Mikiya 7:9 - Wëël Jwøk

⁹ Waana bääyö dëër Wuuö Jwøk møn; wëër mare bëëdö ni ena bäätwa këël kanyo pïëme kiper luubö marwa, noo këël tier adïëri marwa piny. Eni wa käle wøk ni bëëtwa yi tar, ni jootwa adïëri mare.

Mikiya 7:9 Iomraidhean Croise

2 Camiel 24:17

'Ba kanya ö Deebiti na joot nyïïatwiel maal mana 'näk jiy, ena lämö jï Wuuö Jwøk ni kööe, ni «Ka adïëri møn, beeye aani na bääyö, na tïïc gïn mo raac. ?'Ba jiy moi ni caal rööm ii, agïnaŋø na baacge? Wui Wuuö Jwøk, beerra man tïm cerï ni ena dëëra ki jø dhi øt wära.»

Jööp 23:10

'Ba eni uutjïëthe mo wø caadha bëët ŋääe, ni kany wø pääny aani, a tïmö naa paŋŋi kaamar warkey mo okïth yi maac.

Jööp 35:14

A ïïni nø, ï na Jööp, dwørï owïny Jwøki nidïï, ni kööï ni eni kärï joodø en, ni luubö marï ena nyïme niï koora eni!

Dut Pwøc 43:1

Aydheea 42:16

Cööye bwødha bwødhø ki waŋjöö mo kucge, ge pieya pieyø ki nyeŋ jïëthe mo kucge. Muudhö tïïa tïïö na tar nyïmge, ni ö kwöra gwalli øtjöö ni tïïa ge ni pøøth. Gïïögøøni beege noo tïïa, ni ge ba wïïa jaak ni kära tïïö.

Aydheea 42:7

nee nyeŋ cööye japï, nee jiy moa no otwöö uut tööc nee ge pätï, ni beege jø wø bëëdö kwör tööc moa cøl yi muudhö.

Aydheea 46:13

Adïëri mara nyïïa kany mo cään, ni kare ba bäär këët. Pïëm man piema jiy ki gø ba ruu. Pïëm man piema jiy ki gø kïtha yi Dhayan, ni nyoodha ajiem mara jï jø Icriel.

Aydheea 51:22

Man bee gïna caan Kwäärö Wuuö Jwøk, Jwøk maru, eni ni wø bëëdö ni pïëmö kiper jiye, ena köö, ni «Ka adïëri møn, aani, athöönh wëër mana cïba jïïu, na tïïc uuni nou bøømmø, akäla wøk ceŋŋu, nou ba cäŋ mäthö ki gø këët na bäre bäre.

Aydheea 56:1

Man beeye luumma caan Wuuö Jwøki, ena köö, ni «Tïïyu ŋøl ma kare, ni tïïyu gïn ma adïëri, kiper pïëm mara man piema jiy ki gø aløny ni öö, ni bëënynyö mara oløny ni kare cään ki man nyoodhi.

Jeremaya 10:19

Wui, atïmö ni leth jïra kiper ŋwiili moa jwøra! Atwøt 'moa bëëdö ni ba caŋŋi. Køøre aana köö, ni «Ka adïëri møn, täw man apïï dëëra, 'ba käära käärö jaak.»

Jeremaya 14:7

Wui Wuuö Jwøk, këël na bëët raayi mowa ni nyootha bääyö marwa, køny waani ki køør nyeŋŋï. Waani møn, gïïa gaawa wøk ki ge thööth, ni wa bääö dëërï.

Jeremaya 51:10

« ‹Anyooth Wuuö Jwøki ni bäŋ ajäla bäätø; ööu, waa døø pøø ma Dhayan ni caanø gïna tïïc Wuuö Jwøki, Jwøk marø.›

Wëël Kïmmö 1:18

«Wuuö Jwøk mare beeye adïëri, kiper aana bëëdö naa gëëmö ki ciik moe. U na wïth jiy bëët, ennø, wïnynyu, ni neennu gïïa leth na jwøra. Jø leny 'moa moa dëëtge teek ki nyïïakuue 'moa, amak ki tøŋ.

Ciik Kiper Dïlämme 26:41

na tïïcge aani naa gëëma ki geni thuwø, ki man kïtha geni yi ŋööm nyïïmän moge; wala ni näk mo cwïnyge na näk kär daŋø ki man cïpge ge jïra, ege døøc mo mwöl, ni jïëcge gïïa bacge,

Milkiya 3:18

Køøre nø, ocäŋ tïmö ni løny jïïu ki man ŋäyu ŋata beer ki ŋata raac; këël ŋat wø tïny Jwøk ki ŋat wø ba tïny gø ŋäyu ŋääö thuwø.»

1 Körin 4:5

Kiper manøgønø, käru ŋut piny ni kanya wäŋŋi poodi, ni Kwäärö poot kär öö, ŋato wëëk jammi nëënne, moø no okanø yi muudhö yøø, ni nyooth tiet luup moa en cwïny jiy. 'Ba kanyøgø jiy bëët ojïti ki pwøc mano wëëk Jwøki geni.

2 Timöthi 4:8

'Ba køør man nø, Kwäärö, ŋata näk ŋøl mare adïëri, adun wø cïp jï jøøa beyø na kan kipera, omëëk aani dïcäŋöca. 'Ba ba mëëk a keera, 'ba omëëk jiy bëët mo wø mëër ki öönynye.

Mana Nyooth 18:20

'Ba ï na maal, yiï mïnne nø ki gïre, ki u na jø Jwøk, ki nyïïatwieli, ki nyïïkuk Jwøk, kiper kwöri mou acool Jwøki dëër paanøgø.

1 Camiel 24:15

'Ba Wuuö Jwøk na näk dïŋut luup, beerra man ŋøl luummögø yïthakiyø ki ïïni; ni ö eni ni neen tier luubö, ni ŋun aani, ni piem aani cerï.»

1 Camiel 25:39

'Ba kanya ö Deebiti na wïny gø ni Nabal athøw, ena köö, ni «Pwøc en jï Wuuö Jwøk, na ŋøl luubö na kare ki køør mana ö Naballi na jany aani. Beeye Wuuö Jwøk na koor aani, a na dhaanhnhe, ki man ba tïïa ki gïn mo raac. Wuuö Jwøk gïna raac na tïïc Naballi adwøk wï gø keere møn.» Køøre Deebit ajääk baŋ Abigël nee cäänö ki gø ki man tïme na dhaagø jïre.

1 Camiel 26:10

Køøre Deebit acäŋ köö, ni «Ŋëët Wuuö Jwøk na kwøw, ka adïëri møn, Wuuö Jwøk ni wø ŋøl luup, mare oŋøle bäät Cøøl; dïcäŋo thøøe yie opäŋ, ni put thøø, wala eni cøøa baŋ leny ni puti 'näk.

1 Camiel 3:18

Køøre Camiel luup bëët moa caan jïre aput caan jï Ëli, ni bäŋgø mo ee mooŋø. Køøre Ëli aköö, ni «Man beeye dwør Wuuö Jwøk møn; beerra man ö Wuuö Jwøki ni tïïc mana beer ki jïre.»