Mikiya 6:5 - Wëël Jwøk

⁵ U na jiya, ennø, beerra man parru wïthu ki luum gïna caar Balaki nyeny Möap nee tïïe dëëtu ki ri Beelam, ki gïna dwøk Beelammi o Beeyör ni eni kwiera mar Balak. Parru wïthu ki gïïa tägö kanya tïŋŋu Cëthim nou cøøa Gëlgela, kiper nee tïïe mo Wuuö Jwøk na beyø na tïïe nee ŋäyu.»

Mikiya 6:5 Iomraidhean Croise

Aydheea 1:27

Dhayan di piemø, ki jiye moo køp raacge, ki køør adïëri mar Jwøk ki bëënynyö mare.

Kwään Jiy 22:41

'Ba na tïme na amöölla maya, Balak aöö ni lwør Beelam ni kïth gø bäät thuur mana cwøl ni Bamöth-Baal; ni ö Beelammi ni raŋ jø Icriel moa en deŋ twïër na karge cärö ki kaace.

Kwään Jiy 23:27

'Ba Balak aköö jï Beelam, ni «Ööï nø, ïïno cäŋa kïth kany mør kanyce. Kanymør Jwøk jïëy, ni maarï geni cien jïra niï ena kaace.»

Kwään Jiy 25:1

'Ba kanya bëët jø Icrielli Cëthim, jiy atägö ki wääth køør nyïï jø Möap, ni ge temma tïï käp ki geni.

Kwään Jiy 25:2

Kiper kar kaace jø Möap jø Icriel wø cwølge bäät olämme mo juu moge, ni ö jø Icrielli ni cämge, ni wøørge juu mo jø Möap.

Kwään Jiy 31:16

Neennu, moi beege mään moa caath køør pwöc Beelam, na wëëk jø Icriel bääyö dëër Wuuö Jwøk, ki køør luubö mana tägö Pëëgör, kanya put ajäl thøø mar Wuuö Jwøk ö bäät jiye.

Kwään Jiy 31:8

'Ba nyeye mo Midien moa näk abïïc anäkge ki jøøgø na aciel, ni nyeŋ nyeye moøgø beege Ëwi, ki Rekem, ki Cuur, ki Ur, ki Riba; ni 'näkge Beelam o Beeyör thuwø ko opëëllö.

Kwään Jiy 33:49

'Ba gena tïïö ki twïër bäät Naam Jördan kaace, ni täge ki Bëëth-Jecimöt këël mana këët Abël-Cetim na en yi pwöl Möap.

Epeca 2:11

Kiper manøgønø, parru wïthu ni u nywöli ni uuna juurre dïkwøŋ, nou cøøri nou patha odaŋø ki jï jøøa näk odaŋø, ni beeye daŋ man wø tïïc ki cenø dëël.

Tiet Ciik 16:3

'Ba kanyo tïme na ra ajwöma manøgø, käru cämö ki dääpe mo ocoodø ki thømmø. 'Ba ki nïne abïriiø wäru cämö ki møø mo ree bäŋ thømmø, ni beeye møga näk nyootha gïna leth kanya ööu wøk ki Ijep nou läädö. Ni cammu kaper nee dïcäŋ mana ööu wøk yie ki Ijep nee bëëde ni wïthu paayu paayø ki gø ki yïth nïr kwøw mou bëët.

Tiet Ciik 23:6

'Ba ki yïth nïr kwøw mou bëët, käru cädu kiper jøøgø ki man jïtge ki bëëtö mo beer ki bëët kwär.

Tiet Ciik 8:18

Patha eni. Ŋata dou cädö kipere beeye Wuuö Jwøk na näk Jwøu, kiper beeye eni ni wø mooc uuni ki teek ki man jïtu ki jap kwärö, kiper nee luumma tuude na kööŋe ki gø jï kwäyu nee nyoodhe jïïu na adïëri, kaawat man bëëde dïcäŋi en.

Tiet Ciik 8:2

'Ba wïthu wär caarru ki jöö mana ö Wuuö Jwøki na näk Jwøu na käär uuni ki gø dï paap ki yïth cwiiri moi na pïëraŋween ii. Wuuö Jwøk gïï mo leth akäl bäätu, kiper nou pwönynye, kiper nou päänynye, nee gïna en cwïnynyu nee ŋääe, ki man näk mo ciik moe gwøgu gwøø wala ba gwøgu.

Tiet Ciik 9:7

«Ba caarru wïthu ni ba wïl wïthu ki mana cwaatu yi Wuuö Jwøk na näk Jwøu këël mana wëëre ki uuni dï paap. Ki mana täge ki dïcäŋa ööu wøk ki yi Ijep këël mana pïïyu kany, uuna bëëdö nou gëëmö ki Wuuö Jwøk.

Jøcua 2:1

'Ba kanya en jø Icrielli Cëthim, Jøcua o Nun ajääk Jerikö ki jiy ariiø na dïlëëwe ki piny ni kuc, ni kööe, ni «Cou, ni liewu ŋööm Keenan këël Jerikö.» Ni ö jøøgø ni aacge ni pïïcge paanøgø po nyaan ma kääbi mo nyeŋŋe cwøl ni Reeyap, ni putge but kaace.

Jøcua 3:1

Køøre Jøcua apäny maal ka amöölla cøøn; ni ö eni ki jø Icriel bëët ni tïŋge ki Cëthim ni pïïcge bäät Naam Jördan, ni butge kaace kanya poode ni ge kär ŋut løøga.

Jøcua 4:19

'Ba jø Icriel aö wøk ki bäät Naam Jördan kanya tïm nïr dwääyi mana dïkwøŋ na apaar; ni tïïcge twïër marge kanya cwøl ni Gëlgela na en deŋ Jerikö jï løø kur tuul-cäŋ.

2 Piter 2:15

Jöö mana thïïŋ akwierge ni tïmge ni ge wïïrö, ni ge caatha jöör Beelam o Beeyör, ŋata yie met ki joot jammi ki køør tïïc raay.

1 Jøøn 1:9

'Ba ni näk mo ø bëëdö ni ø køpa raay moø, mare beer ni dwøre ba dak. Eni raay 'moø owiie, ni peny øøni yïth gïïa ba beyø bëët.

Juut 1:11

Otïmö ni raac jïge. Kiper ge caatha jöör Keen, ni cïpge dëëtge cer bääyö mar Beelam kiper nee ge jïtge ki jammi, ni thøwge ra ageem Köra.

Mana Nyooth 2:14

«'Ba jïra da luup møøk mo ï yaa jäälö ki ge. Kiper jïrï da jø møøk kaagø mo ojïëy ki pwöc Beelam, ŋata pwöny Beelak ki jöö man wëëk wäät Icriel cwany tietge ki gø, nee ge cämge ki caammi mo wø 'näk jï juu, ni bëëtge ki bëët käp.

Pïëmme 11:25

?Aŋø, iï caarø ni kadha ïïni ki Balak o Cëëpör, nyeny jø Möap? ?Aŋø, awïnynyï ni Balak apïëmö ki jø Icriel na bëëde ni këëde ki geni?

Pïëmme 5:11

Dööt jø leny awïnyö ki kwör wø um jiyi yïthge ki pïï, ni ge cara gïr japa näk adïëri na tïïc Wuuö Jwøki, ni beeye gïr japa näk adïëri moa tïïc Wuuö Jwøki kiper jø Icriel moa bëëdö yïth mïëri moa en wøk; ni put tïmö ni løny jï jic Wuuö Jwøk ki man døøge kwör acooŋe moge na en dhøk kiiri mo mïëri moøgø.

1 Camiel 12:7

'Ba ennø, cegu ïthu naa cääna ki uuni nyïm Wuuö Jwøk, naa caana luup bëët moa beyø na tïïc Wuuö Jwøki jïïu ki kwäyu.