Neemiya 11:1 - Wëël Jwøk

¹ 'Ba dïbwöthe gena bëëdö ni ge bëëdö Jerucalem. 'Ba jiy bëët møga nyuuthe mo wø tïïc ni pätha bäät ŋati man nø atïïcge, ni ŋato päth bääte nø røk jiy apaar nee kälge nee bëëde Jerucalem, päänya en kur keere na mar Jwøk, nee jiy abïŋween moi nø mo odööŋ ki ra apaar nee bëëtge ni ge bëëdö yïth päänye møga.

Neemiya 11:1 Iomraidhean Croise

1 Luup Nyeye 26:13

Køøre geni bëët, jøøa kwörge therø ki jøøa kwörge døøŋŋø, gïï wø tïïc na nyuuthe aleeŋge ki køør dhøk uudi moge kiper jø koor dhi kal man nø nee joot.

1 Luup Nyeye 8:28

Jøøgøøni beege wïth dhøk uudi, ni gena dïbwöthe ki køør beenhnhe mo tuŋi moge, ni ge bëëdö Jerucalem.

1 Luup Nyeye 9:1

'Ba jø Icriel bëët nyeŋge ogöörö ki køør dhøk uudi moge yi Wëël Luup Nyec Icriel. 'Ba jø Juuda gena mak ki tøŋ ni kïth geni yi Babiløn kiper mana tïïge ki raay dëër Jwøk.

1 Luup Nyeye 9:2

'Ba jøøa kwøŋ duuö na duu yïth mïëri moge ki yïth päänye moge beege dïlämme, ki jø tuuŋ Libay, ki jiy mo wø tïïc tïïe moa therø yi Øt Jwøk, ki jø Icriel møøk.

1 Luup Nyeye 9:3

'Ba jø møøk røk jø tuuŋ Juuda, ki røk jø tuuŋ Benjamen, ki røk jø tuuŋ Ipariem, ki røk jø tuuŋ Maneeca, gena ci Jerucalem nee bëëtge yie.

Neemiya 10:34

«Øøni, nyuuthe mo wø tïïc ni pätha baŋ jøøi nø atïïø kiper dïlämme, ki jø tuuŋ Libay, ki jiy møga, kiper nee jøøi nø ki yi cwiir kany wø pïïc karge yie, nee ge wø känge ki jenni mo otal jï Øt Jwøk marø, kiper nee wø waaŋ bäät gïn wø cïp olämme bääte mar Wuuö Jwøk, Jwøk marø, kaawat mana näk ogöörö yi wëël ciik Jwøk. Ni jøøi nø ge känni ka køør dhøk uudi moge.

Neemiya 11:18

'Ba jø tuuŋ Libay bëët moa en yi Jerucalem, päänya en kur keere na mar Jwøk, kwäänge beeye dïpe ariiø ki pïërabära ka aŋween.

Neemiya 4:22

Kar kaagø aana cäänö thuwø ki jiy, ni «Beerra man ö ŋati man nø ki ŋat tïïc mare ni tïme ni ge buuta yi Jerucalem ki wäär kiper nee ge bëëtge ni gena jø koor ki wäär, ni gena jø tïïc ki waŋcäŋ.»

Pwöc Leec Wïc 16:33

Nyuuthe mo wø tïïc ni nyootha gïrpiny wø di tïïö, 'ba ŋøl luup mana näk adïëri käla baŋ Wuuö Jwøk.

Aydheea 48:2

Uuni, dëëtu wø cwøllu cwølø na jø päänya en kur keere, ni göögu raa, a na Jwø Icriel, na näk nyeŋŋe bee Wuuö Jwøk, eni na wïth jammi bëët.

Aydheea 52:1

Wui Dhayan, päyï, päyï nø, ni røøï teek marï dëërï! Wui Jerucalem, ï na päänya en kur keere, røø abïïgï dëërï moa beyø; kiper jøøa näk kär daŋø ki jøøa näk ba waany, ge ba duny yiï këët.

Mathiew 27:53

Ni öge wøk ki yïth bwör køør duun Jecu wøk ki yi thøø, ni cige paana en kur keere na näk mar Jwøk, ni beeye Jerucalem, ni neeni ya jiyi mo thööth.

Mathiew 4:5

Kanyøgø ena kïth anägö päänya en kur keere na näk mar Jwøk, ni beeye Jerucalem, ni cïp gø wï ocul Øt Jwøk Mana Dwøŋ,

Moa Tïïc Nyïïatwieli 1:24

Ni lämge, ni köge, ni «Wui Wuuö, ï ni wø ŋäc cwïny jøw bëët, nyooth ŋata jierï jïwa dëët jøøi na ariiø ii,

Moa Tïïc Nyïïatwieli 1:26

Ni ö geni ni tïmge ki ŋïïce, ni päth wï Mathaya. Ni put dwätö ki nyïïatwieli na näk apaar kurciel.

Jøcua 18:10

'Ba Jøcua ŋïïce mo wø tïïc ki ri kwääk ki baw aput jiiŋŋø jïge Cëëlö kaagø nyïm Wuuö Jwøk, ni ö Jøcua ni put ŋøøm pääŋŋö jï jø Icriel ki køør wïth tuŋi moge.