Neemiya 1:1 - Wëël Jwøk

¹ 'Ba moi beege luup Neemiya wär Akaliya. Kanya tïme na ri cwiiri ma pïërariiø moa beet Arthëkcici ni ena nyeny Parca, yi dwääy mana cwøl ni Kiclep, ni aani na Neemiya, a ena paan dwøŋ yi pääny mana cwøl ni Cuca,

Neemiya 1:1 Iomraidhean Croise

Edhera 10:9

Kanyøgø jø tuuŋ Juuda bëët ki jø tuuŋ Benjamen bëët rege acooŋge Jerucalem ki yïth nïne adäk. 'Ba kanya tïm nïr dwää abïŋweenni na pïërariiø, jiy bëët apï piny kanya leer nyïm Øt Jwøk. 'Ba kiper teek mar acooŋa manøgø, ki køth mana päth bäätge, dëëtge atïmö ni kwanynyi.

Edhera 7:7

'Ba jø møøk røk jø Icriel, ki dïlämme møøk, ki jø dhi øt Libay møøk, ki jø møøk røk jø wø wär ki dudi Øt Jwøk, ki jø møøk røk jø wø koor dhøk kal mar Øt Jwøk, ki jø møøk røk jø wø tïïc tïïe moa therø Øt Jwøk, gena ci Jerucalem ki Edhera na aciel kanya tïme na ri bïriet cwiiri moa beet Arthëkcic ni ena nyeya.

Neemiya 10:1

'Ba jøøa näk nyeŋge ogöör piny bäät wëëlö manøgø no omwönö enø, beeye kwäärö mar paac ma Neemiya wär Akaliya, ki Cëdëkiya.

Neemiya 2:1

'Ba na tïme na køør dwäde aŋween, ni poot na ri cwiiri moø ni pïërariiø yøø, moa beet Arthëkcici ni ena nyeya, yi dwääy mana cwøl ni Nican, kanya käl køøŋø jï nyeya, aani køøŋø alwøra ni gaba gø jï nyeya. 'Ba ki mana bëëda cøøn, a käre joodø nyïme ni cwïnya opädhö.

Neemiya 5:14

Maya thuwø, ki mana täge ki dïcäŋa kwany aani yie ni aana kwäärö mar jøøgø yi ŋööm Juuda, kanya tïme na ri cwiiri ma pïërariiø këël mana këët ri cwiiri ma pïëradäk kurriiø moa beet Arthëkcic ni ena nyeya, yïth cwiiri moø na apaar kurriiø yøø, aani ki jøøa käärwa tïïc ki geni wa kär cwötö ki cam man wø cïp jï kwäärö cooth ki yïth nïne bëët.

Acther 1:2

ni eni ena bäät wälu mare paan dwøŋ yi pääny Cuca, na näk pääny mana dwøŋ mar ŋööm Parca.

Acther 3:15

'Ba ki køør mana caan nyeya, jø wø rwäänhnhi weeli moøgø akälge ni keethge ge tiet mïëri bëët. Ni ö awaaci manøgø ni tïï ni ŋäc bäre yi pääny Cuca paan dwøŋ. Ni nyeya ka Amaan gena pï piny jaak ni ge mädhö; 'ba jø pääny Cuca bëëdö ni wïthge rege noodø ni ŋëëtge ogäŋ.

Daniel 8:2

'Ba kanya bëëda naa raŋŋa gïna nyooth ki yi wïïa, ajooda naa ena yi kiira näk ogeerø ni teek yi pääny Cuca na en po jø Ilam, ni kanya raŋŋa gïna nyooth ki yi wïïa, ajooda naa ena deŋ naam man wø cwøl no Ulay.

Dhekaraya 7:1

'Ba kanya tïm cwïïc Dariöc na aŋween bäät nyec, dwør Wuuö Jwøk aö bäät Dhekaraya ni nïr dwää abïŋween aŋween, ni beeye dwääy mana cwøl ni Kiclep.