Neemiya 1:4 - Wëël Jwøk

⁴ 'Ba aani kanya wïnynya luupögø, aana put pï piny ni jwöŋa, ni bëëda ki nïne naa kïmmö, naa wödö ki cam, naa lämö nyïm Jwø maal.

Neemiya 1:4 Iomraidhean Croise

2 Camiel 12:16

Kanyøgønø, Deebit Jwøk akwaaye kiper täw nyilaal; 'ba Deebit aput kweer ki cam, ni but piny yïth ŋøøm jaak ki dïwäär bäre.

2 Nyeye 22:19

ni ‹Kiper mana päth cwïnyï ni dwøgï dëërï piny nyïma kanya wïnynyï luup 'moa mo jääla Jerucalem ki ge ki jø wø bëëdö yie, ni ge tïmö ni gena jøw mo cwïny pädhö ki gïrge ni geno nipäät, ni jeeyï abïïgï ki pänh cwïny, ni jwöŋï nyïma, ka adïëri møn, a na Wuuö Jwøk, oduuru marï awïnynya.

2 Luup Nyeye 6:13

'Ba eno nø tïïö ki thudhi mo tïïc ka nywïënyö ma jwïël, mo bär mare beeye gööye abïïc, ni dööŋ yie beeye gööye abïïc, ni bär mare mar maal beeye gööye adäk, ni ee tïï dï kal. 'Ba ena cuŋŋö bäät gø, ni put cøŋŋe këël piny yie nyïm acooŋ jø Icriel bäre ni thaaŋ ceŋŋe maal.

Edhera 1:2

ni «Man beeye dwør Kiröc nyeny Parca, ena köö, ni ‹Wuuö Jwøk, Jwø maal, mïëri moa en bäät piny bëët anø cïbe jïra, ni nø tïïc aani nee eni gëënna ki øtø yi Jerucalem, na en Juuda.

Edhera 10:1

'Ba kanya bëët Edhera ni poot lämö ni eni køpa raay, ni eni jwöŋö ni dëëre ee leeŋ piny nyïm Øt Jwøk, jiy mo thööth, ni beege cwøw ki mään ko obwöre mo käla røk jø Icriel, dëëtge acooŋge buute, ni jwöŋge døc ni yïthge ege keeyø.

Edhera 9:3

'Ba kanya wïnynya gïnögø, aani abïïna ka aleeŋŋa mara ajeeya, ni ö jïëc wïïa ki jïëc tïïa ni nywaada ge piny, ni pïïa piny ni yia othäŋŋö.

Edhera 9:5

'Ba kanya tïme na kany wø cïp olämi mar abøøya yie, aana ö maal ki kanya bëëda yie ni cwïnya opädhö, na abïï mara ka aleeŋŋa mara na jeeya poot ena dëëra, ni këëlla cøŋŋa piny ni thaaŋa ceŋŋa maal baŋ Wuuö Jwøk, Jwøk mara,

Neemiya 2:20

'Ba aløøa jïge ni kööa, ni «Jwø maal tïïc marwa wëëge thur kare; kiper manøgø nø, wa na jiye, wa ööa maal ni putwa gëëdö møn. 'Ba uuni, bäŋ karu kany, ni bäŋ gïn mou cäänö kipere; uuni, bäŋ gïn mo ŋäc kiperu Jerucalem kany.»

Neemiya 2:4

'Ba nyeya aköö jïra, na «?Agïnaŋø ni manynyï?» Køøre aana lämö jï Jwø maal.

Daniel 10:2

Kar kaaca, a na Daniel, aana bëëdö naa kïmmö ki juu adäk.

Daniel 2:18

kiper nee met yi Jwø maal pëënyge kiper gïnögø ni tiere okanø enø, nee eni na Daniel ki nyïïawäätge nee ba 'näk na aciel ki jø Babiløn moa nyeŋge reegø moøgø.

Daniel 9:3

Kanyøgø nyïma aputa løø baŋ Kwäärö Wuuö Jwøk ki lam, naa manynya eni ni mara kwac, naa lämö ki lam wödö ki cam, naa käära keece na abïïe, naa bëëdö yi bur.

Joona 1:9

Ni løk gø jïge, ni «Aana nyï Ibaru, naa bëëdö naa lwäära Wuuö Jwøk, Jwø maal, eni na cwääc naama dwøŋ ki ŋøøm.»

Jepaniya 3:18

Wuuö Jwøk aköö jï jø Jerucalem, ni «Kïmmö maru kiper ajwöm mo wø wøørru, käla wøk bäätu; atïmö na tëër bäätu ni känne ki laac wïc bäätu.

Wëëlö Mana Göör Pøølli Baŋ Jø Röm 12:15

Yïthu mïnge ki jø wø yïthge met. Ni jwöŋu ki jø wø jwöŋi.