Mikiya 7:5 - Wëël Jwøk

⁵ Uuni, bëëdu ni bäŋ ŋat mo ŋääth ŋat atut mare, ni bäŋe ŋat mo ŋääth watge. Këël cïïï man wø bëëdï ki gø kiree, bëëdï ni dhiï iï gwøø ki eni.

Mikiya 7:5 Iomraidhean Croise

Jeremaya 9:3

Ni kö Wuuö Jwøki, ni «Jiya rege ege jiiŋŋö ki man caange luup tööt, ni paac marge käärge ka jöör cwøk, ni patha jöör adïëri. Kiper ge wø løøŋŋa bäät gïïa reyø, ni kweerge ki man ŋäcge aani, a na Wuuö Jwøk.

Jeremaya 9:4

Beerra man ö ŋati man nø ni gwøk ree ki wati; kär dee ŋat mo ŋääth coki, kiper cöögö man nø bëëdö ni cøøga coki, ni wat man nø wïïrö jaak ni waya nyeŋ wati.

Wëël Kïmmö 1:2

Eni jwöŋi ni keeya yie ki wäär cooth, ni bëët pï nyeŋŋe ni muulö ki pïte. Eni bäŋ cøm cwïny mo joode baŋ mïëri moa mëëre ki ge, ena nøøn mïëri bëët moa näk ee døøc nyïïawääte, ni tïmge na nyïïmän moe.

Mathiew 10:16

«Neennu, aani, a jääŋŋa u wøk kaamar dïëk mo ena dï kwäänynye. Kiper manøgønø, bëëdu ni nyeŋŋu reegø kaamar thwöre nou mwöl kaamar akuyi.

Pïëmme 14:17

Kanyøgønø, dhaaŋŋøgø ajwöŋö dëër Camcøn ki nïra näk abïriiø na beet ajwöma. 'Ba kanya tïme na ri bïriet nïne, Camcøn tier leer acaane jïgø, kiper mana ö dhaaŋŋøgø na cwaat yi gø døc. Køøre dhaaŋŋøgø tier leer aput caan jï jagøgø na jø poge yøø.