Neemiya 1:11 - Wëël Jwøk

¹¹ Wui Kwäärö Wuuö Jwøk, a kwaya ïïni, beerra man cegï ïthï ki lam mara, a na dhaanhnhï en, ki lam mar jiyï mo wø bëëdö ni yïthge met ki man wøørge nyeŋŋï; ni wëëgï gïna many dhaanhnhï thur kare dïcäŋi ki køør mano nyoothï mëër jïre nyïm nyeya ma Arthëkcic.» 'Ba aani, a bëëdö ni aana kwääy mar nyeya.

Neemiya 1:11 Iomraidhean Croise

Wïlöölö 24:42

«Ni beeye tiere ennø ni ööa bäät iith dïcäŋi en, ni kööa, ni ‹Wui Wuuö Jwøk, Jwø kwääya ma Eeberam, ni näk mo tier gïna ööa kipere wëëgï thur kare nø,

Wïlöölö 32:11

Ennø, a kwaya ïïni, Awuuö Jwøk, naa kønyï ki man wëëgï aani bødhø cer coka ma Icøø, kiper aana lwäyö ki gøøni, kiper kanymør eni öö jaak ni tuk aani ki mään ko obwöre.

Wïlöölö 32:28

Ni kö ŋatøgø, ni «Nyeŋŋï ba cwøl ni Jeekap këët, 'ba ocwøl ni Icriel, kiper ïïna ŋäbö ki Jwøk ni ŋäbï ki jiy thuwø, ni tïme ni käädhö ïïni.»

Wïlöölö 40:1

Kanyøgøøni na tïme na køør gïïögø bëët, ŋata bëëdö na nyikeenø mar nyeny jø Ijep ki ŋata bëëdö ni tïï dääpe mo nyeya ena cere, gena bääyö dëër kwääcge ma nyeny jø Ijep.

Wïlöölö 40:2

Køøre Peerø nyeny Ijep agootø ki geni karge riet, ŋata bëëdö ni nyikeenø ki ŋata en tïï dääpe cere,

Wïlöölö 40:21

Ni dwøk ŋata bëëdö na nyikeenø kar tïïc mare, ni ö eni ni cïp ogubayu cer Peerø.

Wïlöölö 40:23

'Ba ŋata bëëdö na nyikeenø wïïe käre parø ki Jocep. Eni wïïe awïl ki gø.

Wïlöölö 41:9

Køøre ŋata bëëdö na nyikeenø, ena köö jï Peerø, «Aani bääyö mara acaara dïcäŋi.

Wïlöölö 43:14

Beerra man ö Jwøki na en teeki jïre ni døøc yi nyenøce mo met ki uuni kiper nee owääu ma Cimien jääŋŋe ki uuni ki Benjamen na aciel. 'Ba ni näk wääta othøw, aano tïmö naa bëëdö ka bëët ränynyö jaak.»

2 Luup Nyeye 6:40

«'Ba ennø, ï na Jwøk mara, a kwaya ïïni, beerra man räŋŋï ni cegï ïthï ki lam man wø lam kany.»

Edhera 1:1

'Ba na tïme na yi cwiir mana dïkwøŋ mana beet Kiröci nyeny Parca yi Babiløn, Wuuö Jwøk kiper nee luubö mana caane ki dhi nyikuŋ Jwøk ma Jeremaya thur kare, eni yi Kiröc nyeny Parca atheŋe, nee jääk dï paac mare bäre ki dwøl, ni dwøl manøgø thuwø, ogöör piny na ennønø:

Edhera 7:6

Edhera manøgø atïŋŋö Babiløn ni cøøa Jerucalem. Eni, ena dïpööy, mo ciik Modhe na cïp Wuuö Jwøki, Jwø Icriel, ee kwanyø døc. Køøre nyeya jammi moa many Edhera bëët acïbe jïre, kiper Edhera cer Wuuö Jwøk, Jwøk mare, ena bääte.

Neemiya 1:6

Ennø, beerra man raŋï aani, ni cegï ïthï ki lam mara, a na dhaanhnhï en, ni beeye lam mara man läma ki gø nyïmï en ki dïcäŋ ki wäär, kiper jiyï ma jø Icriel, naa køpa raay moge moa bacwa dëërï; aani ki jø dhi øt kwäya waana bääyö dëërï.

Neemiya 2:1

'Ba na tïme na køør dwäde aŋween, ni poot na ri cwiiri moø ni pïërariiø yøø, moa beet Arthëkcici ni ena nyeya, yi dwääy mana cwøl ni Nican, kanya käl køøŋø jï nyeya, aani køøŋø alwøra ni gaba gø jï nyeya. 'Ba ki mana bëëda cøøn, a käre joodø nyïme ni cwïnya opädhö.

Neemiya 2:8

Aani, a wär göönni thuwø ki wëëlö nee cïba jï Acaap, ŋat wø koor lul mar nyeya, kiper nee eni cïpe jïra ki jenni mo dhøgi mo kiir mo kar gwøk røk na en buut Øt Jwøk, ki jenni mo kiir mar pääny, ki jenni mo øtø mano bëëda yie.» 'Ba nyeya gïïa pëënynya acïbe jïra, kiper Jwøk mara cere na beer ena bääta.

Pwöc Leec Wïc 1:29

kiper mana bëëtge ni ge män ki kwänynyö, ni kärge jöö man lwäärge Wuuö Jwøk ki gø jierø.

Pwöc Leec Wïc 21:1

Acaare mo wø en cwïny nyeya ena cer Wuuö Jwøk, ni løny jï Wuuö Jwøk ki man bwøth geni ni caala man wø bwøth pïï ki jöörge.

Jeremaya 42:12

Aani thuwø, mëër mara nyoodha nyoodhø jïïu, nee eni na nyeny Babiløn mëër mare nyoodhe jïïu, ni dwøk uuni yi ŋöömö maru.

Milkiya 3:16

Køøre jøøa lwäär Wuuö Jwøk gena cäänö yïthakicge keerge, ni ö Wuuö Jwøki ni cek ïthe ni wïny marge. Ni ö wëëlö ni gööri nyïme kiper jøøa lwäär eni na wøør nyeŋŋe, nee bëëtge ni ge di lääŋŋö.

Ibaru 13:18

Lämu kiperwa. 'Ba ŋäcwa ni cwïnywa leer, ni wa manynya man bëëtwa ki bëëtö mana näk adïëri ki yïth jammi bëët.