Mikiya 6:7 - Wëël Jwøk

⁷ ?Aŋø, løny jï Wuuö Jwøk ki man mïn yie ki nyöök rööm ma kume mo cïp no olämme, ki maaw mo caala pï näm mo thööth døc mo ba kwaan? ?Këël kanynya kiree, rømø ki man cïba gø no olämi kiper gïïa baaa? ?Eni na nyi yia, rømø ki man cïba gø kiper raay mo dëëra?

Mikiya 6:7 Iomraidhean Croise

2 Nyeye 16:3

'Ba ena bëëdö ni caatha køør tïïe moa tïïc nyeye mo Icriel, këël mana waaŋ wääde no olämi jï juu møøk ni eni caatha køør gïïa raac yi Wuuö Jwøki ki ge na tïïc wïth juurre moa riem Wuuö Jwøki wøk nyïm jø Icriel.

1 Camiel 15:22

'Ba Camiel aköö, na «?Aŋø, Wuuö Jwøk yie met ko olämme mo wø waaŋ bäre ki teeŋ olämme møøk ni kaala man wïny dwøre, eni na Wuuö Jwøk? Neenï, ki man wïny dwøre pöödha eni døc ni kaala man cïpö ko olämme jïre, ni ki man leŋ mare pöödha eni ni kaala man waaŋ dwäle mo nyöök rööm no olämme.

Odheea 6:6

Kiper aani, yia wø met ki mëër mo ba jøøl ni kaala olämi man wø cïp, ni yia wø met ki man ŋäc aani, ni kaala olämi man wø waaŋ bäre.

Jeremaya 7:31

Gena gëëdö ki kwör lam kanya cwøl ni Töpeth, na en ya agäm-kïdi mana cwøl ni Ben-Inöm, kiper nee wäätge ki nyïïge waaŋge no olämme kaace, ni gïnögø beeye gïn mo ge kära köömmö ki man tïïcge gø, na acaac gïnögø bäŋgø mo oö wïïa thuwø.

2 Nyeye 23:10

Jöcaya thuwø, Töpeth, kanya raac ni wø waaŋ olämme yie na en yi goor Ben-Inöm atïïe ni ba waany, nee bäŋe dhaanhø mo waaŋ wääde wala nyaare no olämi jï Mölek këët.

2 Nyeye 21:6

Ni waaŋ wääde no olämi, ni tïïe ki wäälli, ki jap adïëda, ni pëëny ajuuk, ki jiy mo rege da juu mo cøøra jwïëc jøøa no othøw, ki jiy mo cäänö ki juuk piny. 'Ba ena tïïö ki gïï mo thööth døc mo nëëni ni reyø ki jï Wuuö Jwøk, ni tïïya Wuuö Jwøk nee goote.

2 Nyeye 3:27

Kanyøgønø, eni wääde mana dwøŋ na doo läw kar gø na nyeya alwøre ni cïp gø no olämi bäät kiir. Køøre jø Icriel gena lwäyö døc ki gïna tïïe, ni aacge buute ni døøge poge.

Aydheea 40:16

'Ba këël jer lur Libaanø ba rømi na jer wääŋö ko olämme, ni lääy moa en yie thuwø ba rømi ki man cïbi no olämme mo wø waaŋ.

Ciik Kiper Dïlämme 18:21

« ‹Ki røk obwöre moï kär dee gø mo jïëyï jïëö nee ge cïp no olämi jï jwø wø cwøl ni Mölek, kiper tïmö niï pääta nyeŋ Jwøï; ni beeye aani na Wuuö Jwøk.

Piliman 1:12

A duua eni baŋï, keda a jääŋŋa cwïnya kiree.

Amøc 5:22

Këël u doo cïpö jïra ko olämme mo wø waaŋ, ki muuce mo beel, a ba jïëy ki geni; këël lääy mou moa näk olør mo wø cïpu no olämme kiper mëër, jïge ba neena.

Edhikiel 23:37

Kiper gena bëëdö na jø luuï ni kunyge piny ki rem jiy. Gena buut ki kït gïï wø lamge, ni ŋarge nyïïge ni cïpge ge no olämme, ni kïthge ge yi maac ni tïme na cam kiperge, ni beege obwöre moa nywølge jïra.

Jeremaya 19:5

Ni tïïge ki kwör lam jï jwøa cwøl ni Baal, kiper nee wäätge waaŋge no olämme jï Baal, ni beeye gïn mo ge kära köömmö ki man tïïcge gø, na gïn mo kära caanø, na acaac gïnögø bäŋgø mo ö wïïa thuwø.

Jööp 29:6

kanya bëët waŋjöö mara ni thec ki caak, ni maaw bëëdö ni kwönna wøk jïra ki yi kïdi man wø biic nyïïjenni yie.

Pïëmme 11:39

'Ba kanya thum dwäde ariiø moøgø, ena duu baŋ wänni, ni ö wänni ni tïïc gïnögø dëër nyaare ki køør kööŋ mare na nø kööŋe ki gø; 'ba eni, ena nyakøø mo dëër dïcwøø poot kuue møn ni kär nywømø. 'Ba gïnögø aput tïmö na kööŋŋö jï jø Icriel,

Pïëmme 11:31

kanyo duua ki baŋ jø Amön ni dëëra jööt, ŋato cur dhi øtø mara kaace jaak ni jula aani, puta tïmö na marï, ï na Wuuö Jwøk. 'Ba aani ŋatøca puta ka cïp no olämi man wø waaŋ bäre.»

Ciik Kiper Dïlämme 20:1

'Ba Wuuö Jwøk acäänö ki Modhe ni kööe,

Pwöc Leec Wïc 15:8

Wuuö Jwøk yie raac ko olämme mo jøøa reyø, 'ba yie wø mïnni ka lam mar jøøa marge thïïŋ.

Pwöc Leec Wïc 21:3

Ki man tïïc gïn mo beer ki gïn ma adïëri beeye mana met yi Wuuö Jwøki ki gø ni kaala olämi.

Aydheea 1:1

Moi beege luup mo wø nyooth ki yi wïc na nyooth Jwøki jï Aydheea wär Amöth kiper jø Juuda ki jø Jerucalem yïth nïr Udhaya, ki Jötham, ki Eeyeth, ki Edhekaya, kanya bëëtge ni gena nyeye mo Juuda.

Odheea 5:6

'Ba këël ge doo aay ni ge käädö ki dïëk ki dhäk, ni ge manynya Wuuö Jwøk, eni ba jootge, kiper ree ee nø paany dïge.

Jeremaya 6:20

?U na jiya, aperŋø nø ni wø kännu baŋa ki dwøø man wø jïye ŋwääi ni met ki yi Cïïba en? ?Na aperŋø thuwø ni wø kännu baŋa ki luum wø maare ŋwääi ni met ki paac mo kare bäär en? Olämme mou mo wø waaŋ bäre a ba jïëy ki geni, ni yia ba mïnni thuwø ko olämme møøk mo wø cïpu.»