Mikiya 6:8 - Wëël Jwøk

⁸ Wui ï na dhaanhø, Wuuö Jwøk gïna beer anyoodhe jïrï. ?'Ba Wuuö Jwøk agïnaŋø ni manynye baŋï? Beeye ki man ŋølï luup na karge, ki man nyoothï mëër man wø ba jøøl, ki man cäädhï ki Jwøk marï ni riï iï dwøk piny.

Mikiya 6:8 Iomraidhean Croise

Wïlöölö 18:19

Kiper ena jiera, nee obwöre moe këël nyïïkwaaye mo ööi køøre nee pwönynye ki man caathge køør dwøra, a na Wuuö Jwøk, ni ge bëëdö ka bëëtö mo beer, ni ge tïïya tïïe ma adïëri; kiper nee gïna buua jï Eeberam nee tïïa jïre.»

Wïlöölö 5:22

Køør kanya ö Inøki na nywøl wääde ma Mathucala, ena cäŋ bëëtö ki cwiiri ma dïpe adäk ni bëëde ni caatha køør Jwøk, ni nyööde ki wääte ki nyïïe møøk.

2 Luup Nyeye 30:11

'Ba këël na tïïcge gïnögø, jø møøk ki røk jø tuuŋ Acer, ki røk jø tuuŋ Maneeca, ki røk jø tuuŋ Dhebulan, rege adwøkge piny ni cige Jerucalem.

2 Luup Nyeye 32:26

'Ba Edhekaya dëëre adwøk piny, eni ki jø Jerucalem, ni ö wëëc Wuuö Jwøki ni käre ö bäätge ki yïth nïne moa näk moe.

2 Luup Nyeye 33:19

'Ba lam mar Maneeca, ki kanya ö Jwøki na wïny kwac mare, ki raay moa tïïe bëët, ki mana bëëde ni bääö dëër Wuuö Jwøk, ki kwör lam moa tïïe bäät thuuri, ki jenni moa no ocaa ri jwø wø cwøl na Acara na tïïe, ki gïï wø lam moa no otieŋø moa cwöth piny yïth kwör lam moøgø, kanya poode ni dëëre poot käre dwøk piny nyïm Wuuö Jwøk, ogöör piny yïth luup jø wø joot jammi ki køør man wø nyooth Jwøki jïge.

2 Luup Nyeye 33:23

'Ba Amön dëëre käre dwøk piny nyïm Wuuö Jwøk kaawat mana tïïc wänni ma Maneeca na dwøk dëëre piny, 'ba aput bëëte ni 'meeta raay moe.

2 Luup Nyeye 34:27

ena köö, ni ‹Kiper mana päth cwïnyï ni dwøgï dëërï piny nyïma kanya wïnynyï luup 'moa mo jääla Jerucalem ki ge ki jø wø bëëdö yie, ni jeeyï abïïgï ki pänh cwïny, ni jwöŋï nyïma, ka adïëri møn, a na Wuuö Jwøk, oduuru marï awïnynya.

Neemiya 9:13

«Ïïni, ïïna ö piny bäät Kïn Caynay ni cäänï ki jiyï niï ena maal, ni cïpï luup ŋøl moï na thïïŋ jïge, ki ciik moï na näk adïëri, ki pwöc moï ki gïïa cemï na beyø.

Pwöc Leec Wïc 21:3

Ki man tïïc gïn mo beer ki gïn ma adïëri beeye mana met yi Wuuö Jwøki ki gø ni kaala olämi.

Luup Dïpööy 12:13

'Ba ennø, jammi bëët anø wïnyö, na aŋuun luubö beeye en. Lwäär Jwøk, ni gwøgï ciik moe, kiper manøgø beeye gïna doo tïïc jiyi bëët.

Aydheea 56:1

Man beeye luumma caan Wuuö Jwøki, ena köö, ni «Tïïyu ŋøl ma kare, ni tïïyu gïn ma adïëri, kiper pïëm mara man piema jiy ki gø aløny ni öö, ni bëënynyö mara oløny ni kare cään ki man nyoodhi.

Aydheea 57:15

Kiper Wuuö Jwøk, eni na en maal na kare dwøŋ, ni wø bëëdö na bäre bäre, ni wø nyeŋŋe en kur keere, ena köö, ni «Aani, a bëëdö maal kany mo ena kur keere, naa bëëdö thuwø ni kara cään ki jiy moa näk cwïnyge opädhö kiper raay moge, ki jiy moa näk cwïnyge opädhö ki køør japa leth na pïï bäätge, nee jiy moa näk cwïnyge opädhö nee cwïnyge cøma, ni mooa jiy moa no ocaarø ki jwöm ki yïth cwïnyge.

Aydheea 66:2

Kiper beeye cera na tïïc japøgø bëët, ni ö japøgø bëët ni putge tïmö ni nut. Luummögø caana a, a na Wuuö Jwøk. «'Ba aani, ŋato jïre raŋa beeye dhaanhø mo dëëre ee dwøk piny, mo cwïnye opädhö kiper raay moe, ni dëëre kwanynyi ki lwär ki dwøra.

Jeremaya 22:16

Eni kee luup jøøa no ocaarø ki luup jøøa can aŋøle na karge, ni bëët paaci bäre na wøp. ?Aŋø, ki man ŋäc aani, a na Wuuö Jwøk, paa beeye ki man tïïc teeŋ tïïe moøgø nø?

Jeremaya 22:3

Luumma caan Wuuö Jwøki beeye en: Ŋøllu luup na karge ki jöö ma adïëri, ni kønynyu jiy mo wø japge møt ceŋ jø wø caan geni. Käru bääyö dëër jur mo bëëdö dïïu, ki kïïc, ki cï thøø, ni ba tïïu ki gïï mo reyø dëëtge, ni ba kønynyu rem jiy piny kany, mo bäŋ gïn mo ege baaø.

Jeremaya 9:23

Mana caan Wuuö Jwøki beeye en, ena köö, ni «Ŋat mo wïïe leer kär töödö kiper leec wïc mare, ni ŋat mo oteeø kär töödö kiper teek mare, ni ŋat mo okwär kär töödö kiper kwär mare;

Wëël Kïmmö 3:26

Beeye gïn mo beer jï dhaanhø ki man koor pïëm mar Wuuö Jwøk man piem jiy ki gø, ni cwïnye ee cïp piny.

Edhikiel 16:63

Køøre nø, noo wëënna ïïni ki japa reyø bëët na tïïyï, wïïï oparï ni lää wïïï, ni ba japï dhiï këët kiper lään wïc marï.› » Luummögø caana Kwäärö Wuuö Jwøki.

Edhikiel 33:14

'Ba ni näk mo aano köö jï ŋat mo bëëtö mare raac, ni «Ï thøw møn,» ni ö ŋatøca ni løk cwïnye yïth raay moe, ni tïme ni tïïya gïn ma adïëri ki gïn mo thïïŋ,

Daniel 4:37

Kawaane a na Nabukedenecör, a pwøya nyeya mar maal, ni tïŋa nyeŋŋe maal, ni jiema eni, kiper tïïe moe bëët beege adïëri, ni jïëth tïïe moe tiir, ni eni løny jïre ki man dwøk jiy piny mo wø bëëdö ni cwïnyge da atöör.

Odheea 12:6

Kiper manøgønø, duu baŋ Jwøk maru; ni bëëdu nou tïïya mëër ki ŋøl luup na adïëri, nou koora Jwøk maru cooth.

Odheea 6:6

Kiper aani, yia wø met ki mëër mo ba jøøl ni kaala olämi man wø cïp, ni yia wø met ki man ŋäc aani, ni kaala olämi man wø waaŋ bäre.

Ciik Kiper Dïlämme 26:41

na tïïcge aani naa gëëma ki geni thuwø, ki man kïtha geni yi ŋööm nyïïmän moge; wala ni näk mo cwïnyge na näk kär daŋø ki man cïpge ge jïra, ege døøc mo mwöl, ni jïëcge gïïa bacge,

Amøc 5:24

'Ba beerra man tïm ŋølli ma kare ni paac ee maa kaamar jwïïö, ni ö bëëtö ma kare ni pälle kaamar naam mo kwödö ni ba tal.

Mikiya 6:9

Wui tuuŋ Juuda, ki jø wø käär pääny Jerucalem, wïnynyu gïn. Dwør Wuuö Jwøk cwödö dï pääny, ni köö, ni «Leec wïc beeye ki man lwäär nyeŋ Wuuö Jwøk.

Jepaniya 2:3

Manynyu Wuuö Jwøk, u na mwöl bëët bäät piny, ni wø gwøk ciik Wuuö Jwøk. Manynyu bëënynyö, ni manynyu bëët mööl; kanymør u gwøe gwøø cäŋ wëër mare.

Dhekaraya 7:9

ni «Man beeye dwøl mana wara caan Wuuö Jwøki, eni na wïth jammi bëët, ena köö, ni ‹Ŋøllu luup ki jöör ŋøl mana näk kare, ni ö ŋati man nø ni nyooth mëër ki bäth ec mare jï wati maya.

Mathiew 5:3

«Gwïëth en bäät jø wø ŋäc can marge nyïm Jwøk, kiper buya käl maal beeye marge.

Mathiew 5:7

«Gwïëth en bäät jø wø kunyö, kiper geno køny.

Luk 10:42

'Ba da gïrpiny aciel keere na doo manynyø. 'Ba Meeri mana beer ajiere, mo bäŋ ŋat mo doo käla gø wøk cer gø.»

Luk 11:42

«'Ba otïmö ni raac jïïu, u jø Paricith. Kiper u wø cïpa paac wïth jammi na jëëthe røk gïï wø thenh thenh wø piith bëët, ni weyu mëëc Jwøk ki ŋøl luup ma kare na caane. Gïïögø beege gïïa dou tïïö, ni ba weyu moøgø thuwø.

Luk 12:14

'Ba Jecu aköö jïgø, ni «?Nyie, aano tïïya ŋa na dïŋut luup wala dïpääy jïïu?»

Luk 6:36

Bëëdu ni cwïnynyu lïëth ki køny keda mar Wääu na cwïnye lïëth ki køny.

Wëëlö Mana Göör Pøølli Baŋ Jø Röm 7:16

'Ba ni näk maa tïïya gïna ba daa tïïö, aano jïëy ni ciik Jwøk beer.

Wëëlö Mana Göör Pøølli Baŋ Jø Röm 9:20

?'Ba ï na dhaanhø, ïïna ŋa na doo dwök baŋ Jwøk? Gïn mo ocwääö doo köö jï ŋata cwääc gø, na «?Aŋø ni cwääyï aani na ennø nø?»

1 Körin 7:16

?A ï na dhaagø, ŋäyï gø nidïï, ni cwørï ba piemï? ?A ï na dïcwøø, ŋäyï gø nidïï, ni cïïï ba piemï?

Epeca 4:32

'Ba køønynyu røgu, ni cwïnynyu da mëër, ni wëënnu røgu kaawat mana ö Jwøki na wec raayu ki ri Krictø.

Tiet Ciik 27:10

Kiper manøgønø, leŋŋu dwør Wuuö Jwøk na näk Jwøu, ni kïthu ciik moe ki gïïa ceme bäät tïïc, mo köömma uuni ki geni dïcäŋi en.»

Tiet Ciik 30:15

«Neennu, dïcäŋi kwøw ki bëëtö mo beer acïba nyïmmu, ni cïba thøø ki bëëtö mo teek nyïmmu.

Köløcia 3:12

Kiper manøgønø, kaawat mana ö Jwøki na jier uuni, nou ena kur keeru na mo Jwøk ni uuno omëëye, bëëdu ni cwïnynyu jööt, ni yïthu bäth, nou mwöl, ni bäŋ atöör, ni cwïnynyu you cïp piny.

2 Thecalönika 2:16

'Ba kawaane, Kwääyø ma Jecu Krictø ki dëëre, ki Jwøk na näk Wääø, ŋata mëër ki øøni, na mooc øøni ki cøm cwïny mo bäŋ cuŋŋe, ki ŋäädhe ma wøp mar nyïm ki køør met yie,

Jeemeth 2:20

?Aŋø, ï manynya gø nee nyooth jïrï, ï ni bäŋ wïc en, ki man näk mo ŋäädhe ni näk bäŋ tïïe ree, bäŋ gïn duue?

Jøcua 24:14

«'Ba ennø møn, wøørru Wuuö Jwøk ni tïnynyu eni na adïëri ni you ŋäädhö ki cwïnynyu bäre; tïïyu karu ni bäär ki juu moa wøør kwäyu kanya bëëtge løø Naam Upareeti løøga, ki kanya bëëtge Ijep, ni tïnynyu Wuuö Jwøk keere.

1 Piter 3:8

'Ba luubö mana dööŋ keere nø, uuni bëët, beerra man dwallu cwïnynyu na aciel, ni bëëdu ni cwïnynyu jööt, ni mëërru ki nyïïmëëe, ni cwïnynyu lïëth ki køny, nou bëëdö nou mwöl.

1 Camiel 12:23

Këël aani thuwø, a poot bëëdö naa lämö kiperu, ni ba løny ki man wiia lam, naa ba bääya dëër Wuuö Jwøk; uuni, u poot pwönynya pwönynyö ki man ŋäyu gïna beer ni caathu jöö mo tiir.

1 Camiel 15:22

'Ba Camiel aköö, na «?Aŋø, Wuuö Jwøk yie met ko olämme mo wø waaŋ bäre ki teeŋ olämme møøk ni kaala man wïny dwøre, eni na Wuuö Jwøk? Neenï, ki man wïny dwøre pöödha eni døc ni kaala man cïpö ko olämme jïre, ni ki man leŋ mare pöödha eni ni kaala man waaŋ dwäle mo nyöök rööm no olämme.