Mikiya 7:10 - Wëël Jwøk

¹⁰ 'Ba kar kaace nø, oraŋ nyïïmänni mowa, ni ö lään wïci ni ö bäätge, ge na köö jïwa, «?Aŋø, Wuuö Jwøk, Jwøk maru, en kaa?» Waani, geno raŋwa ki nyeŋwa, ni kar kaaca geno nyørø kaamar odhöönh mo jiy caatha dïëre øtjöö.

Mikiya 7:10 Iomraidhean Croise

2 Camiel 22:43

Køøre nø, gena puta nyath këël mana tïmge ni caala tør, ni nyøra geni kaamar odhöönh mo ena dï jöö.

Aydheea 26:11

Wui Wuuö Jwøk, cerï atïŋï maal ni kärge gø joodø. Nyooth këëyö marï jïge kiper jiyï, ni wëëgï ge lään wïc. Wui, beerra man ö maaci ni thöör nyïïmän moï.

Aydheea 41:25

«'Ba aani, a na Wuuö Jwøk, a tïŋŋa maal ki dhaanhø ki jï løø wï-piny, 'ba eno ööi ki jï løø kur tuul-cäŋ ni cøøra nyeŋŋa, ni ööe ni nyør kwääri, kaaman wø ö dïcwäc dääe wø nyør odhöönh.

Jeremaya 49:15

Ni kö Wuuö Jwøki jï jø Ëdöm, ni «Ka adïëri møn, karu tïïa tïïö ni bäŋgø dï wïth juurre, ni ö jiyi ni taakge uuni.

Jeremaya 51:24

«'Ba a na Wuuö Jwøk, jø Babiløn, ni beege jø Kaldia, gïïa reyø na tïïcge dëëtu, u na jø Dhayan, 'dwøga dëëtge ni nëënö jïïu ki nyeŋŋu.

Jeremaya 51:51

«U wø köö, ni ‹Wïthwa alääö kiper ajøøŋ man wø wïnywa, ni tïm nyeŋwa ni law, kiper jiy mo path adøny kwöra en kur keerge yi Øt Wuuö Jwøk.›

Edhikiel 7:18

Geni, keece orøcge na abïïe ni bëët dëëtge ni kwanynyi ki lwär; wïthge otïmö ni laay bëët, ni ö wïthge ni gwääri wøk bëët.

Daniel 3:15

Ennø, ni näk mo rou you jiiŋŋø, kanyo wïnynyu dwør tuuŋ, ki dwør opelø, ki dwør thoom, ki dwør thoom-othïënhö, ki dwør buul, ki dööt wïth jap meeŋ bëët, ni putu cøŋŋu këël piny ni wøørru kït gïna näk yaa tïïö ki warkey, wøp; 'ba ni näk mo ba wøørru, kawaane waane en u put ka leeŋ yi maac mo orubö ni wärri. ?'Ba a jwøa ŋø nø noo piem uuni cera?»

Jool 2:17

Beerra man ö dïlämme ni wø tïny Wuuö Jwøk, ni jwöŋge yïthakic gïn wø cïp olämme bääte ka agööl dhi Øt Jwøk, ni köge, ni «Wui Wuuö Jwøk, cwïnyï pädhe ki gïr jiyï, ni ba tïïyï jiyï na näk thöögï na gïr apääda, na gïr aŋaada dï wïth juurre. ?Aŋø, wïth juurre doo pëëö møn, ni ‹?Jwøk marge en kaa?›?»

Obadiya 1:10

Kiper gïna leth na tïïyu dëët nyïïmëëgu ma nyïïkwaac Jeekap, otïmö ni käla lään wïc bäätu, ni raany uuni na bäre bäre.

Obadiya 1:12

'Ba u ba doo bëëdö jaak nou raŋŋa jï nyïïmëëgu dïcäŋa jwørge gïïa leth na tägö dëëtge; nou ba doo kanynyø bäät jø Juuda dïcäŋ ränynyö marge; nou ba doo ŋeethø bäätge dïcäŋ kïmmö marge.

Mikiya 4:11

'Ba ennø, u na jø Dhayan, wïth juurre mo thööth dëëtge adwalge na aciel kiperu, ni köge, ni ‹Dhayan ränynyö; ni neetø ränynyö mare ki nyeŋŋø.›

Mikiya 7:8

Wui nyïïmän mowa, kär yïthu mïnnö bäätwa, wa na jø Icriel! Këël wa doo pädhö, wa poot duua maal, ni këël wa doo bëëdö yi muudhö, Wuuö Jwøk poot bëëdö na tar marwa.

Jepaniya 3:15

Wuuö Jwøk ajäla marï mana dee ï jäälö ki gø akäl wøk bäätï, ni dwøk nyïïmän moï ŋäthge. Wuuö Jwøk, ni beeye nyeny Icriel, nut buutï; bäŋ gïn mo leth mo lwäärï këët.

Dhekaraya 10:5

'Ba geni bëët, geno tïmö kaamar jø leny mo teek mo wø nyør nyïïmän moge ri leny yïth odhöönhe mo nyeŋ jïëthe. 'Ba kiper mana näk mo Wuuö Jwøk bëëdö ka geni, geno këëdi ni böötge jø wø këëdi ki bäät okwëënyi.

Milkiya 1:5

Gïnögø ojootu ki nyeŋŋu ni putu köö, ni ‹Wuuö Jwøk dwøŋ møn, këël yïth mïëri møga ni patha Icriel keere.› »

Milkiya 4:3

'Ba dïcäŋo tïïa gïnögø yie, jøøa reyø na näk onø tïmö na bur onyøru ki tietu.» Gïnögø caana Wuuö Jwøki, eni na wïth jammi bëët.

Mathiew 27:43

Eni kee Wuuö Jwøk ee ŋäädhö. ?Aŋø, Wuuö Jwøk ba køny eni ŋø, nee Wuuö Jwøk yie met ki eni? Kiper ena köö, ni ‹Aana O Jwøk.› »

Jøcua 7:9

Kiper gïnögø wïny jø Keenanni wïnynyö, këël jøøa bëëdö yi ŋöömmögø bëët, ni öge ni rumge wa dïër ni putge wïthwa dïïr na bäre. ?'Ba ennø, agïnaŋø noo tïïyï, nee nyeŋŋï bëëde ni poot wïnyö?»

Mana Nyooth 18:20

'Ba ï na maal, yiï mïnne nø ki gïre, ki u na jø Jwøk, ki nyïïatwieli, ki nyïïkuk Jwøk, kiper kwöri mou acool Jwøki dëër paanøgø.