Neemiya 10:1 - Wëël Jwøk

¹ 'Ba jøøa näk nyeŋge ogöör piny bäät wëëlö manøgø no omwönö enø, beeye kwäärö mar paac ma Neemiya wär Akaliya, ki Cëdëkiya.

Neemiya 10:1 Iomraidhean Croise

2 Nyeye 23:3

Kanyøgø, nyeya acuŋŋö buut wera mana en dhi øt Jwøk, ni tude ki luubö nyïm Wuuö Jwøk, nee eni bëëde ni caatha køør Wuuö Jwøk, nee gïïa cem Wuuö Jwøki, ki pwöc moe, ki ciik moe gwøe ki cwïnye bäre ka acaaye bäre, nee bëëde ni cäädhi ka køør luup moa no otuudö na no ogöör piny yi wëëlö manøgø. Ni ö jiyi bëët ni putge jïëy ki tut manøgø.

Edhera 10:3

'Ba ennø, beerra man kööŋwa nyïm Jwøk marø ki man kwierwa mään moøgø bëët ko obwöre moge, ki køør luummï, ï na kwääya, ki luum jøøa dëëtge tïmö ni kwanynyi ki køør ciik mana no ocaan Jwøki marø; ni kïth luummögø bäät tïïc ki køør ciik Jwøk.

Edhera 2:63

Køøre kwäärö mar paac aköö jïge ni ge ba løny ki man cämge ki cam man wø en kur keere wø cïp jï Wuuö Jwøk këël kanyo dee dïlämi mo luup ŋøle ka køør Urim ki Thumim.

Neemiya 1:1

'Ba moi beege luup Neemiya wär Akaliya. Kanya tïme na ri cwiiri ma pïërariiø moa beet Arthëkcici ni ena nyeny Parca, yi dwääy mana cwøl ni Kiclep, ni aani na Neemiya, a ena paan dwøŋ yi pääny mana cwøl ni Cuca,

Neemiya 10:2

'Ba nyeŋ dïlämme beege Ceraya, ka Adhariya, ki Jeremaya,

Neemiya 10:30

ni «Nyïïø ba cïbø jï juurre nee nywømge, ni ba lwørø nyïïge nee nywømø jï wäätø.

Neemiya 7:65

Køøre kwäärö mar paac aköö jïge ni ge ba løny ki man cämge ki cam man wø en kur keere wø cïp jï Wuuö Jwøk, këël kanyo dee dïlämi mo luup ŋøle ka køør Urim ki Thumim.

Neemiya 7:70

'Ba jiy møøk røk dïbwöthe mo wïth tuŋi, gena cïpö ki jammi kiper tïï Øt Jwøk nee cäŋ geer kare. Ni ö kwäärö mar paaci ni cïpe ki gwet warkey mo darik ma kuma, ki kuure ma pïërabïïc, ka abïïe mo dïlämme ma dïpe abïïc ki pïëradäk, ni kïth geni kar kän.

Neemiya 8:9

Kanyøgø Neemiya, ŋata bëëdö na kwäärö mar paac, ki dïlämi ma Edhera, eni na dïpööy mar ciik Jwøk, ki jø tuuŋ Libay, jøøa caan tiet ciik Jwøk jï jiy, gena köö jï jiy bëët, ni «Dïcäŋ man en atïmö ni ena kur keere na mar Wuuö Jwøk, Jwøk maru; uuni, käru jwöŋö ni ba kïmmu.» Kiper jiy bëët gena bëëdö ni ge jwöŋö kanya wïnyge luup moa en yi wëël ciik Jwøk.

Neemiya 9:38

«'Ba kiper gïïögø bëët, waani wa kööŋ ki luubö mo wa rööpa ree bëët mo gööra piny, ni mwöni, mo nyeŋ dïbwöthe mowa ki jø tuuŋ Libay mowa, ki dïlämme mowa ogöör bääte.»

Bwøth Wøk 24:4

Ni ö Modhe ni göör luup piny bëët moa caan Wuuö Jwøki. Køøre ena ö maal ka amöölla cøøn, ni cøøe ni tïïe ki gïn wø cïp olämme bääte tier kïdi, ni tïïc gø ki kïte apaar kurriiø mo ee cwöth piny ni ee päärö ki kwään wïth tuŋi mo jø Icriel na näk apaar kurriiø.