lam Mana Dwøŋ. Ni nyeŋ dïlämme beeye Ceraya, ki Jeremaya, ki Edhera,

Neemiya 12:1 Iomraidhean Croise

Edhera 3:2

Køøre Jøcua wär Jöcëdëk ki dïlämme mo wø tïïö ki eni na aciel, ki Dherubabel o Celatiyal ki tuuŋge, gena ö maal ni tïïcge gïn wø cïp olämme bääte mar Jwø Icriel, kiper nee cïpge bäät gø ko olämme mo wø waaŋ bäre, kaawat mana no ogöörö yi wëël ciik dhaanh Jwøk ma Modhe.

Edhera 3:8

'Ba kanya tïme na ri riet cwiiri mana öge kanya en wï Øt Jwøki yie yi Jerucalem, ri dwää ariiø, Dherubabel o Celatiyal ki Jøcua wär Jöcëdëk, ki jø poge møga, ni beege dïlämme, ki jø tuuŋ Libay, ki jiy bëët moa mak ki tøŋ na duu Jerucalem, gena tägö ki man tïïcge Øt Jwøk; ni kwany jø tuuŋ Libay ni gena jø raŋ tïï Øt Wuuö Jwøk, ki mana täge ki ŋat mo cwiiye pïërariiø këël kunece.

Edhera 4:2

gena ö baŋ Dherubabel ki dïbwöthe mo wïth tuŋi ni köge, ni «Beerra man gëëdø ki uuni na aciel, kiper waani, wa manynya Jwøk maru ni wa caala uuni; ni wa bëëdö ni wa cïpö ko olämme jïre ki mana täge ki ri nïne moa beet Ëcaradön nyeny jø Aciria na käl waani kany.»

Edhera 5:2

Køøre Dherubabel o Celatiyal ki Jøcua wär Jöcëdëk gena ö maal ni täkge ki man cäŋge Øt Jwøk geerrø Jerucalem; ni ö nyïïkuk Jwøki moøgø ni bëëtge ni køønynya geni ka acaare.

Edhera 7:7

'Ba jø møøk røk jø Icriel, ki dïlämme møøk, ki jø dhi øt Libay møøk, ki jø møøk røk jø wø wär ki dudi Øt Jwøk, ki jø møøk røk jø wø koor dhøk kal mar Øt Jwøk, ki jø møøk røk jø wø tïïc tïïe moa therø Øt Jwøk, gena ci Jerucalem ki Edhera na aciel kanya tïme na ri bïriet cwiiri moa beet Arthëkcic ni ena nyeya.

Neemiya 11:36

'Ba thäk jø tuuŋ Libay møøk moa kwøŋ bëëdö yi ŋööm jø tuuŋ Juuda, gena bëëdö yi ŋööm jø tuuŋ Benjamen.

Neemiya 12:10

'Ba Jøcua na näk Kwääy Lam Mana Dwøŋ beeye wää Jöyakim, ni Jöyakim beeye wää Eliyacip, ni Eliyacip beeye wää Jöyada,

Neemiya 12:2

ka Amariya, ki Maluk, ka Atuc,

Neemiya 7:7

Ni jøøgø ge cäädhi ka dïbwöthe moge ni beege Dherubabel, ki Jøcua, ki Neemiya, ka Adhariya, ki Raamiya, ki Naamani, ki Mördekay, ki Bilcan, ki Micpëret, ki Bigway, ki Neum, ki Baanaa. 'Ba moi beege kwään cwøw mo jø Icriel moa öge ki ge:

Agëë 1:1

'Ba kanya tïm cwiic Dariöc na ariiø bäät nyec, ni nïr dwää abïciel aciel, dwør Wuuö Jwøk aö bäät nyikuŋ Jwøk ma Agëë kiper Dherubabel o Celatiyal na bëëdö na kwäärö mar akwöm Juuda, ki Jøcua wär Jöcëdëk na näk Kwääy Lam Mana Dwøŋ.

Agëë 1:12

Køøre Dherubabel o Celatiyal, ki Jøcua wär Jöcëdëk, na näk Kwääy Lam Mana Dwøŋ, ki jiy bëët moa no odööŋ na bøth dhøk gïï mo leth, gena jïëy ki dwør Wuuö Jwøk, Jwøk marge, ki luubö mana car nyikuŋ Jwøki ma Agëë, kiper mana ö Wuuö Jwøk, Jwøk marge na jääŋ gø baŋge. Ni ö jiyi ni putge lwäyö ki Wuuö Jwøk.

Agëë 1:14

Kanyøgø Wuuö Jwøk atïïö cwïny Dherubabel o Celatiyal na bëëdö na kwäärö mar akwöm Juuda, ki cwïny Jøcua wär Jöcëdëk na näk Kwääy Lam Mana Dwøŋ, ki cwïny jiy bëët moa no odööŋ na bøth dhøk gïï mo leth, ni putge ö maal ni täkge ki geer Øt Wuuö Jwøk, Jwøk marge, eni na wïth jammi bëët,

Agëë 2:2

ni «Caanï jï Dherubabel o Celatiyal eni na kwäärö mar akwöm Juuda, ki Jøcua wär Jöcëdëk, eni na Kwääy Lam Mana Dwøŋ, ki jiy moa dööŋ na bøth dhøk gïï mo leth, ni kööï,

Dhekaraya 6:11

ni lwørï warkey ki gwel-bïrö ni tïïï ka aduda ni kïthï gø wï Kwääy Lam Mana Dwøŋ ni beeye Jøcua o Jöcëdëk.