Mikiya 7:11 - Wëël Jwøk

¹¹ U na jø Jerucalem, da nïne mo öö mo kiir maru geerru geerø, ni yïth nïne moøgø, nyeŋ kee mar ŋöömö maru nyiiga ŋäthge kuya.

Mikiya 7:11 Iomraidhean Croise

Neemiya 2:17

Køøre aana cäänö ki geni ni kööa, ni «Uuni, bëëtö man ni raac ni enø yie en nëënö jïïu, ni Jerucalem bëëdö no oränynyö, ni dhøgi mo kiir mare owaaŋø ki maac. Uuni, beerra man ööu ni cäŋø kiir mar Jerucalem geerrø, kiper nee ø ba bëëdø këët ni ø di jøøŋŋø.»

Neemiya 2:8

Aani, a wär göönni thuwø ki wëëlö nee cïba jï Acaap, ŋat wø koor lul mar nyeya, kiper nee eni cïpe jïra ki jenni mo dhøgi mo kiir mo kar gwøk røk na en buut Øt Jwøk, ki jenni mo kiir mar pääny, ki jenni mo øtø mano bëëda yie.» 'Ba nyeya gïïa pëënynya acïbe jïra, kiper Jwøk mara cere na beer ena bääta.

Neemiya 4:3

'Ba kar kaagø Thöbiya nyï Amön ena buut Cenbalat, ni kööe, ni «Kiir manøgø ni geerge enø, këël etha othöö bääte, kïte mo kiir marge manøgø puta øc piny.»

Neemiya 4:6

'Ba waani kiir ageerwa, ni ö kiiri bäre ni dööte, no opïï maal thääŋ köör kiir, kiper jiy cwïnyge päl døc ki tïïc.

Aydheea 54:11

«Wui, ï na päänya no ocaarø, na näk wïïï okier gïï mo lethi, kaawat man wø tïïc atuunna, ni bäŋ ŋat mo ocøm cwïnyï, raŋï, aani ï geera geerø ki kïte mo mïërö, ni ö tier kiir marï ni kïtha gø ki kïte mo ŋwaŋŋi.

Aydheea 54:2

Tïïc kar oduŋkaara marï ni laac, ni ö abïïe moa näk gëëŋŋe mo kwör bëëte moï ni twöï ge piny ni yïthge iï peerø ni døøŋŋø, ni ba lwagï ge; ni tïïyï thøøth oduŋkaara marï ni bäyö, ni cwödhï teegi moe piny ni teek.

Aydheea 58:12

Jiy moo ööi ki rou, mïëri mo acääŋŋe moa no oränynyö odwøkge karge, ni ö kwöra no opädhö ri kiir mana no ojal ni tïŋge ge maal ni ge geera ge. Køøre u di cwølø ni jøøa cäŋ kiir mana no opädhö geerrø, na jøøa dwøk uutjïëthe ki uudi karge.»

Aydheea 61:4

Køøre mïëri moa no oränynyö ya acääŋŋe odwøkge karge, ni ö japa no oniruuth piny no oränynyö ni tïŋge ge maal; ni ö päänye moa no oruuki na beet beenhnhe moa pöödhö ni cäŋge ge geerrø.

Daniel 9:25

«Kiper manøgønø, beerra man ŋäyï gø ni kwanyï tiere ki man näk mo luubö mana caan ki man dwøk Jerucalem kare ki man cäŋi geerrø, këël kanyo ö ŋata näk wïïe othïïmmö ki maaw, ŋato käär jiy, otïmö na cwiiri abïriiø kwöre abïriiø, ki cwiiri abïriiø kwöre ma pïërabïciel ka ariiø. Jerucalem cäŋ ka geerrø ni da nyeŋ jïëthe ki kwör gwøk røk mo teek. 'Ba kar kaace beeye cäŋ gïï mo leth.