Neemiya 10:31 - Wëël Jwøk

³¹ «Ni kanyo ö wïth juurre noo känge ki beel ki jammi mo di gadhø ki Cäŋ Jwömö, øøni, ø ba ŋëëö baŋge ki Cäŋ Jwömö, ki cäŋ mo ena kur keere na mar Jwøk. Øøni, kany wø tïme na ri bïriet cwiiri, ø ba purö, ni wiiø pïït bëët bäät jiy, ni ba piirø këët.

Neemiya 10:31 Iomraidhean Croise

2 Luup Nyeye 36:21

Gïnögø atägö ni wëëga luum Wuuö Jwøk thur kare mana caane ki dhi Jeremaya, këël mana ö ŋöömö ni mïn yie ki yïth cwiic jwöm moe. Kiper cwiic ränynyö moe moa näk pïërabïriiø acäŋ beetø na mo jwöm.

Neemiya 13:23

Maya thuwø, ki yïth nïröka, aani, aana jïtö ki jø Juuda mo onyöömmö ki mään mo käla ya Acdöt, ka Amön, ki Möap.

Neemiya 13:27

'Ba waani, wa ba many man wïnywa gø man näk mo gïn ni dwøŋ ni raac en you tïïö, ni tïïyu dëër Jwøk marø, ki køør mana nywømmu määr juurre.»

Bwøth Wøk 12:16

Kanyo tïme na dïcäŋ mana dïkwøŋ, u doo jïtö ka acooŋa mo ena kur keere, ni cäŋu jïtö ka acooŋa mør mo ena kur keere ri bïriet nïne; kär dee tïïe mo tïïyu yïth nïne moøgø na ariiø yøø. 'Ba tïïc mano tïïyu keere beeye tïï cam man wø cam ŋati man nø.

Bwøth Wøk 20:10

'Ba bïriet nïne beeye cäŋ jwömö jï Wuuö Jwøk na näk Jwøï. Kär dee gïn mo tïïyï dïcäŋöce, ïïni wala wäädï wala nyaarï, wala ŋat tïïc marï ma dïcwøø wala ma dhaagø, wala lääc paac moï, wala wëëllö mo path mo bëëdö ka ïïni.

Bwøth Wøk 34:16

'Ba ni näk nyïïge you nywømø jï wäätu nee tïmge na määrge, kanyo bëët nyïïge moøgø ni ge tïïö ki gïï mo reyø ni cwïnyge ena køør juu moge, wäätu bwøthge bwødhø ki øtjöörögø ni tïïcge teeŋ tïïc manøgø.

Aydheea 58:6

«'Ba wödö mana manynya beeye en: Beeye ki man pätu jøøa no otwöö yi bëëtö mo leth, ni kälu tëëra peek wøk bäätge ni wø caal jaath man wø rïï ŋut dhieŋ ri puur. Beeye ki man pätu jiy moa no ocaannø, ni ö japa peek bëët na en bäätge, na caal jaath puur manøgø, ni kälu ge wøk.

Ciik Kiper Dïlämme 16:29

«'Ba man tïmö na ciik kiperu mo bëëdö na bäre bäre: kanyo tïm nïr dwää abïriiø na apaar, wäru dëëtu dwøgu piny, nou ba cämö, ni bäŋe tïïc mo tïïyu, nee ŋat Icriel wala wëëllö mo path mo bëëdö dïïu;

Ciik Kiper Dïlämme 23:21

'Ba dïcäŋögø wär tïme na cäŋ mo luumme you gøø piny man wø jïtu yie ka acooŋa mo ocïp kur keere. Kär dee tïïe mo teek mo tïïyu tïïö. Manøgø bëëdö na ciik na bäre bäre yïth kwöro bëëdu yïthge bëët këël mano këët røk beenhnhe mou moo ööi.

Ciik Kiper Dïlämme 23:3

« ‹Ki yïth nïne abïciel tïïe løny ki man tïï; 'ba noo tïme na bïriet nïne beeye cäŋ jwömö man wø jwöm dëël yie, ni beeye cäŋ acooŋa mo ena kur keere. Kär dee tïïe mo tïïyu tïïö, kiper beeye cäŋ jwömö jï Wuuö Jwøk ki yïth kwöro bëëdu yïthge bëët.

Mathiew 6:12

ni weyï moa bacwa, keda man wø wecwa mo wø bac jø møøki dëëtwa.

Köløcia 2:16

Kiper manøgønø, kär dee ŋat ŋøl maru piny kiper gïï wø cammu wala gïï wø maathu, wala kiper ajwöm-cam, wala kiper cäŋ man wø päär dwääy, wala cäŋ jwömö mar Jwøk.

Jeemeth 2:13

Kiper ŋat wø ba køny can dhaanhø mør, wø ŋøla wøk ni bäŋ køny kipere. 'Ba ŋat wø kunyö, bäŋ kany mo ŋøli wøk ki gø.