Mikiya 7:2 - Wëël Jwøk

² Kiper ŋat mo cwïnye ena køør Jwøk ba joot yi ŋöömö, ni bäŋ ŋat mo mare thïïŋ yïthakic jiy. Geni bëët, ge bëëdö ni ge kønynya rem jiy piny, ni ŋati man nø bëëdö ni dwara watge ka ajääp.

Mikiya 7:2 Iomraidhean Croise

Dut Pwøc 12:1

Pwöc Leec Wïc 1:11

Ni näk mo ge köö, ni «Waa cøø, nøø møørø piny øtjöö, nøø nääø ki jiy mo bäŋ gïn mo ege baaø,

Pwöc Leec Wïc 12:6

Luup mo jøøa reyø beege luup mo kønynya rem jiy piny, 'ba luup mo jøøa marge thïïŋ, jiy wø piemge piemø.

Aydheea 3:5

Ni tïm jiyi ni ŋati man nø watge thiele piny, ni ö ŋat atut man nø ni dïïm ŋat atut mare. Wøpe ge ööa maal bäät jø døøŋŋø, ni tïm ŋata no otaaø ni töödö bäät ŋata no owøørø.

Aydheea 57:1

Dhaanhø mo beer thøw ni bäŋ ŋat mo kwany tier thøø mare. Jiy mo bëëtge beyø di kälö ni bäŋ ŋat mo kwany tier gø ki man näk mo ge käl kaper nee ge pääge ki raay.

Aydheea 59:7

Tietu ŋwieya køør gïïa reyø, ni u wø lääta baŋ køny rem jøøa beyø piny. Acaare mou beege acaare mo reyø, ni uutjïëthe mo wø caathu bëët, u temma gïï mo leth ka aranya.

Aydheea 9:19

Piny waaŋ ki køør wëër mar Wuuö Jwøk, eni na wïth jammi bëët, ni tïm jiyi na jer maac mo liel maaci ki ge, ni put tïmö ni bäŋ ŋat mo cwïnye pädhi ki gïr watge.

Jeremaya 16:16

«Ennø, a na Wuuö Jwøk, a jääga baŋ jø maay mo thööth, ni maacge jiya kaawat man wø maac rec. Køøre a jääga baŋ jø dwaar mo thööth, ni dwarge jiya bäät kïte ki bäät thuuri ki kwöra näk gøøde yïth kïte.

Jeremaya 5:16

Geni, gena jiy mo 'näk jiy ka athëëre ŋäcge; ni gena jiy mo teek ki leny døc.

Jeremaya 5:26

Kiper jiy mo reyø dage yïthakiyu, u na jiya; ge wø kurö kaawat man wø ö dïcek wenynyi ni koorge abëëbe moge. Abëëbe moge wø cekge ciiø, ni ge maaŋŋa jiy.

Jeremaya 8:6

Aani, ïtha aciia ni wïnynya luup moge, 'ba ge cara luup mo patha adïëri. Bäŋ ŋat mo cwïnye opädhö ki bääyö mare, mo wïïe ee parø ki gïna raac na tïïe. ŋati man nø atïmö ni lääta køør gïï wø manynye kaamar okweeny mo lääta baŋ leny.

Wëël Kïmmö 4:18

Gena tïmö ni ge baya tietø kany wø cäädhø, ni dhäth wääthi jïïø ki uutjïëthe moø; aŋuun bëëtö marø kare acäännö, nïne 'moø athum, kiper aŋuun bëëtö marø aöö.

Edhikiel 22:12

Ni da jiy moï mo cïpö ki gwel ki piny kiper køny rem jiy piny. Ni ïïni gwel mo wø mac baŋï tïïyï tïïö nee duui jïrï ni da wïthge, ni gwet jø møøk kälï kälö ni marï twëër, niï bëëdö ni wïïï owïl ki aani.› Luummögø caana Kwäärö Wuuö Jwøki.»

Edhikiel 24:6

«Kiper man beeye luumma caan Kwäärö Wuuö Jwøki, ena köö, « ‹Wui, otïmö ni leth jï pääny man wø kuny piny ki rem jiy, ki jï dhiithi mana näk gïïa reyø na en dëëre poot kär ö wøk. Rïŋö mana no othemø na en yie kwäny wøk na aciel aciel, ni bäŋgø mo jier.

Odheea 5:1

Wuuö Jwøk aköö, ni «U na dïlämme, wïnynyu gïn! U na jø Icriel, cegu ïthu! U na jø paan dwøŋ, cegu ïthu! Ajäla man bee maru, kiper u caala abëëbe bäät jø Micpa, ni bëëdu kaamar ajääpi mo opeerø bäät Kïn Tabör.

Odheea 6:9

Kaawat man wø møør dïtwïëte piny ni ge kurö ki dhaanhø, lwaa dïlämme atïmö na dïnäk jiy øtjöör Cekam; ka adïëri møn, gena tïïö ki gïï mo reyø døc.

Mikiya 2:8

'Ba ki mana täge kany mo cään ennø, u na jiya, dëëtu athïïŋŋu dëëra kaamar nyïïmän. Uuni, abïïe akälu wøk bäät jø wø pöödhi ki jöö mo bäŋ gïn lääŋge, ki bäät jø wø duui ki baŋ leny.

Mikiya 3:10

u ni wø geer Dhayan na näk pääny Jwøk ki jap jiy mo wø rem moge kønynyu piny, ni beeye Jerucalem ni wø geerru ki køør tïïc gïï mo reyø.

Mikiya 3:2

Bee u ni wø män ki gïna beer ni mëërru ki gïna raac. Gïna raac ni wø tïïyu, keda u gøøpa dëët jiy, ni kee u käla rïk dëëtge wøk;

Dhekaraya 11:6

'Ba aani thuwø, a na Wuuö Jwøk, cwïnya ba pädhi këët ki gïr jiy moi ni bëëdö yi ŋöömö man en. 'Ba ŋati man nø ocïba cer ŋat atut mare ki nyeya marge, ni ö ŋöömö ni putge gø raanynyø. 'Ba aani ge ba piema ceŋge.»

Moa Tïïc Nyïïatwieli 24:9

Ni ö jø Juuthi møga thuwø ni dwalge dhøkge ni gïïögø bëët beege karge.

1 Camiel 24:11

'Ba ennø, Awuuö, ka adïëri møn, neen deŋ abïï marï ni en cera en; kiper deŋ abïïnï keere aŋula wøk, ni kära ïïni nääö. Ennø, wär ŋäyï ni bäŋ gïn mo raac mo ena cwïnya ki ïïni, ni bäŋ ageem maa gëëmö ki gø ki ïïni, ni bäŋ gïn mo yaa baaø dëërï; 'ba ïïni, ï bëëdö ni ïïno møør piny nyïma niï manynya jwïëya nee raanynyï.

1 Camiel 26:20

'Ba ennø, beerra man ba køny remma piny kany mo kare bäär ki Wuuö Jwøk; kiper ïïni, ï na nyeny Icriel, ïïna ö kuna manynyï aani, a ni caal nyi twöŋö mo thiinh jaak en, ni caala mano ö dhaanhe wø ci baŋ dwaar ka ajwiero bäät kïdi.»