Mikiya 5:2 - Wëël Jwøk

² 'Ba Wuuö Jwøk aköö, ni «Ï na Bethelem na en Eeparata, këël na bëëdï ni thiinhnha ïïni dï mïëc tuuŋ Juuda, ŋato käär jø Icriel othïïŋa kiper tïïc mara, ni eni ööi ki riï; ni öö mare käla ya acääŋŋe cøøn yïth nïra dïkwøŋ.»

Mikiya 5:2 Iomraidhean Croise

Wïlöölö 35:16

Køøre gena tïŋŋö Bëthël. 'Ba kanya poode ni karge poot bäyö mëëth ki man pïïcge Eeparata, Reecal ree ajïtö ki mäc lwaar, ni tïm lwaarri mare ni teek døc.

Wïlöölö 35:19

Kanyøgø Reecal aput thøø ni koonyi jöö mana ci Eeparata na näk Bethelem.

Wïlöölö 48:7

Kiper kanya ööa ki yi Padan, kanya poode ni piny poot bäär mëëth naa poot kär pïï Eeparata, meru ma Reecal athøø buuta øtjöö yi ŋööm Keenan, ni koonya gø kaace øtjöör Eeparata, paana cwøl ni Bethelem.»

Wïlöölö 49:10

Athøc kwär ba aay cer Juuda, ni kwär ba aay dhi øde, këël mano ö ŋat ma athøc kwär dööŋ jïre; ni tïm jiyi bëët ni leŋa ciik moe.

1 Luup Nyeye 2:54

'Ba jiy moa käl ri Calma beege jø Bethelem, ki jø tuuŋ Nethöpa, ki jø Atharöt-Bëëth-Jöap, ki thääŋ jø Manëat, ki jø Dhöra.

1 Luup Nyeye 4:4

'Ba Peniël beeye wää Gëdör, ni Ëdhör beeye wää Uca. Ni jøøgø beege jøøa käl dëër Ur, ni beeye Ur mana näk kany Eeparata wää Bethelem.

1 Luup Nyeye 5:2

'Ba Juuda atïmö no oteeø døc ki røk uutwänni, ni joot bwödhi ki ree; 'ba dööŋ kar poot ena baŋ wäät Jocep.

Bwøth Wøk 18:21

Køøre thuwø ï doo jëëtö røkge bëët ki jiy mo nyeŋge reegø mo lwäär ki Jwøk, na jiy mo di ŋäädhö, na jiy mo män ki møt; ni tïïyï geni na wïth jø Icriel, ni tïmge na kwääri mo lwaa jiy ma kume ki ma dïpe ki ma pïërobïïci ki mo opaarri.

Bwøth Wøk 18:25

Ni ö Modhe ni put jëëdö ki jiy mo nyeŋge reegø dëët jø Icriel bëët, ni tïïc geni na wïth jiy, na kwääri mo lwaa jiy ma kume ki ma dïpe ki ma pïërobïïci ki mo opaarri.

Aydheea 11:1

'Ba lwiidhø ojoot ki ri Jeci; ni ö bati mano ööi ki ree ni nywøle ki nyey.

Aydheea 53:2

Kiper dhaanh Wuuö Jwøk na näk ee jierø adøøŋŋø nyïm Wuuö Jwøk kaaman wø løth bat jaathi ri gutö, ni caala lweet jaath mo tuya yïth ŋøøm mo otal. 'Ba eni ba nëëni ni kare dwøŋ, ni bäŋ kït mïërö jïre ki man mäk nyeŋ jiyi dëëre, ni kïdö mare, jiy ba tuude ki man raŋi.

Aydheea 55:4

Ka adïëri møn, ŋatøgø atïïa na ŋat ŋäc tiet jammi 'moa, ni wø caan gø jï jiy, ni tïïa eni na bwödhi na ŋat kööm jiy.

Aydheea 7:14

Kiper manøgønø, Kwäärö Wuuö Jwøk ki dëëre cïpö jïïu ki nyuudhi; ka adïëri møn, nyakøø mo dëër dïcwøø poot kuue ojïti ki nyilaal ni lwaare ki gø na dïcwøø, ni cak nyeŋ gø ni Imanuwel.

Jeremaya 30:21

Dïbwödhi marge otïmö na ŋat mo ena rege, ni beeye kwäärö mo käla dëëtge. eno nyïïa buuta, ni ö baŋa. ?Kiper aŋa ni løny jïre keere ki man ö baŋa, a na Wuuö Jwøk?

Odheea 6:3

Kiper manøgønø, beerra man ŋääø Wuuö Jwøk; beerra man reedhø ri man ŋääø eni. Öö mare caala man wø kwäär øwi, ni ö baŋø kaamar køth, ni caala køth mar dhi køth ni wø jwøc piny.»

Amøc 9:11

«Da dïcäŋ mo öö mo wï po Deebit mana no opädhö tïŋa maal, ni dwøga kwöra näk oränynyö karge, ni cäŋa gïïa näk oränynyö geerrø, ni dwøga gø kare kaawat mana bëëde dïkwøŋ.

Mikiya 4:10

Wui jø Dhayan, uuno baŋŋi ni rämu kaamar dhaagø mo ogøøc mäc lwaarri, kiper ennø, u dønynya wøk ki yi pääny ni u mak ki tøŋ, ni bëëdu kwör mo uuno nicweeŋŋa wøk jaak. Uuni, u cøøa Babiløn, 'ba a na Wuuö Jwøk, uuno piema ceŋ nyïïmän mou kunece.

Dhekaraya 13:7

Wuuö Jwøk, eni na wïth jammi bëët, aköö, «Wui, opëëllö! Ö maal ni 'nägï dïkwääy mar dïëk 'moa; 'näk eni, eni na kare cään ki aani; 'näk dïkwääy nee dïëk keethge; 'ba aani cera ocäŋa løø bäät obwöre moa therø.»

Dhekaraya 9:9

«Wui, Dhayan, iï mïnne døc! Ni kwöŋŋï ki met ec, ni bee ï na Jerucalem! Raŋï, nyeya marï ööa baŋï, ŋat mo mare beeye adïëri, mo käära pïëm man piem jiy ki gø; eni mwöl, ni ena bäät arëën, ni beeye bäät nya arëën mana thiinh.

Mathiew 2:1

'Ba kanya lwaarø ki Jecu yi Bethelem na en Judia yïth nïra bëët Eerati na nyeya, da jiy mo wø kwaana ceer ma aöö ki yïth mïëya en jï løø kur tuul-cäŋ, ni öge Jerucalem, ni pëëge,

Mathiew 2:6

«ni ‹Ï na Bethelem ni en yi ŋööm Juuda, karï ba thiinh dï mïëc Juuda, kiper bee ïïni noo ö dïbwödhi ki riï, ŋato gwøk jiya ma jø Icriel.› »

Mathiew 28:18

Ni ö Jecu baŋge ni kööe jïge, ni «Teek mar maal bäre ki mar piny bäre anø wëëk aani.

Luk 23:2

Ni täkge ki man kïthge bääte ki luup, ni köge, ni «Nyeni en ajootwa ni manynya man wëëk powa ageem ka akwöma, ni män wa ki cïp ajwäk jï Cidhar, ni kööe ni eni ki dëëre beeye Krictø, ni ena nyeya.»

Luk 23:38

'Ba kaace thuwø da luup mo ogöörö maal wïïe, ni «Ŋati en beeye nyeny jø Juuth.»

Jøøn 7:42

?Kär caan wëël Jwøki na bëëde, ni Krictø doo käla ri nyïïkwaac Deebit, ni doo öö ki yi Bethelem, paana kwøŋ Deebiti bëëdö yie?»

Tiet Ciik 1:15

«Køøre jiy moa näk dïbwöthe mo wïth tuŋi mou, jøøa wïthge leer na näk oŋïyö ki tïïc, gena lwøra ni cuuma geni na kwääri bäätu, ni tïïa geni na kwääc lwaae mo wø käär jiy ma kuma, ki mo wø käär jiy ma dïpa, ki mo wø käär jiy ma pïërabïïc, ki mo wø käär jiy ma apaar, ni tïïa geni na kwääri kiper wïth tuŋi mou.

Köløcia 1:17

Ni beeye eni na nut kanya poot jammi bëët. Ni beeye eni na ö jammi bëët na kuutge ree.

Ibaru 13:8

'Ba Jecu Krictø poot na kare, ya awääre ki dïcäŋi, këël na bäre bäre.

Ibaru 7:14

Kiper ŋäc ni Kwääyø käla dhi øt Juuda. 'Ba kur tuuŋøce bäŋ gïn mo ocaan Modhe kiper dïlämme.

1 Jøøn 1:1

'Ba luummi ni göörwa baŋu en, wa gööra luum kwøw, na nut cøøn wïlöölö, na wïnywa, ni neenwa gø ki nyeŋwa, ni neetwa gø, ni mulwa gø ki ceŋwa.

Mana Nyooth 19:16

'Ba ra abïïne ki ya awaye ogöönnö ki nyeŋ, ni köö, ni «Nyeny nyeye ni näk Kwääc kwääri.»

Mana Nyooth 2:8

«Ni göötï baŋ nyïïatwiel maal mar acooŋ Jwøk mana en Camerna, ni kööï, ni «Moi beege luup ŋata dïkwøŋ ni näk aŋuudi, na thøw ni cäŋ kwøwø.

Mana Nyooth 21:6

Ni kööe jïra, na «Aløny nø. Aana Alpa ni näga Omëëga, ŋata nut wïlöölö ni näga cuŋŋe. 'Ba jø wø dëëtge da riew omooa ki pïï mo ba ŋeew mo käla yi jøøro mar pï kwøw.

Pïëmme 17:7

'Ba da nyen mør mo poot na wøp mo bëëdö Bethelem na en Juuda, ma tuuŋ ki jø Juuda, ma tuuŋ jø Libay; 'ba eni bëëdö Bethelem na wëëllö.

Ruuth 1:1

'Ba kanya bëët jø Icrielli tiet jøøa bëëdö na pïëmme, dï paac ajïtö ki meel. Ni ö nyen mørri ma ŋat Bethelem na en yi ŋööm Juuda ni aa po jø Möap kuna bëëde yie na wëëllö, ni beeye eni ki cïïe ki wääte karge riet.

Ruuth 4:11

Køøre jøøa en dhi kiir kar acooŋa bëët ki jø døøŋŋø aköö, ni «Wa tïmö ni waana jiy mo ŋäc luummögø møn. Beerra man ö Wuuö Jwøki ni tïïc dhaagø mano ö paarï enø ni caala Reecal ki Liia, mään moa na ariiø na nyaac dhi øt Icrielli ki rege. Ïïno tïmö na dhaanhø mo okwär, ni wïny nyeŋŋï yi Eeparata na näk Bethelem.

1 Camiel 10:19

'Ba ennø uuni, Jwøk maru anø kwierru, ni beeye Jwøa køny uuni yïth gïïa leth ki caannø mana bëëdu yie, ni kööu, ni ‹Röönyï jïwa ki nyeya mo bëëtwa tiere.› 'Ba ennø møn, nyänhnhu nyïm Wuuö Jwøk ki køør wïth tuŋi mou ki dhøk uudi mou.»

1 Camiel 17:12

'Ba Deebit beeye o Jeci nyï Eeparata, na käl Bethelem na en yi ŋööm Juuda. 'Ba Jeci jïre da wääte abära. 'Ba kanya bëët Cøølli na nyeya, Jeci oløny na jaal, mo cwiiye thöötha geni røk jø poge.

1 Camiel 17:18

ni kwögï mädhi apaar moi na mo dhäk ii jï kwääc lwaa leny marge man wø käär jiy ma kuma; ni neenï jööt dëël mar nyïïmeru, ni duuï niï käädö ki gïn mo nyootha jööt dëël marge.

1 Camiel 23:23

'Ba ennø, manynyu ni ŋäyu kwör wø kaan ree yïthge bëët, ni duu baŋa ki luubö ma kare; køøre a aay ki uuni. 'Ba ni näk mo eni poot ena kaace, eni manynya manynyø, këël dï jø tuuŋge ma jø tuuŋ Juuda.»

1 Camiel 8:12

Eno röönyö ki kwääc lwaae mo ŋati man nø jïre da lwaa jiy ma pïërabïïc, këël mano këët røk kwääc lwaae mo ŋati man nø jïre da lwaa jiy ma kuma. 'Ba wäätu møøk otïïe na jø puur yïth pwöth moe këël mano kacge caammi moo ciek, ni tïïc møøk na jø wø tïïc jap leny ki jap jïëthe moe mo wø tut okwëënyi.