Neemiya 1:7 - Wëël Jwøk

⁷ Waani, waana tïïö ki gïï mo reyø døc dëërï, ni waani ciik moï, ki gïïa cemï, ki luup ŋøl moï, moa cïpï ki ri dhaanhnhï ma Modhe, kärwa gwøø.

Neemiya 1:7 Iomraidhean Croise

1 Nyeye 2:3

Gwøk gïï wø many Wuuö Jwøki Jwøk marï, ni caathï jööre, ni gwøgï ciik moe, ki luup moa ceme, ki luup ŋøl moe, ki pwöc moe, kaawat mana no ogöörö yi wëël ciik Modhe, nee jammi bëët mo wø tïïyï nee wø thurge karge kwör wø bëëdï yïthge bëët,

2 Luup Nyeye 25:4

'Ba eni wäät jøøa 'näk wänni käre nääö. Kiper atïïe ki køør luubö mana no ogöörö yi wëël ciik Modhe, na cem Wuuö Jwøki na kööe, ni «Wëëe ba doo nääö kiper gïïa tïïc obwöre moge, no obwöre thuwø ba doo nääö kiper gïïa tïïc wëëkge. 'Ba ŋati man nø doo thøw ni thuunhnha raaye keere.»

2 Luup Nyeye 27:2

'Ba ena bëëdö ni tïïya gïï mo nëëni ni beyø ki jï Wuuö Jwøk, kaawat moa tïïc wänni ma Udhaya. 'Ba eni kär bääyö kaawat mana bääc wänni yi Øt Wuuö Jwøk. 'Ba jiy abëëdö ni ge poot tïïö ki raay.

Edhera 7:6

Edhera manøgø atïŋŋö Babiløn ni cøøa Jerucalem. Eni, ena dïpööy, mo ciik Modhe na cïp Wuuö Jwøki, Jwø Icriel, ee kwanyø døc. Køøre nyeya jammi moa many Edhera bëët acïbe jïre, kiper Edhera cer Wuuö Jwøk, Jwøk mare, ena bääte.

Aydheea 1:4

Wui, u na wï jur ma jø raay en, u na jiy mo raay löör ŋäthu kaamar tëër en, ni bee u nyïïkwaac jiy mo wø tïïö ki gïï mo reyø, ni uuno obwöre mo temma raay møn! Wuuö Jwøk, eni na Jwø Icriel na en kur keere, aweyu, ni taagu gø, ni løøu ŋäthu wøk ki eni.

Daniel 9:11

Dhaanh Icriel bäre ciik moï akaalge, ni løkge ŋäthge, ni kwierge dwørï. «Kiper manøgønø, acïëni ki kööŋ mar ajäla na näk ogöör piny yi wëël ciik Modhe, eni na dhaanh Jwøk, akïth bäätwa, kiper waana bääyö dëërï.

Daniel 9:13

Gïï ni leth bëët ii aö bäätwa ki køør mana näk ogöörö yi wëël ciik Modhe; 'ba waani met yiï, ï na Wuuö Jwøk, Jwøk marwa, kärwa manynyø, ni kärwa røkwa løø ki yïth raay mowa, ki man luuwa wïthwa baŋ adïëri marï.

Odheea 9:9

Uuna døny yïth raay døc, ni caala mana tïïc yi Giba; 'ba Jwøk wïïe opare ki rääö maru, ni jääl uuni kiper raay mou.

Ciik Kiper Dïlämme 27:34

Moøgø beege ciik moa cïp Wuuö Jwøki piny jï jø Icriel, na kööm Modhe ki ge bäät Kïn Caynay.

Jepaniya 3:7

Kanyøgø aana cädö ni jø Jerucalem doo løny ki man lwäcge ki aani, ni wïnyge pwöc 'moa. Køøre ŋöömö marge daa wiiø ni ba raanynya këët, ni ö ajäla mara bäre mana näk yaa cïp piny kipere ni ba kïtha gø bääte këët. 'Ba geni, ge poot pänynya maal kuna tïïcge japa reyø ki yïth tïïe moge bëët.»

Milkiya 4:4

Ni cäŋ köö, «Parru wïthu ki ciik dhaanhnha ma Modhe, ni beege gïïa cema ki pwöc moa cïba jïre kiper jø Icriel bëët bäät Kïn Körëp.

Tiet Ciik 4:1

Køøre Modhe aköö, ni «Ennø, u na jø Icriel, beerra man leŋŋu ciik ki luup ŋøl mo Wuuö Jwøk mo pwönynya uuni ki ge, kiper nee kïthu bäät tïïc, kiper nou bëëdu nou kwøw nou cou yi ŋöömmo cïp Wuuö Jwøki na näk Jwø kwäyu jïïu, nee lwørru na maru.

Tiet Ciik 4:5

«Ennø, uuna pwönynya ki ciik ki luup ŋøl kaawat mana ö Wuuö Jwøki na näk Jwøa na kööm aani, kiper nee geni kïthu bäät tïïc yi ŋöömö mano cou yie noo lwørru na maru.

Tiet Ciik 5:1

Køøre Modhe jø Icriel bëët acwøle, ni kööe, «U na jø Icriel, cegu ïthu ni wïnynyu ciik ki luup ŋøl moo caana jïïu dïcäŋi en. Pwönynyu rou ki geni, ni gwøgu geni døc, ni kïthu geni bäät tïïc.

Tiet Ciik 6:1

«'Ba ciik moi beege ciik ki luup ŋøl moa ö Wuuö Jwøki na näk Jwøu na kööm aani ki geni kiper nou pwönynya ki geni, nee kïthu bäät tïïc yi ŋöömmo cou yie nou lwørru na maru,

Mana Nyooth 19:2

Kiper ŋøl mare beeye adïëri ni näk kare. Ni eni kääpa dwøŋ na raany piny ki käp mare aŋøl wøk, ni cool kwör remø mar laage dëër gø.»