Mikiya 5:1 - Wëël Jwøk

¹ 'Ba ennø, u na jø Dhayan, pääŋŋu rou na dhøgi mo leny. Nyïïmän øøna nø cielge dïër. Nyeya mano ŋøl luup jø Icriel agøøcge ki thøra ki thääŋŋe.

Mikiya 5:1 Iomraidhean Croise

Wïlöölö 35:19

Kanyøgø Reecal aput thøø ni koonyi jöö mana ci Eeparata na näk Bethelem.

Wïlöölö 49:10

Athøc kwär ba aay cer Juuda, ni kwär ba aay dhi øde, këël mano ö ŋat ma athøc kwär dööŋ jïre; ni tïm jiyi bëët ni leŋa ciik moe.

1 Nyeye 22:24

Køøre Cëdëkiya o Kinana aput ö baŋ Mikaya ni dhööŋ gø ki thääŋ gø ni kööe, na «?Aŋø, jwïëc Wuuö Jwøk a ee wiiø nidïï ni tïme ni cäänö ka dëërï en?»

2 Nyeye 24:2

'Ba Wuuö Jwøk dïtwïëte mo jø Babiløn, ki mo jø Aram, ki mo jø Möap, ki mo jø Amön, ajääŋŋe baŋ Jeyöakëm, ni ge jääŋŋe kaper nee mïëc Juuda raanyge, ki køør dwøre mana caane ki dhøk jiye ma nyïïkuk Jwøk.

Jööp 16:10

Jiy aana buuge, ni dhööŋge aani ki thäga, ni rege ege cooŋ deŋŋa ni geno ö maal bääta.

Pwöc Leec Wïc 8:23

Aani, aana cuume cøøn dïkwøŋ, kanya poode wïlöölö ni piny poot kär cwääö.

Aydheea 10:6

Aciria jääŋŋa jääŋŋö baŋ wï jur mana kwier Jwøk, ni köömma gø nee ci baŋ jiy moa tïïc aani naa wëëra ki ge, nee japge twier ni käli, ni thiel ge piny ni nyør geni kaamar odhöönh mar øtjöö.

Aydheea 33:22

Kiper Wuuö Jwøk bee dïŋut luup marwa, ni bee eni na cïp ciik jïwa, ni ena nyeya marwa, ni bee eni noo piem waani.

Aydheea 8:9

Wui, u na wïth juurre, cooŋu rou kanya ciel, 'ba bäätu poot pädhö; uuni ni wø en kwör mo bäyö bäät piny bäre enø, cegu ïthu. Jegu dëëtu, 'ba bäätu poot pädhö; jegu dëëtu jaak, 'ba bäätu poot pädhö.

Aydheea 9:5

Kiper war bëët mo wø ŋooŋ jø lenynyi ki ge, ka abïïe moge moa näk ogääbö ki remø, di waaŋø ni thööri ya maaci.

Jeremaya 25:9

ka adïëri møn, a na Wuuö Jwøk, a jääga baŋ jø tiet mïëri bëët moa en jï løø wï-piny, ki baŋ Nabukedenecör nyeny Babiløn, eni na en cera, ni käla geni nee këëtge yi ŋöömmi en ki jiy mo wø bëëdö yie, këël ki wïth juurre mo wø kïïö ki ŋöömmi en. Ni puta geni raanynyø na bäre bäre, ni tïïa geni ni cwïny jiy böö ki gïno tägi dëëtge, na gïr abuua, ni päthge yi ränynyö mo bäŋ cuŋŋe.

Jeremaya 4:7

«Ŋat wø raany wïth juurre anø tïŋŋö, kaamar ŋuu mo ööa wøk ki ya abuŋŋö; ni eni tïŋŋi ka kar bëëtö mare kiper nee wï pou dïïre. Päänye mou ränynyö, ni dööŋge ni bäŋ jiy yïthge.

Wëël Kïmmö 3:30

Beerra man cïp thääŋŋe jï ŋat wø many man dhööŋ eni, ni bëëde no orøm ka ajøøŋ.

Edhikiel 21:32

Uuno tïmö kaamar jer maac, ni ö remø maru ni øc piny yi ŋöömö maru, ni ba par wïc këët ki uuni; kiper luummögø caana aani, a na Wuuö Jwøk.› »

Edhikiel 24:2

ni «Wär dhaanhø, göör nïne mo dïcäŋi piny, ni beeye cäŋ man kiree. Kiper dïcäŋ man kiree nyeny Babiløn Jerucalem aciel dïër.

Daniel 9:25

«Kiper manøgønø, beerra man ŋäyï gø ni kwanyï tiere ki man näk mo luubö mana caan ki man dwøk Jerucalem kare ki man cäŋi geerrø, këël kanyo ö ŋata näk wïïe othïïmmö ki maaw, ŋato käär jiy, otïmö na cwiiri abïriiø kwöre abïriiø, ki cwiiri abïriiø kwöre ma pïërabïciel ka ariiø. Jerucalem cäŋ ka geerrø ni da nyeŋ jïëthe ki kwör gwøk røk mo teek. 'Ba kar kaace beeye cäŋ gïï mo leth.

Jool 3:9

Luubö man gøø piny yïthakic wïth juurre: Ni jiiŋŋu dëëtu kiper leny, ni ö jø lenynyi moa teek ni öge maal. Beerra man ö jø lenynyi bëët ni nyiikge kany mo cään ni tukge.

Amøc 2:3

Nyeny Möap nääa nääö ki nyïïkuk moe bëët.» Gïnögø caana Wuuö Jwøki.

Abakuk 1:6

Kiper ka adïëri møn, aani jø Kaldia tïŋa maal, jøøa näk cwïnyge keec na näk cwïnyge piew ki lac gïrpiny, ni caathge piny bäre ki man macge kwör bëëte moa näk paa moge.

Abakuk 3:16

Gïïögø bëët awïnynya, ni tïm dëëra ni miel, ni tïm dhaa ni kwanynyi ki lwär, ni ö dëëra ni øc piny, ni tïm tieta ni nhønhnhi. 'Ba a puta bëëtö ni cwïnya yaa cïp piny naa koora cäŋ gïï mo leth mano tägi dëët jiy moo tuk waani.

Mathiew 26:67

Kanyøgø gena ŋuut nyeŋŋe ki laaw, ni døøŋge gø, ni ö møøki ni dhööŋge eni,

Mathiew 27:30

Ni ŋuutge bäät gø ki laaw, ni lwørge otöök ni gøøcge gø ki wïïe.

Mathiew 5:39

'Ba aani, a caana gø jïïu, ni kär kwörï coolï dëër ŋat mo tïïö ki gïn mo raac dëërï. 'Ba ni näk da ŋat mo dhööŋa ïïni ki thääŋ cwïïï, løk thääŋŋï maya jïre thuwø.

Jøøn 18:22

'Ba na caan gïnögø dïkuri aciel mo cuŋŋö buute, Jecu adhööŋe, ni kööe, na «?Aŋø, beeye mana diï løø jï Kwääy Lam Mana Dwøŋ enøgø?»

Jøøn 19:3

Ni öge baŋe ni köge, ni «Ïïna määth, nyeny jø Juuth.» Ni dhööŋge gø ki ceŋge.

Moa Tïïc Nyïïatwieli 23:2

'Ba Kwääy Lam Mana Dwøŋ ma Ananaya acïpö ki dwøl jï jøøa cuŋŋö buut gø, ni eni dhööŋ ki dhee.

2 Körin 11:20

Kiper u wø laara jïëy ni näk da ŋat mo öö ni døøc u laaŋe, wala eni raanynya japu, wala møta uuni, wala cäädhi ka atöör, wala dhööŋŋa thäŋŋu.

Tiet Ciik 28:49

«Wuuö Jwøk känna bäätu ki wï jur mo käla kany mo bäär ya aŋuun piny, ni läänge baŋu ka man wø lään coorri piny, ni beeye wï jur mo dhøkge ba wïnynyu,

Tiet Ciik 33:27

Jwøk na nut cøøn beeye eni wø bëëdu ree ni wø gwøk uuni; ni bëëdö ni u ee jølø cooth ki ceŋŋe. Ni beeye eni na riem nyïïmännu wøk nyïmmu; ni caan gø jïïu kiper nee geni thööru.

Pïëmme 17:7

'Ba da nyen mør mo poot na wøp mo bëëdö Bethelem na en Juuda, ma tuuŋ ki jø Juuda, ma tuuŋ jø Libay; 'ba eni bëëdö Bethelem na wëëllö.