Mikiya 5:7 - Wëël Jwøk

⁷ 'Ba nyïïkwaac Jeekap moo dööŋ, geno bëëdö yïthakic wïth juurre mo thööth, ni ge caala thööy man wø cïp Wuuö Jwøki bäät beel. Ni bëëtge kaamar kuunhnhi mo jwøya beel, ni pädhö marge wala bäŋ pädhö marge ba koor man wø caan jiyi.

Mikiya 5:7 Iomraidhean Croise

2 Camiel 17:12

Køøre nø, ø puta pïï ree ni joodø eni kanyo näk ree ee kanø yie, ni putø eni tuk ni ø thööth døc kaawat man wø ö rwöci wø ö piny; 'ba eni ki jø leny moa en buute bëët, puta tïmö ni bäŋ dhaanhø mo bøth këël dhaanhø aciel.

Pwöc Leec Wïc 19:12

Wëër mar nyeya caala man wø wëër ŋuuwi, 'ba met ec mare caala man wø ö thööyi ni wø øc tiet beel.

Aydheea 32:15

këël kanyo ö Jwïëc Jwøki noo ööe ki maal noo ö bäätø, noo tïm dï paapi na pwödhö mo ŋöömme beer, ni ö pwödhö mo ŋöömme beer ni kadhe ni tïme kaamar lul mo oløth.

Aydheea 44:3

Kiper aani pïï otïïa nee kwötge ki yi ŋöömma no onäk riewi, ni tïïa nyeŋ näm ni kwödö ki yi ŋöömma no otal. Jwïëy 'moa ojääŋŋa bäät jø okäl dëërï, ni bëët gwïëthi mara ni ena bäät nyïïkwaayï;

Aydheea 55:10

Kaawat man wø ö køthi wø pänhnhe ki maal, ni ba døøk jaak ni piny käre jooø, ni ba døøk jaak ni jap piny käre wëëk tuuö ni ciekge, ni ba døøk jaak ni kär cïpö ki köödhi jï jø wø pïïdhö ni cïpe ki cam jï jiy,

Aydheea 66:19

Ni kïtha yïthakicge ki ŋïï, ni ö moo dööŋ ni kwøw rege ni jääŋŋa ge baŋ wïth juurre; ni beege baŋ jø Tarcëc, ki jø Put, ki jø Lidiya ni wø thöödhö ka athëëre, ki jø Tubal, ki jø Jawan, ni beege jøøa en mïëya kwörge bäyö na en bäät naama dwøŋ, na näk dööŋ kar mar nyeŋŋa kärge wïnynyö na ajiem mara kärge neenø. Geni ajiem mara okøpge jï wïth juurre.

Jeremaya 14:22

?Aŋø, ki røk juu mo oballe jaak mo wïth juurre, dagø dïge mo løny ki man jääŋ køth? ?A løny ki man ö maalli keere ni pädhe ki køth? Wui Wuuö Jwøk, Jwøk marwa, aŋø, paa ï keerï ni wø jääŋ køth? Kiper manøgønø, waani, wa bëëdö ni wa ŋäätha ïïni, kiper beeye ïïni na tïïc japøgø bëët.

Edhikiel 14:22

'Ba poot da obwöc cwøw ko obwöc mään mo dööŋ ni kwøw mo käla wøk ki yie. Geni, geno ö baŋu; 'ba kanyo jootu bëëtö marge, ki tïïe moge, uuno jïti ki cïp cwïny piny kiper gïïa leth bëët na kïtha bäätge, ge na jø Jerucalem.

Edhikiel 47:1

Køøre nyïïatwiel maal aana cäŋ dwøk dhi Øt Jwøk, ni jïta ki pïï mo kwönna wøk ki tier dhi øtø mar Øt Jwøk, ni kwöta jï løø kur tuul-cäŋ; kiper Øt Jwøk nyïme ena jï løø kur tuul-cäŋ. 'Ba pïï kwönni ka jï løø bäät cwïïc mar Øt Jwøk, ni beeye ki jï løø tier-piny ki gïn wø cïp olämme bääte.

Edhikiel 5:5

'Ba man bee gïna caan Kwäärö Wuuö Jwøki, ena köö, ni «Man bee Jerucalem, na tïïa ni ena dïër yïthakic wïth juurre, ni eno rum mïëri dïër.

Daniel 11:32

'Ba eni jiy moa kwier lam mar jø Jwøk di cøøgø ki luup mo pøøth ki man käl geni løøe. 'Ba jiy moa ŋäc Jwøge ge bëëdö karge ni ge teek, ni dhäthge jïre.

Odheea 14:5

A tïmö naa caala thööy ki jï jø Icriel, ni ö jø Icrielli ni løthge ni ŋøøkge kaamar apiitø, ni këët lweetge piny kaamar jer lur Libaanø.

Odheea 6:3

Kiper manøgønø, beerra man ŋääø Wuuö Jwøk; beerra man reedhø ri man ŋääø eni. Öö mare caala man wø kwäär øwi, ni ö baŋø kaamar køth, ni caala køth mar dhi køth ni wø jwøc piny.»

Jool 2:32

'Ba gïno tägi, ŋato cøør nyeŋŋa, a na Wuuö Jwøk, di piemø, kiper ki køør mana caana, a na Wuuö Jwøk, da jiy mo bøth ni kwøw bäät Kïn Dhayan, ni beeye Jerucalem, ni moo bøth ni kwøw beege moo cwøla, a na Wuuö Jwøk.

Amøc 5:15

Männu ki gïna raac, ni mëërru ki gïna beer, ni cïpu ŋøl ma kare kar løøk; kanymør Wuuö Jwøk, eni na wïth jammi bëët, yie bänhnhö ki jø paac moa dööŋ.

Mikiya 2:12

'Ba mana caan Wuuö Jwøki beeye en, ena köö, ni «U na nyïïkwaac Jeekap, u cooŋa kanya ciel u bëët, ni lema uuni, u na jø Icriel moo dööŋ, ni cïba uuni kanya ciel kaamar dïëk mo ena kaal, ni cuuny pinynyi ki jiy.»

Mikiya 4:13

Wui jø Dhayan, ööu maal ni nyøru geni kaawat man wø ö dhäki wø dïnge beel; kiper u mooa mooø ki teek mo caala teek nywïënyö, ni tïïa tietu ni teek kaamar nywïënyö ma jwïël, ni nyathu wïth juurre na thäŋi.» 'Ba uuni, gïïa jootge bëët ki jöö mo patha kare, ni beege jap kwärö moge, ocïpu jï Wuuö Jwøk, eni na Kwäärö mar bäät piny bäre.

Mikiya 4:7

Aani, ŋööte ki jiy moa no ojarø tïïa tïïö na mo dööŋ, ni tïïa geni na wï jur mo teek. Ni ööa, a na Wuuö Jwøk, ni käära geni ni aana nyeya marge bäät Kïn Dhayan, ki mano täge kar kaace nø, këël bäre bäre.

Mikiya 5:3

'Ba kiper manøgønø, Wuuö Jwøk jiye cïbe ceŋ nyïïmän, këël kanyo ö nyakøøe noo jït dëëre ki mäc noo lwaare ki nyilaal. Køøre thäk jø poge moa mak ki tøŋ na dööŋ oduui, ni dwätge ki jø poge ma jø Icriel.

Mikiya 5:8

Nyïïkwaac Jeekap moo dööŋ, geno bëëdö yïthakic wïth juurre, ni beeye wïth juurre mo thööth, ni ge caala ŋuu mo ena dï lääc paap, ni bëëtge kaamar nyi ŋuu mo ö dï pïïth dïëk, ni päär bäätge ni jeec ge, ni bäŋ ŋat mo maar lønyø jïre ki man køny geni.

Mikiya 7:18

?Ïïni, a Jwøk mane ni caal ïïni, ï ni wø wëën raay, ni wø wec gïïa bac jiyï na näk thöögï moa dööŋ? Ïïni wëër marï ba bëëdö na bäre bäre, 'ba yiï wø mïnni ka man nyoothï mëër marï ni wø ba jøøl.

Jepaniya 3:13

'Ba jø Icriel moo dööŋ ni kwøw ge ba bääö këët, ni ge ba cäänö ki tööt këët, ni bäŋ luup cwøk mo wïnynyi dhøkge këët. 'Ba geno cämö ni butge jaak, ni bäŋ ŋat wëëk geni lwär.»

Dhekaraya 14:8

'Ba dïcäŋöca pï kwøw okwön wøk ki yi Jerucalem, ni ö thääŋö mar pïïögø ni jööt yi naama dwøŋ jï løø kur tuul-cäŋ, ni ö thääŋŋe maya ni jööt yi naama dwøŋ na en jï løø kur pänh-cäŋ; ni manøgø tägi ka yi cwiir ki öörö bäre.

Dhekaraya 9:13

Aani jø Juuda ge tïïa tïïö kaamar atummi, ni ö jø Ipariem ni tïmge na athëëre moge. Wui, ï na Dhayan, jiy moï tïïa tïïö kaamar opëël leny, ni öge maal ki leny bäät jø Gïrïïk.»

Mathiew 28:19

Kiper manøgønø, cou ni tïïyu wïth juurre mo bäät piny bëët na bääŋi 'moa, ni lwøgu geni na nyuudhi ki nyeŋ Wuuö, ki Wäädö, ki Jwïëc Jwøk na en kur keere.

Moa Tïïc Nyïïatwieli 11:15

'Ba kanya täga ki cäänö, Jwïëc Jwøk na en kur keere aö bäätge, kaawat mana kwøŋ ö bäätø.

Moa Tïïc Nyïïatwieli 13:46

'Ba Pøøl ki Barnaba gena put cäänö døc ni cwïnyge da cer, ni köge, ni «Doo beer ki mana di luum Jwøk caanø jïïu dïkwøŋ. 'Ba kawaane na thanyu gø wøk, ni ŋølu rou wøk nou ba rømi ki kwøw mana näk adïëri mo bäŋ cuŋŋe, wa luga baŋ juurre nø.

Moa Tïïc Nyïïatwieli 16:9

Ni ö Pøølli ni läge ki wäär, kee da dhaanhø ma nyï Macedönia mo cuŋŋö ni kwaaya gø, ni köö, ni «Ö yi Macedönia, ni kønyï wa.»

Moa Tïïc Nyïïatwieli 9:15

'Ba Wuuö aköö jïre, ni «Ciï, kiper eni yaa jierø na gïr tïïc mara, nee nyeŋŋa kääre dï juurre ki nyeye ki dï wäät Icriel.

Wëëlö Mana Göör Pøølli Baŋ Jø Röm 10:20

Ni Aydheea cwïnye da cer kanya caan gø, ni «Aana joot jøøa kär many aani, ni nyoodha raa jï jøøa kär pëëny aani.»

Wëëlö Mana Göör Pøølli Baŋ Jø Röm 11:12

'Ba ni näk dhal luubö marge beeye na käl kwärö jï jø piny, ni kääŋö marge beeye na käl kwärö jï juurre, a teeŋ kwärö mo nyïëdi nø kanyo duu geni yie!

Wëëlö Mana Göör Pøølli Baŋ Jø Röm 9:30

?Agïnaŋø noo caanø nø? Juurre na kär løp køør bëënynyö, bëënynyö ajootge. Ni beeye bëënynyö man wø joot ki køør ŋäädhe.

1 Körin 3:6

Beeye aani na pïïdhö, ni ö Apøla ni jwëën tietge ki pïï, 'ba beeye Jwøk na wëëk ge pïth.

Tiet Ciik 32:2

Beerra man tïm luup pwöc 'moa ni caala pï køth; ni tøønge kaamar thööy mo tøøna bäät luum mo marr; ni tïme kaamar køth mo thiinhnhi bäät gïï mo opiidhø;

Pïëmme 6:36

Køøre Gidien aköö jï Jwøk, «Ni näk mo jø Icriel piemï piemø ki raa møn, kaawat mana nø caanï gø,