Mikiya 6:4 - Wëël Jwøk

⁴ Ka adïëri møn, ya acääŋŋe uuna käla wøk ki Ijep, ni piema uuni ni päda uuni yi bëët laŋ, ni cööra Modhe nyïmmu, eni ka Aran ki Mariyam.

Mikiya 6:4 Iomraidhean Croise

2 Camiel 7:23

?Aŋø, da wï jur bäät piny kany mo caala jiyï ma jø Icriel? Kiper beeye ï na Jwøk marwa na ö baŋ jiyï ma jø Icriel, ni kälï wa wøk ceŋ jø Ijep, nee wa bëëtwa na jiyï, ni tïïyï nyeŋŋï nee wïnye. Ïïna tïïö ki gïï mo døøŋŋø mo di lwäärö dëët wïth juurre ki juu moge, ni riemï ge wøk nyïmwa, wa na jiyï.

Bwøth Wøk 12:51

'Ba dïcäŋeca kiree, Wuuö Jwøk jø Icriel akäl wøk yi ŋööm Ijep ki køør lwaae moge.

Bwøth Wøk 20:2

ni «Beeye a na Wuuö Jwøk na näk Jwøu, na käl uuni wøk ki yi ŋööm Ijep, paana näk po laŋ.

Bwøth Wøk 3:10

Kiper manøgø nø, ï na Modhe en, ööï nø, niï jääŋŋa baŋ Peerø, kiper nee jiya ma jø Icriel nee kälï wøk ki yi Ijep.»

Bwøth Wøk 4:10

'Ba Modhe aköö jï Wuuö Jwøk, ni «Wui Awuuö, a paa dhaanhø mo caan luup ŋääe, ki mana bëëda cøøn, këël man cäänï ki aani dïcäŋi en, a na näk laŋŋï; kiper aana dhaanhø mo cäänö teek jïra ni leeba ba rwäänhnhi.»

Bwøth Wøk 4:16

Eni thuwø, eno tïmö ni cäänö eni jï jiy na karï; ni tïme na dhøk marï, ni tïmï niï caala Jwøk ki baŋe.

Bwøth Wøk 6:27

ni beege Modhe ka Aran na cäänö ki Peerø nyeny Ijep kiper nee jø Icriel kälge wøk ki yi Ijep.

Jeremaya 32:21

Ïïni, jiyï ma jø Icriel akälï wøk ki yi ŋööm Ijep ki køør ŋïïce ki gïïa näk rëëma ec, na tïïyï ki køør teek badï na dwøŋ, ki gïïa døøŋŋø na tïïyï na kännö ki lwär.

Amøc 2:10

Ni beeye aani na käl uuni wøk cøøn ki yïth ŋøøp Ijep, ni käära uuni dï paap ki cwiiri ma pïëraŋween, kiper nee ŋøøp jø Amör cige jïïu.

Kwään Jiy 12:1

'Ba kar kanyøgø, Mariyam ka Aran nyeŋ Modhe awaacge kiper cïïe mana nywøme na näk nyi jø Kuuc, kiper cïïe mana nywøme beeye dhaagø mo käla ri jø Kuuc.

Kwään Jiy 33:1

'Ba moi beege kwöra caath jø Icrielli, kanya öge wøk ki Ijep ni ge cäädhi na lwaae kaamar jiy mo rege ege jiiŋŋø kiper leny, ni ge bwøtha Modhe ka Aran.

Moa Tïïc Nyïïatwieli 7:36

Ni bwøth jø Icriel wøk ni tïïe ki gïï mo rëëma ec ki ŋïïce yi Ijep, ki bäät Naama Kwaar, ki dï paap ki yïth cwiiri ma pïëraŋween.

Tiet Ciik 15:15

'Ba wïthu wär caarru ki mana bëëdu ni uuna laaŋe yi ŋööm Ijep, na ö Wuuö Jwøki na näk Jwøu na wïïl uuni wøk. Man beeye tiere gø ni köömma uuni ki gïn dïcäŋi en.

Tiet Ciik 24:18

'Ba wïthu dou caarø ki kanya bëëdu ni uuna laaŋe Ijep, na ö Wuuö Jwøki na näk Jwøu na wïïl uuni wøk kaace, ni beeye tiere ni köömma uuni ki gïï ii nee tïïyu.

Tiet Ciik 4:20

'Ba Wuuö Jwøk uuna lwøre ni käl uuni wøk ki Ijep na näk caala këën thäth mo liel, kiper nou tïmu ni uuna jiy moa näk thööge, kaawat man bëëdu dïcäŋi ennø.

Tiet Ciik 4:34

?Aŋø, a jwøa ŋø na päär gø ki man kääde ki wï jur kiper dëëre dï wï jur mør, kaawat mana tïïc Wuuö Jwøki na näk Jwøu kiperu Ijep, na käl u wøk ki køør päärö mo teek, ki ŋïïce ki gïï mo rëëma ec, ki køør leny ki teek bade ki teek mare na dwøŋ, ki gïïa døøŋŋø na tïïe na kännö ki lwär, na jootu ki nyeŋŋu?

Tiet Ciik 5:6

«Køøre ena köö: ni ‹Beeye a na Wuuö Jwøk na näk Jwøu, na käl uuni wøk ki yi ŋööm Ijep, paana näk po laŋ.

Tiet Ciik 7:8

'Ba uuna jiere kiper mana mëëre ki uuni jaak, ni eni manynya man gwøk gïna kööŋe ki gø jï kwäyu; ni beeye tiere gø na käl uuni wøk ki teek bade, ni pät uuni yi bëët laŋ, ni käl uuni wøk cer Peerø nyeny Ijep.

Tiet Ciik 9:26

Ni läma jï Wuuö Jwøk, ni kööa, ‹Wui Kwäärö Wuuö Jwøk, jiyï moa näk thöögï na wïïlï wøk ki køør teegï na dwøŋ, na kälï wøk ki yi Ijep ki teek badï, kär 'nägï.

1 Camiel 12:6

Køøre Camiel aköö jï jiy, ni «Beeye Wuuö Jwøk na cuum Modhe ka Aran, ni beeye eni na käl kwäyu wøk ki yi ŋööm Ijep.