Neemiya 1:6 - Wëël Jwøk

⁶ Ennø, beerra man raŋï aani, ni cegï ïthï ki lam mara, a na dhaanhnhï en, ni beeye lam mara man läma ki gø nyïmï en ki dïcäŋ ki wäär, kiper jiyï ma jø Icriel, naa køpa raay moge moa bacwa dëërï; aani ki jø dhi øt kwäya waana bääyö dëërï.

Neemiya 1:6 Iomraidhean Croise

1 Nyeye 8:30

Beerra man wïnynyï kwac mara, a na dhaanhnhï, ki kwac mar jiyï ma jø Icriel, kany wø lämge ni nyïmge ege luu Øt Jwøk kany. Beerra man wïnynyï gø kany wø bëëdï yie maalø; beerra man wïnynyï gø møn, ni wëënnï waani.

1 Nyeye 8:47

ni näk mo ge cätö yi ŋöömö mana kïth ge yie ni ge mak ka tøŋ, ni løkge cwïnyge ni kwacge ïïni yi ŋööm jøøa mak ge ki tøŋ, ni köge, ni ‹Waana bääyö, ni nø tïïwa ki gïn mo reyø døc,›

2 Luup Nyeye 28:10

'Ba ennø, u cädö ni jø Juuda ki jø Jerucalem moø na mään ki cwøw yøø, ni tïïyu tïïö na laaŋe mou. ?A uuni, u kär bääyö thuwø nyïm Wuuö Jwøk, Jwøk maru?

2 Luup Nyeye 29:6

Kiper kwäyø gena bääö dëër Wuuö Jwøk ni tïïge ki gïï mo nëëni ni reyø ki jï Wuuö Jwøk, Jwøk marø, ni wecge gø, ni løøge nyïmge wøk ki kar bëëtö mar Wuuö Jwøk, ni løøge ŋäthge baŋ gø.

2 Luup Nyeye 6:40

«'Ba ennø, ï na Jwøk mara, a kwaya ïïni, beerra man räŋŋï ni cegï ïthï ki lam man wø lam kany.»

Edhera 10:1

'Ba kanya bëët Edhera ni poot lämö ni eni køpa raay, ni eni jwöŋö ni dëëre ee leeŋ piny nyïm Øt Jwøk, jiy mo thööth, ni beege cwøw ki mään ko obwöre mo käla røk jø Icriel, dëëtge acooŋge buute, ni jwöŋge døc ni yïthge ege keeyø.

Edhera 10:11

'Ba ennø, køpu raayu jï Wuuö Jwøk, Jwø kwäyu, ni tïïyu mana manynye, ni kälu dëëtu wøk ki røk juurre mo wø bëëdö yi ŋöömmi, ni kwierru nyïï juurre moa nywømmu.»

Neemiya 1:11

Wui Kwäärö Wuuö Jwøk, a kwaya ïïni, beerra man cegï ïthï ki lam mara, a na dhaanhnhï en, ki lam mar jiyï mo wø bëëdö ni yïthge met ki man wøørge nyeŋŋï; ni wëëgï gïna many dhaanhnhï thur kare dïcäŋi ki køør mano nyoothï mëër jïre nyïm nyeya ma Arthëkcic.» 'Ba aani, a bëëdö ni aana kwääy mar nyeya.

Dut Pwøc 88:1

Aydheea 6:5

Køøre aana köö, «Wui, a kare kaa këët nø; aana nø ränynyö! Kiper aana dhaanhø mo dhee ba waany, naa bëëdö dï jiy mo dhøkge ba waany; kiper aani nyeya ma Wuuö Jwøk, eni na wïth jammi bëët, aneena ki waŋa.»

Wëël Kïmmö 5:7

Kwäcwa atïïö ki raay ni pööthge, ni dööŋwa karge ni wa jøøya ajäl raay moa tïïcge.

Daniel 9:15

«'Ba ennø, wui ï na Kwäärö Wuuö Jwøk, Jwøk marwa, ï na käl jiyï wøk ki yi ŋööm Ijep ki køør teek badï, ï na tïïc nyeŋŋï nee wïnye kaawat man bëëde dïcäŋi en, waani, waana bääyö, ni tïïcwa gïï mo reyø.

Daniel 9:20

'Ba kanya bëëda naa cäänö naa lämö naa køpa raay 'moa ki mo jø powa ma jø Icriel, naa peedha kwac mara nyïm Wuuö Jwøk, Jwøk mara, kiper thuur mar Øt Jwøk na en kur keere,

Daniel 9:4

Aana lämö jï Wuuö Jwøk, Jwøk mara, ni køba raay jïre ni kööa, ni «Wui Kwäärö Wuuö Jwøk, ï na Jwøa dwøŋ ni wø lwäärö ki eni, ï ni wø gwøk luumma tuutï, ki mëër man wø ba jøøl, ni tuutï ka jø wø mëër ki ïïni, ni wø gwøk ciik moï,

Daniel 9:5

waani, waana gaa wøk, ni bääcwa ni tïïwa ki raay, ni gëëmwa, ni løøwa ŋäthwa baŋ gïïa cemï ki ciik moï.

Daniel 9:8

Wui Kwäärö Wuuö Jwøk, waani marwa beeye lään wïc møn, wa ki nyeye mowa, ki kwääri mowa, ki wëëkwa, kiper waana bääyö dëërï.

Luk 18:7

?A Jwøk nø, jiye na jiere ba ŋunne, jø wø jwöŋi ïthe ki wärre ki cääŋŋe? ?Dëëre gaale gaalø ki gïrge?

Luk 2:37

Ni bëëde na cï thøø këël mana thöödhe ki cwiiri ma pïërabära kurŋween. Ni eni kär dak yi kal mar Øt Jwøk Mana Dwøŋ. 'Ba bëëdö ni lämö ni wödö, ni wøøra Jwøk ki wärre ki cääŋŋe.

Epeca 2:3

'Ba gïïögø bëët, øøna kwøŋ bëëtö yïthge na bëënnø japa reyø na many cwïnynyø, na caadhø køør gïï wø many dëëlli ki cwïny, ni bëëdø ni øøna jø raay kaamar jøw bëët, ni wëëc Jwøk ena bäätø.

1 Timöthi 5:5

'Ba dhaaŋ wø näk cï thøø møn, ni dööŋŋa eni keere, wø ŋäätha Jwøk møn, ni put bëëtö ni kwaaya Jwøk cooth, ni lämö ki wärre ki cääŋŋe.

2 Timöthi 1:3

Jwøk apwøa, eni na tïnynya ni cwïnya leer bäre, kaawat mana tïïc kwäya, kany wø caara gïrï cooth yïth laam 'moa.

1 Jøøn 1:9

'Ba ni näk mo ø bëëdö ni ø køpa raay moø, mare beer ni dwøre ba dak. Eni raay 'moø owiie, ni peny øøni yïth gïïa ba beyø bëët.

1 Camiel 15:11

ni «Cwïnya apädhö kiper mana tïïa Cøøl na nyeya, kiper ena gaa wøk ki man cäädhe køøra, ni käre ciik 'moa kïth bäät tïïc.» 'Ba Camiel awëër døc kiper gïna wïnynye na tïïc Cøølli, ni jwöŋe dëër Wuuö Jwøk ki yi wäär bäre.