Mikiya 6:9 - Wëël Jwøk

⁹ Wui tuuŋ Juuda, ki jø wø käär pääny Jerucalem, wïnynyu gïn. Dwør Wuuö Jwøk cwödö dï pääny, ni köö, ni «Leec wïc beeye ki man lwäär nyeŋ Wuuö Jwøk.

Mikiya 6:9 Iomraidhean Croise

2 Camiel 21:1

'Ba kanya bëët Deebiti na nyeya, da käc ma atägö ni bëëde ki cwiiri adäk. Køøre Deebit alämö ni pëëny Wuuö Jwøk kiper käc manøgø. 'Ba aløk Wuuö Jwøki ni kööe, ni «Cøøl ki dhi øde bäätge da ajäl kwör rem jiy; kiper Cøøl jø Gibien anääe.»

Jööp 10:2

Aani caana caanø jï Jwøk ni kööa, ni ‹Kär aani jäälï, 'ba gïna kïthï bääta en caan tiere nee ŋääa.

Jööp 23:14

Eni japa näk ee cïp piny kipera wëëge thur karge, ni moa näk poot ee cïp piny kipera thööth kar kän mare.

Jööp 5:17

«Meta yi ŋat wø jook Jwøki; kiper manøgønø, kär pwöc Jwøk na en teeki jïre taagï.

Pwöc Leec Wïc 22:3

Ŋat mo waŋe riek gïna raac wø di joodø ni kan ree, 'ba ŋat ma acaara mare thiinh wø pätha yi gø, ni jwør gïï mo leth.

Aydheea 26:11

Wui Wuuö Jwøk, cerï atïŋï maal ni kärge gø joodø. Nyooth këëyö marï jïge kiper jiyï, ni wëëgï ge lään wïc. Wui, beerra man ö maaci ni thöör nyïïmän moï.

Aydheea 27:10

Kiper pääny mana no ogeerø ni teek adööŋ keere ni ba beet, ni wïl wïci ki gø, ni tïme kaamar dï paap, ni ö nyïïrøøe ni bëëtge ni ge cämö ki luum yie kaace, ni butge piny yie, ni camge bäät jenni moa en yie.

Aydheea 30:27

Raŋŋu, nyeŋ Wuuö Jwøk öö ki kany mo bäär; ni wëër mare liel kaamar maac mo jïye onitul ni cøl; eni wëër døc, ni dwøre bëëdö ni caala maac man wø thöör jammi.

Aydheea 66:6

Wïnynyu dwøl man ni märi yi pääny en, cegu ïthu ki dwøl man ni wïnyi ki yi Øt Jwøk en! Manøgø beeye dwøra, a na Wuuö Jwøk; mara cool kwör dëët nyïïmän 'moa.

Aydheea 9:13

'Ba jiy kär duu baŋ Wuuö Jwøk, ŋata jääl geni, ni kärge eni manynyø, eni na wïth jammi bëët.

Jeremaya 26:18

ni «Mikiya nyï Mörëcëth dwør Jwøk akøbe yïth nïra beet Edhekaya ni ena nyeny Juuda; ena cäänö ki jø Juuda bëët ni kööe, ni ‹Luumma caan Wuuö Jwøki, eni na wïth jammi bëët beeye en: « ‹Dhayan na näk Jerucalem oränynyi, ni puuri na pwöth jaak, ni ö thuurri mana näk Øt Jwøk ogeer bääte ni tuue ka abuŋŋe.›

Jeremaya 26:6

aani, øtø man na mara en raanynya raanynyø kaamar øtø mara mana raanynya Cëëlö, ni tïïa pääny man en na gïr abuua ki jï wïth juurre bëët mo bäät piny.› »

Jeremaya 47:7

?'Ba opëëllö olïŋe nidïï, ni eni yaa nø köömmö, a na Wuuö Jwøk, ki man raany jø Ackelön ki jø tiet mïëri moa bëëdö bäät naama dwøŋ?»

Edhikiel 7:9

Aani, cwïnya ba pädhi ki gïru, ni ba wara cwïnya ki uuni; 'ba aani, u jääla jäälö ki køør bëëtö maru ki japa raac eci ki ge na en dïïu. Køøre nø, ŋäyu ŋääö ki man näk mo beeye aani na Wuuö Jwøk na jääl uuni.

Odheea 13:16

Jø Cameria ajäla marge døøa wïthge, kiper gena gëëmö ki aani, a na Jwøk marge. Geni, ge di nääö ko opëëllö. Obwöre moge moa therø di gøyø ki røk kïte ni petge, ni ö määrge moa näk yïthge da jiy ni riet yïthge.»

Odheea 14:9

Ni näk da ŋat mo wïïe leer, beerra man kwany tiet jammi moi; ni näk da ŋat mo tiet luup ŋääe, beerra man ŋäc ge, kiper jïëthe mo Wuuö Jwøk thïïŋ, ni jø wø marge beer wø cäädhö ki yïthge, 'ba jø wø tïïc raay ge pädhö yïthge.

Amøc 2:5

Kiper manøgø nø, maac ojääŋŋa Juuda, ni waaŋ uudi moa teek na en dï Jerucalem.»

Amøc 6:1

Otïmö ni raac jïïu, u ni bëëdö ki bëëtö mo jööt jaak yi Dhayan, ki uuni ni cädö ni karu beer yi Cameria, uuni na kwöru døøŋŋø yi paana kare dwøŋ na näk Icriel, u ni wø cääth jø pou baŋu kiper køny.

Mikiya 3:12

Kiper manøgønø, Dhayan na näk Jerucalem oränynyi ni neeruuth, ni puuri na pwöth jaak ki køøru, ni ö thuurri mana näk Øt Jwøk ogeer bääte ni tuue ka abuŋŋe.

Mikiya 6:10

?Aŋø, jammi mo wø joot ki jöö mo patha kare yïth uut jøøa reyø, ki jïge ni kuua, ki jap røm moa näk oŋøørø ni cëëgö, na näk ec raac ki ge?

Mikiya 6:8

Wui ï na dhaanhø, Wuuö Jwøk gïna beer anyoodhe jïrï. ?'Ba Wuuö Jwøk agïnaŋø ni manynye baŋï? Beeye ki man ŋølï luup na karge, ki man nyoothï mëër man wø ba jøøl, ki man cäädhï ki Jwøk marï ni riï iï dwøk piny.

Jepaniya 3:2

Eni bäŋ dwøl mo wïnynye, ni bäŋ acaara mo jïëe. Eni Wuuö Jwøk käre ŋäädhö, ni eni ba nyiik buut Jwøk mare.

Mana Nyooth 3:19

«Kiper a wø jooga jø wø mëëra ki geni, ni pwöda geni. Kiper manøgønø, këëyï, ni løgï cwïnyï.