Mikiya 5:6 - Wëël Jwøk

⁶ Ni ö geni ni käärge jø wø en yi ŋööm Aciria ki dho opëëllö, ni beeye ŋööm Namrut noo käärge no opëëlle moge ege wöth wøk. 'Ba eni ø pieme piemø ceŋ jø Aciria, kanyo öge noo tukge ŋöömö marø, noo nyøønge ŋöömö marø.

Mikiya 5:6 Iomraidhean Croise

2 Nyeye 15:29

'Ba ki yïth nïne moa bëët Peka ni ena nyeny Icriel, Tiglat-Pilëëcër nyeny Aciria aöö ni mak päänye moa cwøl ni Ijöön, ki Abël-Bëëth-Maika, ki Janöa, ki Këdëc, ka Adhör, ki ŋööm Gelät ki ŋööm Galili, ni beeye ŋööm jø tuuŋ Naptali bäre; ni mak jiy ki tøŋ ni kïth ge ya Aciria.

1 Luup Nyeye 1:10

Køøre Kuuc Namrut anywøle, ni ö Namruti ni tïme ni beeye ŋata kwøŋ bëëtö no oteeø bäät piny.

2 Luup Nyeye 33:11

Kiper manøgø, Wuuö Jwøk kwääc lwaae mo leny mo nyeny Aciria akäl bäätge, ni makge Maneeca, ni gänge um gø ki gïn mo caala obïth, ni twöcge gø ki tiimme mo tïïc ka nywïënyö ma jwïël, ni kïthge gø Babiløn.

Jööp 29:22

Kany wø näk mo aano cäännö, ge ba cäänni køøra këët; luup 'moa putge ka wïnynyö na kare.

Aydheea 14:2

Kanyøgø nø wïth juurre öö ni jiethge jø Icriel, ni kïthge geni yi ŋöömö marge, ni ö jø Icrielli ni tïïcge wïth juurre moøgø na moge yi ŋööm Wuuö Jwøk; ni ö cwøwi ki mään mo jøøgø ni bëëtge ni gena jø tïïc jïge. Jø Icriel, jiy moa mak geni ki tøŋ makge maaø ki tøŋ, ni tïmge na kwääri bäät jøøa dïïm geni.

Aydheea 14:25

Aciria nyøra nyørø ni raanynya gø yi ŋöömö mara bäät kïte 'moa. Gïïa leth na tïïe na caal jaath puur man wø rïï ŋut dhieŋ di paanyø bäät jiya, ni ö tëërri mare na peek ni tïŋi maal göök jiya.

Aydheea 33:1

Wui, otïmö ni leth jïrï, ï ni wø räänyö, ni bäŋ ŋat mo raany ïïni. Wui, otïmö ni leth jïrï, ï ni wø tïïc gïï mo reyø ki piny, ni bäŋ gïn mo raac mo otïïö dëërï. 'Ba kanyo weyï räänyö, ï put ka raanynyø, ni kanyo weyï gïï mo reyø mo wø tïïyï ki piny, gïï mo reyø put ka tïïc dëërï thuwø.

Aydheea 37:36

Køøre nyïïatwiel maal mar Wuuö Jwøk aci twïër mar jø Aciria, ni 'näk jiy ma kume ma dïpa aciel ki pïërabära kurbïïc. 'Ba na päc jiyi ka amöölla cøøn, ka adïëri møn, jiy bëët aputge joot no othøw.

Aydheea 37:37

Kanyøgø Cenakerëp nyeny Aciria aput tïŋŋö ni døø paare Nineba, ni bëëde yie.

Aydheea 6:13

'Ba këël ni näk mo dööŋŋa dhaanhø aciel ki ra apaar yi ŋöömmögø, poot cäŋa waaŋ; ni tïmge kaamar jaath mo teek kanyo ŋødi piny ni dööŋ gutö mare. 'Ba gutö manøgø beeye noo tïmö na kunhnhö mana näk ena kur keere.»

Jeremaya 14:22

?Aŋø, ki røk juu mo oballe jaak mo wïth juurre, dagø dïge mo løny ki man jääŋ køth? ?A løny ki man ö maalli keere ni pädhe ki køth? Wui Wuuö Jwøk, Jwøk marwa, aŋø, paa ï keerï ni wø jääŋ køth? Kiper manøgønø, waani, wa bëëdö ni wa ŋäätha ïïni, kiper beeye ïïni na tïïc japøgø bëët.

Neeyam 2:11

?Ennø, age pääny Nineba na caal kar bëët ŋuuwe, na kany wø bëët ŋuuwe yie mo ogäy, na kany wø bëët cïgïï ŋuuwi yie ki maath ŋuu, na kany wø bëët nyïïge yie no ogwøø?

Jepaniya 2:13

'Ba Wuuö Jwøk cere orwiee thuwø bäät wï-piny ni jääl gø, ni raany Aciria, ni wëëk pääny Nineba ränynyö ni dööŋe ni bäŋ gïrpiny yie, ni put gø wëëk talø kaamar dïtëën.

Jepaniya 3:12

'Ba aano kïth yi Jerucalem ki jiy mo mwöl mo dëëtge ege dwøk piny, ni putge bëëtö ni geno göök ri nyeŋŋa, a na Wuuö Jwøk.

Luk 1:71

ni ø doo piemø ceŋ nyïïmännø, ki ceŋ jøøa män ki øøni bëët,

Luk 1:74

nee ø pieme ceŋ nyïïmännø, nee lønyø jïïø ki man tïnynyø eni ni bäŋ lwär,

Luk 24:27

Ni par luup bëët jïge moa en yïth weet Jwøk na näk ocaanø kipere, ni tääe ka luup Modhe këël mo nyïïkuk Jwøk bëët.

Tiet Ciik 32:2

Beerra man tïm luup pwöc 'moa ni caala pï køth; ni tøønge kaamar thööy mo tøøna bäät luum mo marr; ni tïme kaamar køth mo thiinhnhi bäät gïï mo opiidhø;