Milkiya 1:4 - Wëël Jwøk

⁴ Kanymør jø Ëdöm köö, ni «Powa oraanynyø; 'ba waano duui ni cäŋwa kwöra no oränynyö geerrø.» 'Ba Wuuö Jwøk, eni na wïth jammi bëët, aköö, ni «Këël ge doo gëëdö, poot nyaa piny. Ni ö jiyi ni cwølge kaace ni po jøøa reyø, ni beege jøøa wëër Wuuö Jwøki ki geni na bäre bäre.

Milkiya 1:4 Iomraidhean Croise

Jööp 12:14

Ka adïëri møn, eni gïn mo ee toor piny, ba løny ki man cäŋi geerrø; ni dhaanhø mo ee twöö, bäŋ ŋat mo päta gø.

Jööp 34:29

?'Ba ni näk mo eno lïŋö, aŋa noo köö ni eno bääyö? ?A ni näk mo täärnyïme ee kanø, aŋa noo joot gø? Eni, jiy ki wïth juurre bëët ena tiere,

Jööp 9:4

Jwøk wïïe leer døc ni teek mare okadhø. ?Aŋa ni cäänö ki gø ni waŋe teek, ni bäŋ gïn mo tägi dëëre?

Dut Pwøc 127:1

Pwöc Leec Wïc 21:30

Leec wïc ki ŋäc tiet luup ki pwöc, bäŋgø mo kaala Wuuö Jwøk.

Aydheea 10:4

'Ba mano dööŋ keere nø, beeye ki man boothu nyeŋŋu yïthakic jø omak ki tøŋ, ni 'näk uuni yïthakic jiy mo othøw. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Aydheea 11:14

'Ba geni bëët geno løøc piny baŋ jø Pilitin, ni läätge bäätge jï løø kur pänh-cäŋ. Dëëtge odwalge ni twierge jiy mo wø en jï løø kur tuul-cäŋ, ni tïm jø Ëdömmi ki jø Möap ni ena tietge, ni tïm jø Amönni ni bëënna geni.

Aydheea 34:10

'Ba maac manøgø obëëdö ni liel ki wäär ki dïcäŋ, ni ba løny ki bïp; ni bëët jïye ni cøøa maal ni ba cuŋ. Maac manøgø bëëdö ni ba thøw këël mano këët ri beenhnhe moo ööi bëët, ni bäŋ ŋat mo pöödhö ki yi ŋöömmögø na bäre bäre.

Aydheea 34:5

'Ba Wuuö Jwøk, kanyo thöör tïïc mare maalø, ka adïëri møn, opëëllö mare owëëk ööny piny bäät ŋööm Ëdöm ni jääl gø, ni beege jøøa näk ee nø jiiŋŋø ki man raany ge bëët.

Jeremaya 31:17

Ni ö ŋäädhe maru ni thur kare yi nyïme, kiper jø pou oduu yi ŋöömö mana näk thööŋge.

Jeremaya 49:20

Kiper manøgønø, wïnynyu gïno tïïc Wuuö Jwøki, ni beeye acaara mare kiper gïno tïïe dëët jø wø bëëdö Tëman ki dï Ëdöm bäre: Ka adïëri møn, obwöre moa therø na en dïge otuut wøk, ni tïm cwïny jiy ni böö ki gïno tägi dëëtge.

Jeremaya 49:7

'Ba man beeye luumma caan Wuuö Jwøki, eni na wïth jammi bëët, kiper Ëdöm, ena köö, na «?Aŋø, bäŋ jiy mo wïthge leer këët Tëman? ?Aŋø, pwöc atïmö ni bäŋgø baŋ jøøa nyeŋge reegø? ?A leec wïc marge aränynyö?

Jeremaya 49:8

Wui, u ni wø bëëdö Didan, u døøa ŋäthu, ni reŋu, ni kanu rou yïth uut kïte, kiper gïn mo leth mano käla bäätu, u na nyïïkwaac Icøø kanyo jääla nyïïkwaac Icøø bëët.

Jeremaya 5:17

Beel ki caammi mou otwierge ni thöörge geni; wäätu ki nyïïu onäkge ni thöörge geni; dïëk mou ki dhäk mou oŋaalge ni thöörge geni; omøki mou ko olämmi mou oraanyge ni thöörge geni; ni raanyge päänye mou moa no ogeerø ni teek ni wø ŋääthu yøø.

Wëël Kïmmö 3:37

?Aŋa ni løny jïre ki man cääne, ni thur gïna caane kare, ni näk mo kär caan Wuuö Jwøki?

Edhikiel 11:10

Uuni, u di nääö ko opëëllö; aani u jääla jäälö dï ŋööm Icriel bäre. Kanyøgønø ŋäyu ŋääö ni bee aani na Wuuö Jwøk.

Edhikiel 25:13

Kwäärö Wuuö Jwøk luumma caane kiperge bee en, ena köö, ni ‹Aani cera tïŋa maal bäät ŋööm Ëdöm ni jääla gø, ni nääa jiy moe ki lääc paac moe, ni wëëga gø ränynyö. Geni, ge di nääö ko opëëllö, ni beeye ki mano täge ki pääny Tëman këël mano këët pääny Didan.

Edhikiel 25:14

Kwör coola coolø dëët jø Ëdöm ki ri jiya ma jø Icriel, ni tïïcge gïnögø dëët jø Ëdöm ki køør wëër mara ki gootø mara. Køøre nø, putge ka ŋäc ni manøgø bee cool kwör mara. Luummögø caana aani, a na Kwäärö Wuuö Jwøk.› »

Edhikiel 26:14

Ïïni, ï tïïa tïïö kaamar kïdi ma caanynya, ni putï tïmö na kar määc ka ajääpi. Ni ba geer ïïni këët na bäre bäre; kiper luummögø anø caana, a na Wuuö Jwøk.› Luummögø caana Kwäärö Wuuö Jwøk.

Edhikiel 35:4

Aani, päänye moï wëëga ränynyö, ni dööŋï ni bäŋ gïrpiny yiï. Køøre nø, ŋäyï ŋääö ni bee aani na Wuuö Jwøk.

Edhikiel 35:9

Ïïni, ï tïïa tïïö niï dööŋï ni bäŋ gïrpiny yiï na bäre bäre; ni ö päänye moï ni ba beedi këët. Køøre nø, ŋäyï ŋääö ni bee aani na Wuuö Jwøk.

Amøc 1:11

Wuuö Jwøk aköö na ennø, ni «Kiper mana ö jø Ëdömmi na kaathge bääyö marge, a ba døø ŋääa ki man jääla geni, kiper na ŋwiecge køør nyïïmëëkge ma jø Icriel ki tøøŋi, ni wecge bäth cwïny mana dege tïïö. Ni ö wëërri marge ni pälle, ni bëëde ni nut cooth.

Amøc 3:15

Ni raanynya uudi moa en paac ki moa en gool bëët, ni ö uudi mo oŋwagø ki lak lïëy ni raanynyi, ni ö uudi moa døøŋŋø ni nyaai piny.» Beeye Wuuö Jwøk ni cäänö enø.

Amøc 5:11

Jøøa can wø thielu piny, ni jwägu geni ki beel. kiper manøgø nø, këël na gëënnu dëëtu ki uut kïte mo mïërö, u ba bëëdö yïthge; këël na pïïdhu ki jer omøki mo mïërö, u ba mädhö ki kwøk nyïïomøki moøgø.

Amøc 6:11

Adïëri møn, Wuuö Jwøk mare di caanø, ni ö uudi moa døøŋŋø ni nyaa ge piny, ni raany uudi moa therø.

Amøc 6:2

Cou ni pööthu Kalnë ni raŋŋu gø; køøre nø, wäru cou Amath paana dwøŋ, ni putu løøc piny yi Gëth po jø Pilitin. ?Aŋø, kadha geni ki jøøi ni en kany ii? ?Wala thöötha ŋøøm moge ki mou?

Obadiya 1:1

Man beeye luumma nyooth jï Obadaya, ni beeye gïna caan Kwäärö Wuuö Jwøk kiper jø Ëdöm. Da luubö ma awïnywa ki baŋ Wuuö Jwøk, ni da dhaanhø mo ojääŋŋö baŋ wïth juurre, mo käära dwøl mo köö na ennø nø, ni «Ööu maal ni cøø baŋ leny ki jø Ëdöm!»

Obadiya 1:10

Kiper gïna leth na tïïyu dëët nyïïmëëgu ma nyïïkwaac Jeekap, otïmö ni käla lään wïc bäätu, ni raany uuni na bäre bäre.

Milkiya 1:3

ni männa ki Icøø, ni raanynya poge na en bäät kïte, ni wëëga wï poge dööŋŋö jï othööe na näk lääc paap.»

Mathiew 12:30

Ŋat wø ba en kura, eni män ki aani, ni ŋat wø ba cuuŋö ki aani, mare beeye keth.