Neemiya 1:5 - Wëël Jwøk

⁵ Ni kööa, ni «Wui Wuuö Jwøk, Jwø maal, a kwaya ïïni, ï na Jwøa dwøŋ ni wø kwany dëëlli ki eni, ï ni wø gwøk luumma tuutï ki jø wø mëër ki ïïni, ï ni wø nyooth mëër man wø ba jøøl jïge, ge ni wø gwøk ciik moï.

Neemiya 1:5 Iomraidhean Croise

1 Nyeye 8:23

Ni kööe, «Wui Wuuö Jwøk, Jwø Icriel, bäŋ Jwøk mo caala ïïni maalø wala bäät piny, mo luumma tuude ki jiy ee gwøø, ni nyooth mëër mare ni wø ba jøøl jï jiye mo wø tïïö ka adïëri nyïme ki cwïnyge bäre.

1 Luup Nyeye 17:21

Bäŋ wï jur bäät piny kany mo caala jiyï ma jø Icriel, jøøa wïïlï wøk na tïïyï na jiyï, ni tïïyï nyeŋŋï nee wïnye ki køør jammi moa døøŋŋø mo di lwäärö na tïïyï, ni riemï wïth juurre wøk nyïmge, kanya kälï ge wøk ki Ijep.

Edhera 1:2

ni «Man beeye dwør Kiröc nyeny Parca, ena köö, ni ‹Wuuö Jwøk, Jwø maal, mïëri moa en bäät piny bëët anø cïbe jïra, ni nø tïïc aani nee eni gëënna ki øtø yi Jerucalem, na en Juuda.

Neemiya 2:4

'Ba nyeya aköö jïra, na «?Agïnaŋø ni manynyï?» Køøre aana lämö jï Jwø maal.

Neemiya 4:14

'Ba kanya nø raŋa bëëtö, aana ö maal ni cääna ki jøøa kwörge døøŋŋø ki jø kööre, ki jiy møga bëët, ni kööa, ni «Käru lwäyö ki geni, 'ba bëëdu nou lääŋŋa Kwäärö Wuuö Jwøk, eni na dwøŋ ni wø kwany dëëlli ki eni, ni këëdu kiper jø pou, kiper wäätu, ki nyïïu, ki määru, kiper uudi mou.»

Neemiya 4:8

Ni ö geni bëët ni putge tudö ki luubö nee öge nee këëtge ki jø Jerucalem, ni ge tïïya gø nee Jerucalem bëëde ni yie do okiera.

Neemiya 9:32

«'Ba ennø, ï na Jwøk marwa en, ï na Jwøa dwøŋ na teek, ni wø kwany dëëlli nyïme, ni wø gwøk luum mëër mana näk ba jøøl na tuude, gïï ni wø tägi ni leth ii, kär nëënö jïrï kaamar nyi gïn mo thiinh jaak, ni beege gïïa tägö dëëtwa, ki dëët nyeye mowa, ki dïbwöthe mowa, ki dïlämme mowa, ki nyïïkuk Jwøk mowa, ki kwäcwa, ki jiyï bëët, ni beeye ki mana täge ki ri nïr nyeye mo jø Aciria këël dïcäŋi en.

Bwøth Wøk 20:6

'Ba jø wø mëër ki aani ni wø gwøk ciik 'moa, mëëya ni wø ba jøøl nyoodha nyoodhø jïge, këël mano pïïe ri jiy ma kum kum.

Tiet Ciik 7:12

«'Ba gïno tägi, ni näk ciik moi leŋu leŋø, ni gwøgu geni ni kïthu geni bäät tïïc, Wuuö Jwøk na näk Jwøu luumma tuude na kööŋe ki gø jï kwäyu, ki mëëye ni wø ba jøøl, gwøe gwøø kiperu.

Tiet Ciik 7:21

Kär dëëtu kwanynyi ni maru lwäär ki geni, kiper Wuuö Jwøk na näk Jwøu nutö buutu, ni beeye Jwøk mo dwøŋ mo di lwäärö.

Tiet Ciik 7:9

Kiper manøgø nø, wär ŋäyu ni Wuuö Jwøk na näk Jwøu beeye eni na Jwøk keere, ni ena Jwøk mo maar ka ŋääth; ni luumma tuude, ki mëëye ni wø ba jøøl, bëëdö ni gwøe gwøø ki yïth beenhnhe ma kume mo ba løny ki kwaan jï jø wø mëër ki eni ni wø gwøk ciik moe.