Neemiya 1:2 - Wëël Jwøk

² coka ma Anani, na dhaanhø aciel røk nyïïmera, ki jiy møøk mo cäädhi ka eni, gena öö ni ge käla Juuda; ni pëënynya geni kiper Jerucalem ki jø Juuth moa näk kär maaø ki tøŋ na no odööŋ ni kwøw.

Neemiya 1:2 Iomraidhean Croise

Wïlöölö 14:10

'Ba yi gool mar Cidim da aguule mo thööth mo päŋ ko odhöönh mo nwaaŋ. Kanya ö nyeny Cødam ki nyeny Gømöra na bwøkge, gena reeŋø ni päthge yïth aguule. 'Ba moa bøth areeŋø ni pïïcge bäät kïte.

2 Nyeye 24:14

Ni ö eni thuwø ni käl jø Jerucalem bëët, ni beege kwääc jø leny bëët, ki jø mo kwörge døøŋŋø bëët, ki rëëmme bëët, ni bäŋe jiy mo ee wiiø; ni jøøgø bëët jïtö ki kar kume apaar; 'ba beege jøøa can døc keerge na bëëdö yi ŋöömmögø na wiie.

2 Nyeye 25:12

'Ba kwääy jø koor, jiy møøk moa can døc na en yi ŋöömmögø awiie na jø piith omøki na jø puur pwöth.

Edhera 9:14

?A ennø, ciik moï cäŋwa ka kaallø, ni nywømwa dëëtwa ki juurre moøgø ni wø tïïö ki gïïögø ni raac eci ki ge yøø? ?A ïïni, ï ba wëër ki waani ni raanynyï wa këël mano tïme ni bäŋ dhaanhø mo dööŋ wala mo bøth?

Neemiya 7:2

aani coka ma Anani, ka Ananiya, ŋat wø en kwör gwøk røk cere, gena kwanya nee Jerucalem bëëde ni ena ceŋge; kiper Ananiya beeye dhaanhø mo oŋäädhö, na ŋat mo lwäär ki Jwøk ni kaala jiy mo thööth.

Jeremaya 44:14

'Ba ki røk jø Juuda moa dööŋ na aay nee bëëtge Ijep, bäŋgø mo bøth, ni bäŋgø mo dööŋ ni kwøw mo døøa yi ŋööm Juuda mana manyge ki cwïnyge ni ge døøa yie nee bëëtge yie. Geni, bäŋgø mo døøk, 'ba beege mo nøk keerge noo døøk.»

Edhikiel 6:9

'Ba jiy moo bøth, wïthge oparge ki aani kanyo enge yïthakic wïth juurre moa mak geni ki tøŋ. Geni wïthge oparge ki kanya bëëda ni cwïnya ege raanynyø ki køør mana bëëtge ni cwïnyge lääŋŋa käp, na pää geni ki aani, ki køør mana bëëtge ni nyeŋge ege peerø køør käp mana wara tïïcge ki kït gïï wø lamge. 'Ba geno männi ki dëëtge keerge ki køør japa reyø na bacge, ki japa näk yia raac ki ge bëët na tïïcge.

Edhikiel 7:16

'Ba moo bøth ki thøø noo reŋi, geno tïmö ni ge bëëdö bäät kïte, ni ge jwöŋö kaamar akuyi yïth aleye, ni ŋati man nø jwøga raay moe.